✍ मराठी साहित्य, संस्कृती आणि लेखनाचे व्यासपीठ

घरगुती फेसपॅक व अन्य टीप्स

शुचि यांनी
 ·  लेख
लेख
लेखनविषय (Tags)
समाज
जीवनमान
लेखनप्रकार (Writing Type)
सल्ला
कोणाला त्वचेसाठी पोषक अशा घरगुती फेसपॅक ची माहीती आहे का? मला माहीत असलेले ३ फेसपॅक पुढीलप्रमाणे- (१) कोरड्या त्वचेसाठी - व्यवस्थित फेटलेले अंडे + २ चमचे ओटमील हा फेसपॅक १०-१५ मिनीटे ठेवला तर अंड्यामुळे त्वचा छान ओढली जाते व एज-डिफाइंग क्रीमचा इफेक्ट मिळतो असा अनुभव. (२) एक चमचा मध व साय न काढलेले नीरसे दूध - त्वचा मुलायम होते हा अनुभव (३) लिंबाचा अथवा संत्र्याचा रस व मध - लिंबू/संत्र्याच्या रसाने त्वचा कोरडी झाली. हा फेसपॅक फारसा आवडला नाही. या धाग्यावर आपण आरोग्याची अथवा त्वचेची अन्य कोणती व कशी काळजी घेता, केसांची निगा कशी राखता वगैरेबद्दल उहापोह होणे अपेक्षित जसे भरपूर पाणी पीते/पीतो. आठवड्यातून तीनदा व्यायाम करते/करतो वगैरे. कृपया आपण जे उपाय अमलात आणले असतील तेच विस्तृत रीतीने उधृत करावे. छान छान टीप्स मिळतील अशी आशा करते. *गृहशोभिका छाप लेख वाटल्यास क्षमस्व पण खरच मोलाच्या सल्ल्यांच्या अपेक्षेत.
49516 वाचन
💬 प्रतिसाद (75)

प्रतिक्रिया

अभ्या..
Mon, 04/01/2013 - 03:48 नवीन
हेपण बायदवेच शुचितै, ;) क्लीओपात्रा (आठवली का खरडफळ्यावरची ;) ) गाढवाच्या दुधाने आंघोळ करायची म्हणे. तिच्या अलौकीक सौंदर्यासाठी. तिची भूमिका करणार्‍या लिझ टेलरने पण एकदा हा प्रयोग करुन बघितला होता (म्हणे)
↩ प्रतिसाद: शुचि

दादा कोंडके
Mon, 04/01/2013 - 03:56 नवीन
क्लीओपात्रा (आठवली का खरडफळ्यावरची ;)) गाढवाच्या दुधाने आंघोळ करायची म्हणे.
बाबौ!
↩ प्रतिसाद: अभ्या..

अभ्या..
Mon, 04/01/2013 - 04:06 नवीन
गंगाजल पण त्वचेला फार भारी असते असे कोणीतरी रामदेव वगैरेंनी म्हणले असेलच की. शिंपडा शिंपडा. नशीब गोमूत्र म्हणली नाय ही. ;)
↩ प्रतिसाद: जेनी...

श्रीरंग_जोशी
Mon, 04/01/2013 - 07:51 नवीन
माफ करा मी स्वतः ठरवून अमलात न आणलेला उपाय सुचवतो. काही महिन्यांपूर्वी एका मासिकात हॉलिवूडची प्रसिद्ध अभिनेत्री सलमा हायक हिची मुलाखत वाचली होती. त्या मुलाखतीत तिने तिच्या त्वचेच्या सौंदर्यामागचे रहस्य सांगितले होते. ते असे की ती सकाळी उठल्या उठल्या लगेच चेहरा कधीच धुवत नाही. त्यामागचा उद्देश म्हणजे रात्रभर आपल्या त्वचेच्या सुक्ष्म छिद्रांमधून एक विशिष्ट प्रकारचे तेलकट द्रव्य झिरपत असते. त्याचा उद्देश असतो की त्वचेच्या बाह्य आवरणाचे पोषण करणे. अन आपण चेहर्‍यावर पाण्याचा मारा करून निसर्गाच्या या उपक्रमाला सुरूंग लावत असतो. तिने पुढे असेही सांगितले होते की रात्री झोपण्यापूर्वी चेहरा स्वच्छ धुवावा जेणेकरून दिवसभरात चेहर्‍यावर साचलेले धुलीकण व इतर कण निघून जाऊन त्वचेची सुक्ष्म छिद्रे मोकळी होतील.

प्रतिज्ञा
Mon, 04/01/2013 - 10:05 नवीन
हो एकदम बरोबर.... त्यामुळेच तेलकट त्वचा असणाऱ्या ना लकी म्हटल जात. या लोकांना त्वचेत असलेल तेल कमी करता येत. ३० शी नंतर पण अशी त्वचा असणाऱ्या लोकांची त्वचा नैसर्गिकच खूप चांगली व तुकतुकीत राहते. याउलट कोरडी व सामान्य त्वचा असणाऱ्या व्यक्तींना त्वचेत तेल वाढवण्यासाठी खूप मेहनत घ्यावी लागते. एवढ करुनपण त्या लोकांची त्वचा ३० नंतर लवकर सुटते. आणि म्हणून सकाळी उठल्या उठल्या टीशु पेपर ने चेहरा न टिपता हाताच्या बोटाच्या पेरांनी गोलाकार स्ट्रोक्स द्यायचे व ते तेल त्वचेतच जिरवायच. आणि कायम आधी कोमत पाण्याने चेहरा धुवून गार पाण्याचे हबके मारावेत. रात्री आपल्या प्रमाणेच आपली त्वचा सुद्धा श्वास घेत असते म्हणून रात्री झोपण्याआधी त्वचा स्वच्च धुवून त्वचेची रंध्रे श्वासासाठी मोकळी घ्यावीत.
↩ प्रतिसाद: श्रीरंग_जोशी

कुहू
Mon, 04/01/2013 - 23:25 नवीन
बदाम भिजत घालून त्याची टरफले काढून घ्यावित.. थोड्या दुधात बदाम रवाळ वाटून घ्यावेत ..चेहरा कोमट पाण्याने धुवून , किंवा वाफ घेउन नंतर हे स्क्रब गोलाकार चोळून चोळून चेहर्यावर लावावे ..१० मिनिटे तसेच ठेवावे..नंतर कोमट पाण्याने चेहरा धुवावा ..या मुळे मृत त्वचा निघुन जाते आणि त्वचा मुलायम दिसते.. कोरफड : कोरफड हे एक उत्तम नैसर्गिक क्लिंन्जिग आहे ..ज्यांची त्वचा तेलकट आहे..त्यांनी कोरफडीचा गर चेहरयावर लावावा..तेलकटपणा कमी होतो.. एक समस्या : ब्लॅकहेड्स घालवण्याचे घरगुती उपाय माहित आहेत का ??

रेवती
Tue, 04/02/2013 - 00:15 नवीन
शुचीतै, स्वारी, यावेळी कै प्रतिसाद देता येणार नै. सौंदर्यच नसल्याने वर्धनाचे उपाय कधी करून बघितले नाहीत. नाही म्हणायला एकदा हळद आणि मुलतानी मिट्टी कालवून चेहर्‍याला फासले होते. नंतर पेपर वाचनात गुंगल्याने क्लासला जायला उशीर झाला. तशीच निघाले आणि आईने ओढत घरात आणले. तोंड धुवून जाण्यास सांगितले पण हळदीचा पिवळा रंग जाता जायला तयार नाही. तशीच क्लासला गेले तर काहीजणांनी "काय झाले? अशी का दिसतीयेस? तुला कावीळ झालीये का?" असले अचरट प्रश्न विचारले. एकंदरीतच बाळपणी आईने तीट पावडर लावली असेल तेवढेच, बाकी काही नाही. तात्पर्य- आजवर वापरलेली प्रसाधने म्हणजे काजळाची तीट व जॉन्सन आणि जॉन्सनची बाळभुकटी.

कवितानागेश
Tue, 04/02/2013 - 00:27 नवीन
प्रेमात पडावं. आपोआप ग्लो येइल चेहर्‍यावर! ;) नाई जमलं तर डव्ह वापरावा, आणि त्याचापण उपयोग नाही झाला तर दूध आनि मध वापरावं, तरीसुद्धा अजून आपला चेहरा छान दिसत नाही असं वाटत असेल तर चांगला फेस्वॉश वापरुन चेहर्‍याबरोबर आरसापण स्वच्छ धुवावा! ;) तरिही समाधान मिळत नसेल तर पोजिटिव्ह थिन्किन्ग्ची पुस्तके वाचावीत ! :P

अर्धवटराव
Tue, 04/02/2013 - 01:55 नवीन
=)) तु दुधभाताशिवाय आणखी काय काय खातेस ?? अर्धवटराव
↩ प्रतिसाद: कवितानागेश

अभ्या..
Tue, 04/02/2013 - 12:18 नवीन
=)) =)) =)) आणि जेवढे नॅचरल तेवढे सारे आवडीने. ;) होकीनै गुर्जी?
↩ प्रतिसाद: अत्रुप्त आत्मा

श्रीरंग_जोशी
Wed, 04/03/2013 - 23:47 नवीन
अ.आ. - त्यात काय विशेष? अभ्याकडे दूरदर्शन व्यवस्थित चालते... :-).
↩ प्रतिसाद: अत्रुप्त आत्मा

अभ्या..
गुरुवार, 04/04/2013 - 01:13 नवीन
तुला बर्‍या बातम्या लागतात रे
कुणीतरी डोळे मिटून काहीतरी पिते. त्याला वाटते जग आंधळेच आहे. असं काहीतरी म्हणतात ना गुरुजी? ;) तुम्ही गुपचुप करा हो काहीपण. हमारे जासूस चारो ओर है. =)) =))
↩ प्रतिसाद: श्रीरंग_जोशी

अधिराज
Tue, 04/02/2013 - 00:27 नवीन
माझ्या एका जालीय मैत्रीणिने एका फेसपॅकची रेसिपी दिली आहे, जी फक्स्त महिलांकरीता आहे, त्यातपण तरूण महिलांसाठी. तरीबी आपापल्या जाबाबदारीवर आजमवून बघावी. अर्धी वाटी कांद्याची पेस्ट + १ चमचा लसूण पेस्ट एकत्र करावं आन त्वांडाला लावून धा मिन्टं ठेवावं. तोंड लई भारी होतयं म्हणे.