Skip to main content

मी सुखाची भेट घेणे टाळतो ..

लेखक drsunilahirrao यांनी शुक्रवार, 26/02/2016 19:36 या दिवशी प्रकाशित केले.

वेळ दु:खाला दिलेली पाळतो
मी सुखाची भेट घेणे टाळतो

फारसे घडले नसावे कालही
मी उगाचच रात सारी चाळतो

ही फुलांची वाट आहे पण इथे
ऱोज एखादातरी ठेचाळतो

कोणते असते हवेमध्ये जहर
रंग प्रेमाचा कसा डागाळतो

केवढी जडशीळ दुनिया वाटते
देव जाणे कोण ही सांभाळतो

चालला असता तुझा साधेपणा
मी कुठे रंगारुपावर भाळतो

डॉ. सुनील अहिरराव

काव्यरस
gajhal
gazal
लेखनविषय:
वाचने 8124
प्रतिक्रिया 17

प्रतिक्रिया

कानडाऊ योगेशु शनिवार, 27/02/2016 20:07

मतल्यातच षटकार लगावला आहे डॉ. साहेब.

ही फुलांची वाट आहे पण इथे
ऱोज एखादातरी ठेचाळतो

केवढी जडशीळ दुनिया वाटते
देव जाणे कोण ही सांभाळतो

वरील दोन शेरही कातिल.

मजा आ गया..

निशदे शनिवार, 27/02/2016 22:23

मस्त....

""फारसे घडले नसावे कालही
मी उगाचच रात सारी चाळतो""

""केवढी जडशीळ दुनिया वाटते
देव जाणे कोण ही सांभाळतो""
सुंदर.....