Skip to main content

शब्द मागती ते - लिहिण्या अजून शाई...

लेखक मयुरेश साने यांनी सोमवार, 29/11/2010 22:45 या दिवशी प्रकाशित केले.

फोडून बांध मनीचा - झालो जसा प्रवाही !
अश्रु बनुन गेला - मग शब्द अर्थवाही

तोडून तसबीरिला - ती एकसंध राही
ऐना कसा कळेना - जपतो तिला मला ही

मागुन ही सुखाला - आले न हाती काही
दुःख हेंच मजला - देते अजून ग्वाही

सांगुन ही कुणाला - कळले न गुज मनीचे
कुसुमास कागदी त्या - कुठला सुवास येई?

कळवून ही तुला - मी कळलो कधीच नाही
तोच उम्बरा अन - तीच ठेच पाई

छापून ही स्वतः ला - मी ऊमट्लोच नाही
शब्द मागती ते - लिहिण्या अजून शाई

जाळुन ही मला - मी उरलो दिशांत दही
वारा धुरास माझ्या - चघळुन रोज पाही

टाळुन ही मला तू - मी टळलोच नाही
जरी चन्द्र मी आता - मी सूर्य उद्याचा ही

माझी कविता ...मयुरेश साने...दि १६-औग-10

काव्यरस
करुण
लेखनविषय:
वाचने 2803
प्रतिक्रिया 15

प्रतिक्रिया

ज्ञानराम मंगळवार, 30/11/2010 16:02

लिहित राहा...... छान आहे....

जाळुन ही मला - मी उरलो दिशांत दही
वारा धुरास माझ्या - चघळुन रोज पाही

हि ओळ भावली.........

गणेशा मंगळवार, 30/11/2010 16:47

जाळुन ही मला - मी उरलो दिशांत दाही
वारा धुरास माझ्या - चघळुन रोज पाही

हे आवडले ..
लिहित रहा .. वाचत आहे ..