Skip to main content

एक जुना मित्र भेटला ..

लेखक सागरलहरी यांनी सोमवार, 05/07/2010 11:27 या दिवशी प्रकाशित केले.
परवा सहज एक जुना मित्र भेटला .. गर्क स्वत:शी... पहात हसत राहिला जुने जुने.. सुने काही.. धुळी मधे गिरवत राहीला .. बरेच बोललो बसून दोघे .. बोललो दोघे स्वत:शी ... वाट पुढे धावणारी पुन्हा जुन्या वळणाशी .. हळवे शांत डोळे त्याचे .. वेडेपणाची झाक जराशी ... धुळी मधले नाव पाहून... मीही हसलो स्वत:शी... मीही हसलो स्वत:शी...
लेखनविषय:
वाचने 2395
प्रतिक्रिया 7

प्रतिक्रिया

sur_nair सोमवार, 05/07/2010 20:26
सुरवातीला जरा अपेक्षा वाढली पण ती अपुरीच राहिली. अजून काहीतरी हवे होते ते missing आहे असे वाटते.

सागरलहरी रविवार, 11/07/2010 13:05
आशय असेल पण तो शब्दात नीट उतरला नाही असे मला देखील जाणवते आहे. पण त्या वर पुन्हा मेस्त्री काम करता येत नाही. प्रोत्साहनाबद्दल धन्यवाद. सागरलहरी.

राजेश घासकडवी रविवार, 11/07/2010 13:20
मतकरींचं भुताची गोष्ट नावाचं नाटक होतं. त्यात अशाच काही कारणाने एकाला स्वतःचा भूतकाळ डोळ्यासमोर येतो, डोळ्यातल्या वेडाच्या झाकेसकट. त्याची आठवण झाली. त्या नाटकात आजचा मी व कालचा मी, त्यांच्या चर्चा, बायकोने घातलेली समजूत वगैरेमुळे ते फारच लिटरल व कंटाळवाणं झालेलं आहे. या कवितेत ते गूढ ठेवलेलं आहे, हे आवडलं.

प्रा.डॉ.दिलीप बिरुटे रविवार, 11/07/2010 13:51
कविता आवडली. 'मी मला भेटलो' पेक्षा 'ती'ची त्यांना आठवण झाली असे वाटले. -दिलीप बिरुटे