✍ मराठी साहित्य, संस्कृती आणि लेखनाचे व्यासपीठ

माझ्या नकळत

— अनन्त्_यात्री,
मी चालून आलो अशाच वाटा ज्या माझ्या नकळत मुक्कामी पोचवून निरोप घेण्याआधी पुढील प्रवासाच्या धुंदीतच हरखून गेल्या मी मोजून आलो अशाच लाटा ज्या माझ्या नकळत किनाऱ्यावरी फेनिल होऊन फुटण्याआधी सागर तळीची अपार शांती पिऊन आल्या मी शोधून आलो अशाच ओळी ज्या माझ्या नकळत विस्मरणाच्या वादळात पडझडण्याआधी शब्दभूल पाडीत कुणाच्या ओठी रुळल्या
1303 वाचन
💬 प्रतिसाद (2)