>>>> प्रा. डॉ. बिरुटेंना चुक चुकल्यासारखं व्हायला होतं ! आपली व्यथा, आपला त्रागा, आपली भावना, आपली तळमळ आणि मळमळही मला कळते. सर्वप्रथम आपल्या सारख्या सन्माननीय सदस्यांना एक गोष्ट सांगितली पाहिजे की, ओकांना मी आपले लेखन दिसत नाही म्हणतो म्हणजे मी त्यांच्या नाडीपट्टीचा आणि त्यांच्या विषयाचे समर्थन करतो असे आपल्याला वाटत असेल तर ते एकदाचे डोक्यातून काढून टाका. कोणी मिपाकर किंवा अन्य कोणी वाचक ग्राहक नाडीच्या श्रद्धेपोटी आपल्या भविष्यकाळाबद्दलच्या रम्य स्वप्नाच्या आशेने नाडीपट्टीत गोवल्या जावू नये असे आपल्याला वाट्त असेल तर मलाही तसेच वाटते. प्रत्येकाजवळ आपापली सदसदविवेक बुद्धी असते आणि तिचा वापर करावा हे काही मी सांगण्याची गरज नाही. मिपावर वावरणारी मंडळी नुसती शिक्षित नाही तर उच्चविद्याविभूषित आहेत. जाणकार आहेत. अनुभवी आहेत. विज्ञानाची कास धरणारी आहे. कोणी कोणाचे प्रबोधन करण्याची आणि अक्कल शिकविण्याची गरज नाही, बाकी, कोणी लुबाडल्या जावू नये याच्याशी काही दुमत नाही. मी ओकांना खासगीत आणि प्रतिसादातही अनेकदा हेच सांगितले आहे की, माझा नाडीपट्टी आणि त्याच्या कथनावर विश्वास नाही. नाडीपट्टीतील लिपीचा कोणी सविस्तर अभ्यास करावा (भाषाशास्त्राच्या दृष्टीने) इतकेच मी म्हटले आहे. नाडीपट्टीचे महत्त्व सांगण्याच्या चिकाटीचे मी कौतुक केले आहे. चुकचुकल्यासारखं म्हणजे ओक येतात ते केवळ नाडीपट्टीचा विषय घेऊन असे मला म्हणायचे आहे, दुसरं काही लिहित नाही या अर्थाने. अजून एक; त्यांचे लेखन दिसत नसल्यामुळे मला जर चुकचुकल्यासारखे होते तर आपण कशाला त्रास करुन घेता. आपल्या प्रतिसादात मला विनाकारण ओढू नये, ओढायचं कारण नाही. मी आपल्या प्रतिसादाकडे दुर्लक्ष करतो म्हणून आपण वाटेल ते प्रतिसादात बरळले पाहिजेच असे काही नाही, तेव्हा आपल्याला काय प्रतिवाद करायचा तो लेखकाच्या लेखनावर, प्रतिसादावर करावा. सदरील लेखन जाहीरातीच्या स्वरुपाचे वाटत असेल तर नीलकांतशी थेट संपर्क करावा. अन्य संपादक-सल्लागाराशी संपर्क करावा. माझे सदस्यनाम घेऊन प्रतिसादात लिहितांना कोणाचे काही समज- गैरसमज होणार नाही, याची काळजी आपण घ्यावी, घ्याल इतकीच अपेक्षा आहे. करिता हा प्रतिसाद प्रपंच. -दिलीप बिरुटे