Skip to main content

ब्रेडमुळे कॅन्सर होऊ शकतो

लेखक प्रणित यांनी मंगळवार, 24/05/2016 22:15 या दिवशी प्रकाशित केले.
ब्रेडमुळे कॅन्सर होऊ शकतो भारताच्या आरोग्य मंत्रालयाने केलेल्या चौकशीनुसार ब्रेड व इतर बेकरी उत्पादनामध्ये कर्करोगकरक रसायने वापरली जात असल्याचे दिसून आले आहे. पोटॅशियम ब्रोमेट व पोटॅशियम आयोडेटचा सढळ हस्ते वापर केला जातो या रसायनावर अनेक देशांमध्ये बंदी घालण्यात आली या पुढे मिसळ-पाव न खाता फक्त मि़सळ खावी लागणार http://www.bbc.com/news/world-asia-india-36366141
लेख वर्गीकरण
वाचने 4149
प्रतिक्रिया 13

प्रतिक्रिया

रमेश भिडे मंगळवार, 24/05/2016 22:40
संकेत स्थळाचे नाव झुणकाभाकर/ वडाश्याम्पल/ बैदाचपाती वगैरे काही ठेवायचा प्रस्ताव ठेवताय काय? नुसती मिसळ ठेवून उपयोगाची नाही. 'ती' मिसळ च्या जोडीला 'तो' पाव हवा च!

चित्रगुप्त मंगळवार, 24/05/2016 23:43
हानिकारक रसायने असली किंवा नसली तरी मुळात ब्रेडच अत्यंत हानिकारक असतो. अगदी कॅन्सर होत असेल तरच एकादा पदार्थ हानिकारक, असे नसून मलावरोध, आतड्यांमधे घाण साठत जाणे, असे अनेक रोगांचे मूळ असणारे त्रास ब्रेड (व मैद्याचे अन्य पदार्थ-)मुळे होत असतात.

टर्बोचार्जड फिलॉसॉफर बुधवार, 25/05/2016 00:14
आपल्या रोजच्या वापरातले बरेचसे पदार्थ कार्सिओजेनिक आहेत ,फक्त ब्रेडलाच का दोष द्यायचा ,पण तरीही बेकरी प्रॉडक्ट्स टाळावेत.

खटपट्या बुधवार, 25/05/2016 00:16
जॉन्सन अँड जॉन्सन ची पावडर वापरल्यामुळे ओवरीज चा कॅन्सर होतो हे ऐकले होते. खालील लिंकवर अधिक माहीती.. https://www.drugwatch.com/talcum-powder/lawsuits/ बाकी ब्रेड खाल्ल्यामुळे कॅन्सर होत असता तर मी आतापर्यंत मरायला पाहीजे होतो...

उगा काहितरीच बुधवार, 25/05/2016 06:43
सिगारेट मुळे कर्करोग होतो पण प्रत्येक सिगारेट पिणार्याला कर्करोग होतोच असे नाही. बाकी ब्रेड/पाव नसेल तर ब्याचलर लोकांचे किती हाल होतील ? पहिले मॕगी आता ब्रेड स्वयंपाक शिकावा लागेल बहुतेक :-(

नाईकांचा बहिर्जी बुधवार, 25/05/2016 07:35
पोटैशियम ब्रोमेट बॅन करण्याबद्दल सरकार ने पावले उचलली आहेत आता पुढे बघायचे काय काय होते. त्वरीत एक्शनचा विचार केल्या बद्दल FSSAI अन केंद्र सरकारचे हार्दिक अभिनंदन

तिमा बुधवार, 25/05/2016 10:03
एका वार्ताहराने काल, आयोडेट स्पेलिंग मधल्या 'I' "L" समजून पोटॅशियम लोडेट असं लिहिलं होतं! पोटॅशियम ब्रोमेट व पोटॅशियम आयोडेटचा सढळ हस्ते वापर केला जातो हे वाक्य गैरसमज वाढवणारे आहे. ही रसायने प्रिझर्व्हेटिव्ह म्हणून वापरली जातात आणि ती % मधे न वापरता पार्टस पर मिलियन इतक्या कमी मात्रेत वापरतात. जास्त वापरली तर बेकरीवाल्यांनाच परवडणार नाही. माझी स्वतःची बेकरी नाही.

मार्मिक गोडसे बुधवार, 25/05/2016 10:30
ही रसायने प्रिझर्व्हेटिव्ह म्हणून वापरली जातात
प्रिझर्व्हेटिव्ह नव्हे, पावाला अधिक फुगिरता व एकसमानता येण्यासाठी वापरले जाते.

सुबोध खरे बुधवार, 25/05/2016 11:02
हि रसायने प्रिझर्व्हेटिव्ह म्हणून वापरली जात नाहीत तर ऑक्सिडायझिंग एजंटस म्हणून वापरली जातात. ब्रोमेट किंवा आयोडेट जेंव्हा तापवले जातात तेंव्हा त्यातून ऑक्सिजन वायुरूपात बाहेर पडतो आणि त्यामुळे पाव फुगून येतो. हि रसायने पाव पूर्ण भाजला गेला तर विघटन पावून ब्रोमाईड किंवा आयोडाइड या स्वरुपात राहतात याचा शरीरावर फारसा परिणाम होत नाही पण पाव नीट भाजला गेला नाही तर हीच रसायने ब्रोमेट/ आयोडेट स्वरुपात पावात शिल्लक राहतात आणि ती आपल्या सेवनात आल्यामुळे मूत्रपिंडाचा कर्करोग होण्याची शक्यता वाढते. हि रसायने भारतात आणि अमेरिकेत वापरणे अजून हि कायदेशीर आहे. युरोपात किंवा इतर काही देशात यांच्या वापरावर बंदी आहे. आता सरकार या रसायनांच्या वापरावर बंदी आणण्याच्या विचारात आहे.