माझ्या पूण्याच्या भूमीत

माझ्या पुण्याच्या भूमीत मोटर धुण्या पाणी असे दांडेकर पुलाशी नळावर, बाई दुसरीशी भांडत बसे ... हे कसे वाटते ... ?

नाव पाहून विडंबन असणार हे हेरले होते.. पण अभिमानपर असेल असा तर्क लावला.. असो जे लिहिलंय ते सत्य आहे हे दुर्दैवाने खरे..!!

पुणे तेथे काय उणे!

'भाऊ', 'दादा' शब्द गेले

कुठे गेले? आहेत की! एकच वादा, अजितदादा

माझ्या पुण्याच्या भूमीचा गड्या माहौल अलग एक-एका नज़ार्‍याला, कशी हृदयी धक-धक माझ्या पुण्याच्या भूमीत, होई वसंत उन्हाचा वर्षा बरसे अशी की, गर्भारती ओढे नद्या माझ्या पुण्याच्या भूमीत, शब्द-शब्द होती गाणी रंगे सवाई सोहळा, स्वर होती रत्नमणी माझ्या पुण्याच्या भूमीत, संस्कृतीची पाने-फुले बहरला इथे त्याला, जग भासते सानुले माझ्या पुण्याच्या भूमीत, सगळ्यांचा मुक्त श्वास भल्याभल्यांची ही चाले, इथे जपून मिजास माझ्या पुण्याची भूमीही, असे विद्येचे माहेर संत इथे समाधिस्त, स्वर्ग धरेशी उतार माझ्या पुण्याची भूमीत, शांत गणेश तळ्यात हरवर्षी उत्सवाला, नाचे भक्तांच्या तालात माझ्या पुण्याची भूमीत, भाग्य निवांत बैसले जो रमला पुण्यात, त्याला कशाचे ना उणे

अगदि समते एकेक शब्दाशी ... भारी लिवलय कोमाबाय :D

बा.भ. बोरकरांच्या मूळ कवितेचा धागा कोणी मिपाकर येथे देऊ शकतील का ?

बाकी सगळं छान, पण पुण्यातला `पु' पहिला आहे ! हिंदीत `पूना' असा दीर्घोच्चार होतो त्याचा, मराठीत नव्हे. :)

छान कविता...! माझ्या पुण्याच्या भूमीत आवतरले शिवराजे। नाश यवनांचा करुन स्थापियले स्वरज्य॥

पुण्याला पूणे केलं ते बघून हिंमत झाली नाही उघडून बघायची, प्रतिक्रिया वाढतायेत हे बघून उघडली. (एकदा वाटलं पाप-पुण्य असं पण काही असू शकेल)... असो, एक हुकूमाचे पान वाया ;)

शहरांवर बेतलेली गाणी या निमित्ताने आठवली. अहा तुमी शुंदोरी कॉतो.. कोलकाता.. असं एक गाणं पूर्वी ऐकलं होतं. त्यात कोलकात्यातलं प्रदूषण, लोडशेडिंग आणि असंख्य समस्यांविषयी मजेदार शब्द होते, आणि प्रत्येक कडव्याची शेवटची ओळ, तोबु (की तोबी.. चुभूदेघे)तुमी शुंदोरी कॉतो.. कोलकाता.. अशी होती. म्हणजे हे सर्व वाईट आहे तरी तू खूप सुंदर वाटतोस असं आपल्या शहराला उद्देशून म्हणणारं हे गीत खरोखर खूप मस्त आहे. बॉम्बे मेरी जानमधेही वाईटसाईट सगळ्याचा (सट्टा, पत्ता, डाका वगैरे) उल्लेख आहे आणि तरीही शेवटी "ये है बॉम्बे मेरी जान.." असंच म्हटलेलं आहे. याच बाबतीत "यहां आसू और गीत.. और जवानी थी मैने तेरे नाम की, आवारा थी रात, और सडकें थी सब मेरे बाप की.. और मैं था.. तू थी और थी दिल्ली बस्स.." असं म्हणत थोडं पर्सनलाईज्ड पण तरीही दिल्लीला स्वतःच्या भावविश्वात मध्यभागी ठेवून केलेलं गाणं हेही आवडलं होतं.