हुलकडूबी नाव

गंगाधर मुटे's picture
गंगाधर मुटे in जे न देखे रवी...
2 Jun 2013 - 2:53 pm

हुलकडूबी नाव

यांव आहे, त्यांव आहे
फेकण्याची हाव आहे

हालल्याने डोलणारी
हुलकडूबी नाव आहे

दूध-पाणी एक होता
एक त्यांचा भाव आहे

मध्यभागी घाण-गोध्री
भोवताली गाव आहे

जीवनाने नोंद घ्यावी
जिंकलो मी डाव आहे

भ्रष्ट, लंपट, चोरटा पण;
बोलताना साव आहे

पेटलो मी पूर्ण कोठे?
अंतरंगी वाव आहे

फुंकताना धाप कसली
’अभय’ झाले घाव आहे!

                        - गंगाधर मुटे
-------------------------------------
ढोबळमानाने शब्दांचे रूढार्थ
फेकणे = अतिरंजित बढाया मारणे
हुलकडूबी = अती हुरळून जाणारी

अभय-गझलमराठी गझलकवितागझल

प्रतिक्रिया

पक पक पक's picture

2 Jun 2013 - 6:07 pm | पक पक पक

च्यायला हे झक्कास आहे.. कस काय जमत राव तुम्हाला.. :) मस्त