गौरीचे गाणे

गौरी माझी सोनुली झोपली आनंदाने तिच्यासाठी गातो चिउकाउचे गाणे || गौरीस आवडे साखर मउ साय लावुनी मी झोपवितो तिज अंगाई गाऊनी || गौरी आमची छान लांब तिचे कान तिज निजवताना भरूनी आले मन || गौरीच्या गं स्वप्नी गुळाचे उंच पहाड रात जाहली मोकळी स्वप्नांचे उघडे कवाड || माझ्या गौरीच्या स्वप्नी प-यांचा गं गाव दूधसागरी पोहते तिची चॉकलेटाची नाव || फूल पाकळयाचें सडे तिच्या नजरे वाहती आकाशी उडती गालीचे तिज चांदण्या न्याहाळती || माझ्या बहिणीचे रूप घेऊनी गं गौरी आली दोघींची एकच प्रतिमा माझ्या नजरी राहिली || विजयकुमार................. 04 / 01 / 2009 माझ्या भाचीसाठी लिहिलेले बालगीत आहे हे.