एक केवळ बाप तो

गंगाधर मुटे's picture
गंगाधर मुटे in जे न देखे रवी...
27 May 2015 - 10:30 pm

एक केवळ बाप तो

तापणारा तापतो अन मजवरी संतापतो
मी खुबीने ताप त्याचा धस्कटाने मापतो

तापल्या मातीकुतीला या ढगांची ओढणी
ओढताना ओढणीला सूर्यही मग धापतो

अंतरात्म्याचा दुरावा वाढला जर फ़ार तर
अंतराला अंतराच्या अंतराने कापतो

वाचणारा वाचतो पण; का? कशाला? जाणतो?
वाढवाया आत्मगौरव छापणारा छापतो?

आसवांच्या आसवांना धीर द्याया धावतो
निर्भयाला अभय ज्याचे एक केवळ बाप तो

                            - गंगाधर मुटे 'अभय’
----------------------------------------------

अभय-गझलमराठी गझलकवितागझल

प्रतिक्रिया

गणेशा's picture

28 May 2015 - 2:55 pm | गणेशा

मस्त कविता