मराठी मागे का पडत चालली?
त्याला जबाबदार कोण किंवा कारणे काय असावीत?
एका दिवसात काही भाषा पसरत नाही, प्रचलीत होत नाही. सामान्यांची बोली वेगळी असते आणि नाटक, साहित्याची भाषा जड आणि प्रासादिक, किंवा क्लिष्टही असते. प्रचलीत भाषेतून व्यवहार होतात, भाषेच्या व्याकरणाची मोडतोडही होते तरीही तीच बोलली जाते.
मराठीला मागे सारून मुंबईत हिंदीच पुढे गेली. व्यवहारात आणि कागदोपत्रांत, परिवहनात.
१. चाळीस पन्नास वर्षे मागे जाऊ. मराठी शाळा खूप होत्या. त्यातूनच विज्ञान गणित शिकलेले काही विद्यार्थी पुढे नावारूपासही आले. शाळेतून कॉलेजच्या इंग्रजी माध्यमात गेल्यावर खूप जणांना जड जाऊ लागले.
