✍ मराठी साहित्य, संस्कृती आणि लेखनाचे व्यासपीठ

एक जुना मित्र भेटला ..

— सागरलहरी,
परवा सहज एक जुना मित्र भेटला .. गर्क स्वत:शी... पहात हसत राहिला जुने जुने.. सुने काही.. धुळी मधे गिरवत राहीला .. बरेच बोललो बसून दोघे .. बोललो दोघे स्वत:शी ... वाट पुढे धावणारी पुन्हा जुन्या वळणाशी .. हळवे शांत डोळे त्याचे .. वेडेपणाची झाक जराशी ... धुळी मधले नाव पाहून... मीही हसलो स्वत:शी... मीही हसलो स्वत:शी...
2384 वाचन
💬 प्रतिसाद (7)

धनंजय
Tue, 07/06/2010 - 02:16 नवीन
असाच काही आशय जाणवला, म्हणून कल्पना आणि शब्दयोजना आवडली.
↩ प्रतिसाद: रामदास

sur_nair
Mon, 07/05/2010 - 20:26 नवीन
सुरवातीला जरा अपेक्षा वाढली पण ती अपुरीच राहिली. अजून काहीतरी हवे होते ते missing आहे असे वाटते.

सागरलहरी
Sun, 07/11/2010 - 13:05 नवीन
आशय असेल पण तो शब्दात नीट उतरला नाही असे मला देखील जाणवते आहे. पण त्या वर पुन्हा मेस्त्री काम करता येत नाही. प्रोत्साहनाबद्दल धन्यवाद. सागरलहरी.

राजेश घासकडवी
Sun, 07/11/2010 - 13:20 नवीन
मतकरींचं भुताची गोष्ट नावाचं नाटक होतं. त्यात अशाच काही कारणाने एकाला स्वतःचा भूतकाळ डोळ्यासमोर येतो, डोळ्यातल्या वेडाच्या झाकेसकट. त्याची आठवण झाली. त्या नाटकात आजचा मी व कालचा मी, त्यांच्या चर्चा, बायकोने घातलेली समजूत वगैरेमुळे ते फारच लिटरल व कंटाळवाणं झालेलं आहे. या कवितेत ते गूढ ठेवलेलं आहे, हे आवडलं.