केबलवर एक मराठी चित्रपट लागलाय.. साधारण कथा अशी चललीयः कालिंदी, तिचा नवरा- त्याला सगळेजण बेंब्या म्हणताहेत-, नि तिचा भाऊ- अंमली पदार्थाच्या आहारी गेलाय..हे एका घरात राहताहेत. या जोडप्याला मूल नाहीये.. त्यांच्या घरात विदूषकांची फौज आलीये अचानक... देवही आलाय.. मूळचं नास्तिक घर-- आता तिथे देवाचा फोटो पण लागलाय.. कालिंदी देवाचं चांगलं आदरातिथ्य करते.. वर त्याला तिच्याशी संग करून तिचा प्रियकर हो.. नि त्या दोघांचं बाळ म्हणून त्यालाच ये म्हणतेय... देव याला तयार होत नाही... मात्र तो स्वतःचा अंश दुसर्‍या कुणाकरवी पाठवून शास्त्रोक्त पध्द्तीने कृत्रिम गर्भधारणा करवतो... बाळंतपणात ती वारते... तिचा भाऊ बाळ त्याचं आहे म्हणून तिच्या नवर्‍याला सांगतो.. जाम विचित्र प्रकार चाललाय.. सगळे खूप वैचारीक संवाद बोलताहेत.. एकही चेहरा ओळखीचा नाही.. खाली भाषांतर येतंय.. नि आश्चर्य म्हणजे नेहेमीसारखं शब्दशः न येता खूप चांगलं इंग्रजी भाषांतर आहे.. हो.. आताच मुख्य विदूषक विना रंगरंगोटी सामोरा आला..त्याचं नांव माहीत नाही .. पण तो नेहेमी पोलिस इन्स्पेक्टरच्या भूमिकेत असतो.. फोटो मिळाला तर डकवते त्याचा..