माझीसुद्धा तू काढलेले फोटो दुसर्‍या कोणी वापरले तर हरकत नाहीये रे! :D >>आणि दुसर्‍यांसाठी तो अबाधित ठेवुन जा... >> तू तर माझ्या जिवावरच उठलास की! फोटो टाकू नको असे व्यवस्थित सांग ना! नाही टाकणार! पण डायरेक वरच पोचवतोस हे मात्र अतिच झाले की भौ! :P :D

वॉटरमार्क इतका नजरेत येतोय? खरं तर, नीधपच्या छायाचित्रातील वॉटरमार्कही माझ्या नजरेत आला नाही. मी छायाचित्रातील 'सौंदर्य' हुडकण्यात कमी पडलो असेन बहुदा. :) ही प्रकाशचित्रे ज्या व्यक्तीनं काढली असतात, तिची एक कला त्यात उतरलेली असते. त्या कलेचा आनंद दुसऱ्यांनीही घ्यावा यासाठीच ती प्रकाशित केली जातात. पण जिथे प्रकाशित होतात तिथून ती उचलली जाण्याची शक्यता या तंत्रातच आहे. ती अगदी कुणी फुकट वापरली तरी, ती उचलेगिरीच असते. तसे होऊ नये हे हुन्नरी माणसाला वाटणारच आणि त्यासाठी तो दक्षता घेणारच. त्यात त्याचे काहीही चुकत नाही. आणि माध्यमांमध्ये असे लोक असतातच जे अशा कृती उचलतात. म्हणूनच या तंत्रज्ञानात वॉटरमार्कही आले. त्यांचा अवलंब होणारच. उलट अनेकजण तो करत नसल्याचे पाहून मला आश्चर्य वाटते. या वॉटरमार्कमुळे या कलेचा आस्वाद घेता येत नसेल तर त्याचा दोष माध्यमावर टाकला पाहिजे, कारण चोरी होणार नाही अशा रीतीने या कलाकृती प्रकाशित करता न येणं हा माध्यमाचा अपुरेपणा आहे. या माध्यमांमध्ये ही प्रकाशचित्रे अशाच वॉटरमार्कसह येतील हे माणसाचाच एकूण या माध्यमांवरील इतिहास पाहता स्पष्ट आहे. (आता इथं, खरं तर, माध्यमाचा काय दोष? ते खुलं असणं योग्यच असं कोणीही म्हणेल. तत्वतः मी सहमत आहे. पण तेवढा खुलेपणा झेपण्याची माणसाची लायकी, किंवा पात्रता म्हणूया, नसेल तर तो दोष माणसं स्वतःवर न घेता माध्यमावरच टाकतील हे नक्की!!! मी फक्त तेच लिहितोय.) यापलीकडे अस्सल आस्वादासाठी कलाकाराशी संपर्क साधून इतर माध्यमांचा विचार करता येतोच.