गझल - नाही म्हणू नको तू

अंदाज घे मनाचा... नाही म्हणू नको तू घे कौल अंतराचा... नाही म्हणू नको तू सांगून टाक सारे, सांगू नको बहाणे... बघ नेम ना उद्याचा, नाही म्हणू नको तू! नुसता सुगंध नाही, काळीज हे फुलाचे हा गंध अत्तराचा... नाही म्हणू नको तू रंध्रात पेरले मी, आसक्त ते निखारे आवेग मीलनाचा... नाही म्हणू नको तू जाऊ नकोस इतकी, हुरळून तू यशाने घे ध्यास त्या नभाचा... नाही म्हणू नको तू संदर्भ लागतो का, नशिबातल्या खुणांचा ? हा खेळ प्राक्तनाचा... नाही म्हणू नको तू होकार द्यायचा तो, देऊन टाक आता दे शब्द काळजाचा... नाही म्हणू नको तू !
व्यंकटेश कुलकर्णी- हैैैदराबाद मोबाईल क्रमांक - ९५००४८४४४२ ईमेल- kulkarnivenkatesh513@gmail.com