'
आई ग आई ,
चांदोबाचा दिवा
किती चांगला -
उंच उंच आकाशात
कुणी टांगला ..
आई ग आई ,
चांदण्यांच्या पणत्या
किती चांगल्या -
उंच उंच आकाशात
कुणी लावल्या ..
आई ग आई ,
दे ग शिडी मला
उंच उंच चढून -
चांदोबा-चांदण्या
आणीन मी काढून ..
आई ग आई ,
चांदोबा-चांदण्या
ठेऊन अंगणात -
रात्री छान खेळेन
त्यांच्या प्रकाशात ..
.
प्रतिक्रिया
21 Jun 2014 - 12:15 am | कानडाऊ योगेशु
छान,सुंदर,निरागस बालकविता.आवडेश!
21 Jun 2014 - 12:45 am | कवितानागेश
छान कविता.
21 Jun 2014 - 8:30 am | अत्रुप्त आत्मा
+१ मस्स्स्स्त! *i-m_so_happy*
21 Jun 2014 - 11:08 am | एस
निरागसतेचा चांदोबा आजच्या काळात हरवत चाललाय, नाही?
21 Jun 2014 - 11:51 am | विदेश
कानडाऊ योगेशु,
लीमाउजेट,
अत्रुप्त आत्मा,
स्वॅप्स.....
प्रतिसादाबद्दल मनःपूर्वक आभार !
21 Jun 2014 - 11:56 am | आतिवास
कविता आवडली.
पण हल्ली लहान मुलेही आपल्याला "सोलर सिस्टम" वगैरे माहिती सांगतात. त्यामुळे या बालकविता आजच्या बालकांसाठी नसून वयाने मोठे झालेल्या बालकांसाठी आहेत असं एक वाटत राहतं :-)
21 Jun 2014 - 12:53 pm | संजय क्षीरसागर
दॅटस द पॉइंट!
संदीप खरेचं म्हणणं असं की त्याच्या बालकविता (अग्गो बाई ढग्गो बाई) हा मोठ्यांनी `मूलं काय विचार करतील ' अशी कल्पना करुन केल्याला कविता नाहीत. तर मुलांच्या मनात शिरुन त्यांच्या नजरेतून दिसणारं जग बघायचा प्रयत्न आहे.
थोडक्यात, बालकविता आणि बालिश कविता यात फरक आहे!
21 Jun 2014 - 2:52 pm | विदेश
आतिवास,
संजय क्षीरसागर ..
प्रतिसादाबद्दल मनःपूर्वक आभार !
21 Jun 2014 - 4:04 pm | संजय क्षीरसागर
संदीपचा दृष्टीकोन तुम्हाला निश्चित उपयोगी होईल आणि तुमच्या कविता दर्जेदार होतील अशी आशा व्यक्त करतो.
21 Jun 2014 - 4:46 pm | पैसा
खूप छान!
23 Jun 2014 - 4:43 pm | म्हैस
twinkle twinkle little star चा मराठी version .