मागे तोक्योतील गणेशोत्सवाची काही छायाचित्रे इथे डकवली होती, पण क्रमशः लिहायला विसरलो. मिपाच्या समृद्ध क्रमशः परंपरेचा पाईक होण्यासाठी हा पुढचा भाग तोक्यो मराठी मंडळ गेल्या काही वर्षांपासुन तोक्योमध्ये गणेशोत्सव साजरा करते. गणेशोत्सवाच्या निमित्ताने भारतातुन एखाद्या कलाकाराला आमंत्रित करुन कलास्वाद घेण्याची अपूर्व संधी दर वर्षी उपलब्ध करुन देते. या वर्षीच्या गणेशोत्सवानिमित्त सध्याचे लोकप्रिय कवी संदीप खरे यांच्या कवितांचा ' सरीवर सर' हा कार्यक्रम अनंत चतुर्दशीच्या दिवशी आयोजित करण्यात आला होता. खरे तर संदीप सलील कुलकर्णीसोबत 'आयुष्यावर बोलु काही' या नावाने कार्यक्रम करतो. हा कार्यक्रम आधी ३ वेळा पाहुन झालेला, त्यामुळे सलील नसताना, वाद्यवॄंदाची सोय नसताना संदीप कसा कार्यक्रम करतो याची थोडीशी भिती आणि थोडीशी उत्सुकुता लागुन राहिली होती. आणि संदीपने बिलकुल निराशा केली नाही. वाद्यवॄंदाची साथ नसतानाही त्याच्या ठेवणीतली गाणी त्याने अत्यंत सहजतेने आणि सुंदरतेने सादर केली. सरीवर सर, अग्गोबाई ढग्गोबाई, तुझ्यामाझ्या सवे कधी गायचा पाउसही, लवलेटर अशा एकाहुन एक रचना त्याने सादर केल्या. वाद्यवॄंदाची साथ नसल्याने काही गाणी सादर नाही करता आली, पण ती कसर त्याने अनेक न ऐकलेल्या कविता ऐकवुन भरुन काढली. कार्यक्रमाची रंगत उत्तरोत्तर वाढत गेली. अगदी बालगंधर्व किंवा यशवंतराव चव्हाण नाट्यागॄहामध्ये बसल्याचा भास करुन देणारी ही अवस्मरणीय मैफील झाली. कार्यक्रमापूर्वी श्रींची आरती आणि अथर्वशिर्षपठण झाले. आरतीनांतर प्रसाद आणि अल्पोपहार आणि गाण्याच्या मैफिलीनंतर स्नेहभोजन झाले त्यामुळे गाण्याबरोबरच खाण्याचाही आस्वाद घेता आला. या कार्यक्रमाची काही क्षणचित्रे श्रींची मुर्ती लहान मुलांच्या या कार्यक्रमामुळे एक मराठेमोळे वातावरण तयार झाले होते आम्ही आमच्या लाडक्या कवीसोबत