आयुष्य राजयोगी,उपभोगता न आले
माझे असून “माझे” संबोधता न आले
आभाळ पापण्यांना सांभाळता न आले
मज दोन आसवांना हुलकावता न आले
राशी अनेक होत्या गाठीस पातकांच्या
गंगेस पाप सारे स्वीकारता न आले
बरसात तू सुखाची, केली सदैव देवा
झोळीच फाटकी मज सुख झेलता न आले
जखमा असंख्य होत्या अन् वेदना पुरेशा
वणव्यास का मनाच्या सुलगावता न आले
सोडून दूर सुख मी दु:खात चूर झाले
दु:खातल्या सुखाचे "सुख" टाळता न आले
जयवी - जयश्री अंबासकर
प्रतिक्रिया
12 Feb 2013 - 2:52 pm | चाणक्य
तरही गझल म्हणजे काय?
12 Feb 2013 - 3:18 pm | जयवी
तरही गझल म्हणजे एक कुठला तरी मिसरा कुणाच्या तरी गझलेतला घेऊन लिहीलेली गझल.
ह्यात "मज दोन आसवांना हुलकावता न आले" हा मिसरा सुरेश भटांचा आहे.
12 Feb 2013 - 4:54 pm | मिसळलेला काव्यप्रेमी
सुरेख रचना:
व्वाह!
12 Feb 2013 - 5:02 pm | अग्निकोल्हा
ही ओळ मस्तच वाटली.
12 Feb 2013 - 8:59 pm | मनीषा
अरे वा !
मस्तं
13 Feb 2013 - 9:39 am | जयवी
मनापासून धन्यवाद :)
14 Feb 2013 - 8:10 pm | मदनबाण
जखमा असंख्य होत्या अन् वेदना पुरेशा
वणव्यास का मनाच्या सुलगावता न आले
अप्रतिम !
14 Feb 2013 - 9:25 pm | क्रान्ति
आवडली गझल. 'आयुष्य राजयोगी' खासच!
15 Feb 2013 - 3:38 pm | जयवी
मनापासून धन्यवाद :)
15 Feb 2013 - 4:38 pm | प्यारे१
बहोत बढिया...!
15 Feb 2013 - 5:40 pm | प्रसाद१९७१
लावुनी आग मनाला, सोडुनी गेलीस तू
अश्रुंचा पूर वाहिला, विझवता ने आले |
दिल्यास संधी तू अनेक झेल घेण्याच्या
गळकेच हात माझे, कॅच झेलता न आले | :-)
ह्या मर्त्य ललना की अप्सरा स्वर्गातल्या
बायको साथीला, भरुनी डोळे बघता न आले. | :-)