मास्तरांची पेन्सिल स्केचेस

तुम्ही पण चित्रकार. मला वाटते बहुतेक एक वेगळा चित्रकला विभाग निघणार मिपावर

अफलातून आहेत हो!! गिरीश ओकांचे सगळ्यात जास्त आवडलं, मग सुबोध भावे.. फारच छान!!

छान चित्रे आहेत..... का ते माहित नाही पण वरील सर्वच चित्रांचे डोळे (बाहुल्या) मला जरा वेगळ्या वाटल्या..... मदनबाण.....

सुंदर रेखाटने! पंकजकपूर आणि डॉ ओक यांची रेखाटने मस्तच आली आहेत! मास्तर, आपल्याला दंडवत! अवांतर - च्यामारी, मिपावर खरोखर इतकी गुणी मंडळी आहेत, चित्रकार आहेत, लेखक आहेत, कवी आहेत, उत्तम फोटोग्राफर आहेत, सुग्रास पाककृतीकार आहेत, की इतक्या सर्व या गुणी लोकात साला आपलं काय काम बरं? असा अलिकडे मला न्यूनगंड वाटू लागला आहे! :) तात्या.

सगळ्यात छान जमलेत .. बाकिचे पण मस्त !

गिरीश ओक आणि पंकज कपूर मस्तच. सुबोध भावे चटकन ओळखू येत नाही. पंकज कपूरच्या नाकातून प्रकाशझोत आल्यासारखे वाटते. मास्तर.. रेखाटनांचे क्लासेस कधी सुरु करताय.. :)

मास्तर....यू टू ???? पंकज 'करमचंद' कपूर आणि डॉ.ओक बढिया.... आयला, तात्याबा म्हनत्यात ते माझ्याशाठी काय चपखल बसतंय बॉ...

च्यामारी, मिपावर खरोखर इतकी गुणी मंडळी आहेत, चित्रकार आहेत, लेखक आहेत, कवी आहेत, उत्तम फोटोग्राफर आहेत, की इतक्या सर्व या गुणी लोकात साला आपलं काय काम बरं? असा अलिकडे मला न्यूनगंड वाटू लागला आहे!

अरे व्वा,मास्तर,तुम्ही सुध्दा चित्रकार तर !.. सुंदर रेखाटने!

या दिवसात मिपावर खुपच रेखाटने येउ लागली आहेत. त्यावरुन ८ वर्षापुर्वीची एक गोष्ट आठवली. नुकताच इंजिनीयरींगला प्रवेश घेउन मी सोलापुरला होस्टेलवर रहायला गेलो होतो. सुरवातीच्या दिवसात आसपासच्या रूम मधील सगळ्यांशी जुजबी ओळख झाली. सगळेच नविन. कॉलेजही निट सुरु झाले नसल्याने आम्ही चकाट्या पिटत ओळखी वाढवत होतो. त्यातला असाच एक मुलगा अधुन मधुन चित्रे काढून आम्हाला दाखवायचा. त्याच्या रूमपार्टनेरशी माझी समान शीले व्यसनेशु न्यायाने बरी ओळख झाली होती. तर एक दिवस मी त्याच्या रुममधे गेलो असता त्या चित्रकाराने हाक मारुन मला एक चित्र दाखवले. ते चित्र लांब टेबलावर ठेउन मी यायच्या आधी ते दोघे त्याचे रसग्रहण करत होते. मी आयताच सापडलो त्याच्या तावडीत. छातीपासुन वर एका व्यक्तीचा चेहरा स्केच केला होता. माझ्या अल्पबुध्धीला आणि कलाकारी आंधळेपणा असल्याने तो कोणत्या व्यक्तीचा चेहरा आहे हे ओळखता आले नाही. वर तो चित्रकार कुठलाही तपशील न पुरवता फक्त "कसे आहे?" येवढेच विचारत होता. कोट, टाय, गोबरे गाल यावरुन मला ते बाबासाहेबांचे स्केच वाटले. मग मी पण कौतुक सुरु केले. "वा ! सुंदर!! मस्तच काढलयस!! अगदी हुबेहुब आलय स्केच.... तू चित्रकलेच्या परिक्षा दिलेल्या आहेस का?" त्या चित्रकाराचा चेहरा माझ्या एक एक शब्दानीशी फुलत होता. डोळ्यातून कृतकृत्य झाल्याचे आणि अभिमानाचे भाव ओसांडून वहात होते. आणि त्याचवेळी मला पुढचा प्रश्न टाकायची दूर्बुध्धी झाली. "आरे पण तू बाबासाहेबांना चष्मा का नाही काढलास?". टाचणी लागून फुगा फुटावा तसा त्याचा चेहरा खरर्रकन उतरला. त्यात आगीत तेल म्हणून मागे बसलेला माझा मित्र फ्याकन हसला. "का रे? काय झाले?" परिस्थीतीची जाणीव होउन मी विचारले त्यावर "काही नाही. तू जा", येवढच तो चित्रकार तुटकपणे म्हणाला. मी तेथून सटकलो आणि माझ्या रुम मधे येउन बसलो. १० मिनीटानी तो मित्र हसत हसत रुम मधे शिरला. मला टाळी देउन म्हणाला"काय राव तू तर पारच मारून ठेवलीस त्याची. तू यायच्या आधी आम्ही त्या चित्रावरच चर्चा करत होतो. मी आगोदर लै कौतुक करुन ठेवले होते त्या चित्राचे. तू फारच मारलीस. तू गेल्यावर चित्रकार मला शिव्या देत होता की तू खोटे का बोललास? आगोदरच का नाही सांगीतलेस स्केच भंकस आलय म्हणून? असे म्हणून त्याने ते चित्र फाडून त्याचे तुकडे तुकडे केले आणि खिडकीतून फेकुन दिले." मी : आरे पण येवढे चिडायला काय झाले त्या चित्रकाराला? आणि ते चित्र नक्की कुणाचे होते? मित्र : दिलीपकुमारचे काढल होत त्याने चित्र.

ही थोडी तिरळी वाटणारी तै कोण बरं असावी?

बिपाषा बासु :)) :)) :))

मास्तर तुमी तर लै भारी निगाले की वो!!!!!!!!!! =D>

हा पोरगा बराच बरा जमलाय असं मला वाटतंय..

आबाबाबाबाबा..... येक म्हराठी नाटकं करणारा, चित्रकार असलेला, 'डेंटल सर्जन' ? ओ मास्तर, च्यायला, एकदा नीट वाचून बघा ही ओळ...आम्हाला वाचायला पण झेपत नाय, तुम्हाला एव्हढं सगळं करायला कसं जमतं हो?

is he lionardo dicaprio ???? :W

घड्या पडून आणि डाग पडून थोडं खराब झालेलं चित्र... या तै कधी पसरट चेहर्‍याच्या वाटतात, कधी बरोबर चेहर्‍याच्या दिसतात.....

हा भौ कॅसेट कव्हर वरून डायरेक्ट चितारलाय...

सिनेमा पहायला सारख्या कानला जाणार्‍या ताई...

:| याला टॅलंट म्हणायचं की काय म्हणायचं आता.. बोलती बंद केलीत तुम्ही!! मला तरी एकाही चित्रात खोड काढावी असे काहीही दिसले नाही.. अमेझिंग पर्फेक्शन ! मानलं!

तुमी तर जबरी कलाकार अहात म्हना की. लाईकनेस मधे मास्टर! पन् खरं सांगू ? कल्पनेतून चित्रं काढणारा खरा ! कापी करनं दुय्यम! तवा तुमची मेम्री ड्राईंग दाखवा राव!

मास्तर एका पेक्षा एक वरचढ रेखाटने. आणि मिपा वरची सगळी रेखाटन पाहुन वाटते की एक से बढकर एक रेखाटनकार. काँपिटिशन भलतीच रंगली आहे. लगे रहो........

जबराट चित्रे! पंकज कपूर, गिरीश ओक आणि डि कॅप्रिओ एकदम फिट्ट! किरण बेदी आणि कुसुमाग्रज यांचा लाइकनेस चांगला आलाय. (स्वगत - मास्तुरे, बाकी हातात जादू आहे हो तुमच्या! कोणा चित्रकार पेशंटला दाखवू नका, नाहीतर काँपिटिशन आली म्हणून तुमच्यावर 'दात धरायचा'! ;)) चतुरंग

तुम्ही तर अफलातुन माणुन आहात, मान गये उस्ताद आपको. स्केचेस ही सही आहेत.