माझा हात अलगद सोडवून
तू जायला निघतेस
उन्हं डोक्यावर येतात
सावल्या ...
फेर धरून गोळा होतात
माझ्याभोवती !
वेशीपाशी तू थबकतेस
मनमोर नाचायला लागतो
"सावली मागेच राहिली रे"
तू कसंबसं हसून सांगतेस
सावलीचा हात धरून
पुन्हा चालायला लागतेस
तिच्या पदराचा शेव...
माझ्या छातीपाशी अडकलेला
तू तशीच....
नेटाने चालत राहतेस
कशाचं कौतुक करू ?
तिच्या ओढीचं ...
किं...
तुझ्या नेटाचं .... ?
विशाल
प्रतिक्रिया
31 Oct 2015 - 5:04 pm | पैसा
_/\_
31 Oct 2015 - 5:22 pm | अत्रुप्त आत्मा
__/\__
31 Oct 2015 - 5:26 pm | दमामि
वा! तरल!!!!
31 Oct 2015 - 5:38 pm | शिव कन्या
कौतुक सगळ्याचंच.
सुंदर.
1 Nov 2015 - 3:21 am | रातराणी
गूढ वाटते मला. खूप वेळा वाचूनही पूर्ण कळली असं वाटत नाहीये. पण भाव छान उतरला आहे कवितेत. :)
1 Nov 2015 - 10:52 am | इडली डोसा
मला पण नव्ह्ती झेपली पहिल्यांदा वाचुन.
गुढ उकलुन दाखवल्याने रसभंग होत असेल तर कृपया संमंने माझा प्रतिसाद उडवुन टाकावा. आणि अजुन काही दुसराच अर्थ निघत असेल तर विशालदांनी तो उलघडुन दाखवावा ही विनंती.
1 Nov 2015 - 10:11 pm | रातराणी
ओह म्हणजे सावली त्याच्यात गुंतलीय आणि ती लांब चाललीये असं आहे का? मस्त !
1 Nov 2015 - 10:48 am | इडली डोसा
पहिल्या वाचनात कळलीचं नाही ...पुन्हा वाचल्यावर गुढ उकललं.
अवांतरः तुम्हाला सगळं असं मिस्टेरिअरचं आवडतं का? स्पर्धेतला फोटो पण तसाचं आहे तळ्याचा.
1 Nov 2015 - 12:25 pm | एस
फारच छान!
1 Nov 2015 - 12:52 pm | चांदणे संदीप
सुंदर! आवडली!
2 Nov 2015 - 12:30 pm | विशाल कुलकर्णी
सगळ्यांचे मनःपूर्वक आभार !
मिस्टेरियस असं काही नाहीये त्यात. सावली हे गतकाळातील आठवणींचे, त्यांच्या पडछायांचे , गुंतलेल्या भावनांचे प्रतिक मानले जाते. ती सोडून तर चाललीय खरे, पण त्याच्यात गुंतलेल्या तिच्या भावना, त्या सगळ्या गतकाळातील जुन्या आठवणी अजुनही त्याच्याभोवतीच रेंगाळताहेत. देहाने ती दूर जातेय पण मन अजुन तिथेच घुटमळतेय....
2 Nov 2015 - 4:30 pm | पद्मावति
सुरेख. आता अर्थ लागतोय. फारच सुंदर.
2 Nov 2015 - 11:41 pm | रातराणी
वा! आता अजून आवडली!
2 Nov 2015 - 4:27 pm | मंदार दिलीप जोशी
छान !
2 Nov 2015 - 5:52 pm | एस.योगी
कशाचं कौतुक करू ?
तिच्या ओढीचं ...
किं...
तुझ्या नेटाचं .... ?
-------------------
दंडवत .... _/\_
2 Nov 2015 - 8:35 pm | विशाल कुलकर्णी
धन्यवाद दोस्लोग्स _/\_
2 Nov 2015 - 9:45 pm | परिकथेतील राजकुमार
कोण कुलकर्णी का?
3 Nov 2015 - 1:14 pm | विशाल कुलकर्णी
आले का राजकुमार परतोनी ?