नगरपालिका निवडणुका २०१६.

असा चुकीचा निष्कर्ष काढण्यात येईलच.

अगदी अगदी. अ‍ॅपद्वारे ५ लाख लोकांनी नोटाबंदीला पाठिंबा दरशविल्याच्या योग्य निर्णया सारखाच ना?

हा हा हा, नका हो असे प्रश्न विचारू. =))

श्रीगुरुजी,भाजप हा सर्वोत्तम पक्ष आहे ना ? मग लोक स्थानिक पातळीवर त्या पक्षाला निवडून का देत नाहीत? तुमचा प्रतिसाद म्हणजे आधीच हार मानल्यासारखे नाही का वाटत?

नानासाहेब, एकीकडे म्हणता की माझे डोके कोठेच चालत नाही, मला व्यवहारज्ञान नाही आणि दुसरीकडे असे प्रतिसाद देत असता. असो. भाजप हा विधानसभा व लोकसभेसाठी सर्वोत्तम पक्ष आहे यात अजिबात शंका नाही. लोकसभेसाठी बहुतांश मतदार उमेदवाराला मत न देता पक्षाला मत देतात. विधानसभेला हेच मतदान बर्‍याच प्रमाणात पक्ष व काही प्रमाणात उमेदवार बघून होते. मात्र स्थानिक पातळीवरील मतदान हे पक्ष पातळीवर न होता व्यक्तीपातळीवर होते. भाजप हा स्थानिक स्वराज्य संस्था पातळीला पक्ष म्हणून सुरवातीपासूनच अत्यंत दुर्बल खेळाडू आहे. यावेळीही त्यापेक्षा काही वेगळे होण्याची फारशी शक्यता नाही.

147 पैकी 47 पालिका भाजप-सेने च्या युतीकडे. 147 पैकी 52 ठिकाणी नगराध्यक्ष भाजपचे... 25 ठिकाणी सेनेचे. स्थानिक पातळीवर अजून काय वेगळ निवडून द्यायचं हो? 2011 च्या निवडणुकीत भाजप चौथ्या क्रमांकावर होता. 2016 ला पहिल्या क्रमांकावर ।।।।।

सोशल मिडिया ही आता फक्त इंडियावासीयांची मक्तेदारी राहिलेली नाही. आपण २०१४ मध्ये चूक केली असे मतदारांना वाटले तर २०१९ मध्ये ते ती चूक सुधारतीलच. विद्यमान सरकारचा निम्मा काळ संपलेला आहे. अजूनतरी मे २०१४ च्या परिस्थितीत फार बदल झाला आहे असे दिसत नाही. १९ नोव्हेंबरला वेगवेगळ्या राज्यातील ४ लोकसभा व ८ विधानसभा मतदारसंघात पोटनिवडणुक झाली. त्यातील निकाल मे २०१४ च्या निकालांशी बरेचसे मिळतेजुळते आहेत. पुढील निम्म्या काळात जे होईल त्यावर २०१९ ला काय होईल ते ठरेल. तूर डाळ, टोल, NPA, सध्याचा नोटाबंदीचा निर्णय इ. गोष्टींचा या पोटनिवडणुकीवर परीणाम झाला नाही. या गोष्टींचा परीणाम अजून अडीच वर्षांनी होईल अशी समजूत करून घेणे धाडसाचे ठरेल.

शेकाप, निधर्मी जनता दल इ. मृतवत पक्षांना सुद्धा एखाद्या नगरपालिकेत बहुमत मिळाले आहे. बर्‍याच ठिकाणी स्थानिक आघाड्या पुढे आहेत. जयंत पाटील, पंकजा मुंडे, आर आर पाटलांचे कुटुंब, पृथ्वीराज चव्हाण, बबन लोणीकर, राणे इ. अनेक दिग्गजांना आपापल्या भागात धक्का बसलेला आहे. मनसे या निवडणुकीत कोठेच दिसत नाही.

मला वाटलं होतं की या निवडणुकीत २०११ प्रमाणेच मतदान होईल. पण बर्‍याच प्रमाणात तसे झाले नाही. २०११ मध्ये ४ थ्या क्रमांकावर असलेला भाजप चक्क १ ल्या क्रमांकावर आला तर राष्ट्रवादी १ ल्या क्रमांकावरून ३ र्‍या क्रमांकावर घसरला. एकूण नगराध्यक्षांची पदे, नगरपालिकेत बहुमत व एकूण नगरसेवकांची संख्या या तीनही भागात भाजपच पहिल्या क्रमांकावर आला. निमशहरी भागातील समीकरणे बदलत आहेत असे दिसत आहे. अनेक दिग्गजांना आपले गड गमवावे लागले. भाजपला खानदेश, विदर्भ व काही प्रमाणात पश्चिम महाराष्ट्राने हात दिला. परंतु कोकणात भाजपची डाळ शिजली नाही तर मराठवाड्यात मोठा फटका बसला. मनसे हा पक्ष मृत झालेला आहे हे या निवडणुकीत नव्याने सिद्ध झाले. फेब्रुवारी २०१७ मधील १० महापालिका निवडणुकीनंतर या पक्षातील बाळा नांदगावकर, शिशिर शिंदे, नितीन सरदेसाई इ. नेते शिवसेना किंवा भाजपची वाट धरतील व हा पक्ष अधि़कृतरित्या नष्ट होईल. राष्ट्रवादी सुद्धा मनसेच्याच मार्गावर आहे. २०१९ या विधानसभा निवडणुकीनंतर महाराष्ट्रात भाजप व काँग्रेस या दोनच पक्षांचे अस्तित्व शिल्लक असेल.

महाराष्ट्रात तरी दोन्ही काँग्रेसांनी आक्रोश दिन साजरा केला ना!

आणि हे देश बंद करायला निघाले होते!

यावर एकदा लिहाच !

दोन्ही ठाकरे अत्यंत अहंकारी आहेत. दोघांचाही स्वतःच्या पक्षाच्या ताकदीबद्दल प्रचंड गैरसमज आहे. दोघेही पोकळ बढाया मारण्यात पटाईत आहेत. दोघेही बेताल बोलण्यात अव्वल आहेत. राज ठाकरेंच्या अत्यंत धरसोड धोरणांमुळे त्या पक्षाचे अस्तित्व जवळपास संपुष्टात आले आहे. नगरपालिका निवडणुकीत तब्बल २८०० हून अधिक नगरसेवकांपैकी मनसेचे जेमतेम १६ नगरसेवक निवडून आले. सुरवातीला स्थापना झाल्यावर काही काळ मनसे काँग्रेसला पाठिंबा देत होती. काही काळ सेनेला तर काही काळ भाजपला पाठिंबा दिला. २०१४ पासून नाशिक, नगर, पुणे इ. ठिकाणी राष्ट्रवादी व मनसेने एकमेकांना पाठिंबा दिलेला आहे. मनसेने कोणताही मुद्दा फार काळ उचलून धरला नाही. टोलबंदी असो किंवा मराठी कार्ड असो, काही दिवस मुद्दा उचलून हवा निर्माण करणे व नंतर थंड बसून राहणे हेच मनसेने आतापर्यंत केले आहे. त्यामुळे मनसेला मतदारांनी संपूर्ण नाकारले आहे. २००९ च्या निवडणुकीत सेनेची मते कापणे या महान कार्यासाठी मनसेचा जन्म झाला होता. २००९ मध्ये मनसेमुळे भाजप-सेना युतीच्या तब्बल ६-८ खासदारांचा व ३८ आमदारांचा पराभव झाला होता. मनसे नसती तर २००९ मध्ये महाराष्ट्रात भाजप-सेना युतीचे सरकार आले असते. त्यानंतर मनसेचे अवतारकार्य संपले. भविष्यात मनसेची स्थिती सुधारण्याची कोणतीही चिन्हे दिसत नाहीत. त्यांच्या दुकानाच्या फळ्या केव्हाच लागल्या आहेत. आता फक्त टाळा लावायचे शिल्लक आहे.

आमचे हे म्हणणाऱ्या त्या माई कुठेत ?