हिंजवडी -- परांजपे बिल्डर्सच्या "ब्लू रिज" बद्दल माहिती हवी आहे.

गूगल बंद पडले आहे का हो आजकाल ?

हिंजवडी म्हणतात त्या भागाला, हिंजेवाडी नाही. हिंजेवाडी मुख्यतः बाहेरच्यांनी केलेला अपभ्रंश आहे.

मी काम करत असलेल्या कंपनीचे गेस्ट हाउस याच संकुलात आहे. आणि गेले दोन आठवडे याच गेस्ट हाउस मधे रहातोय. जबरद्स्त वेगाने वाहणारे वारे आहेत. एसीची गरज नाही. उन्हाळ्यात बघावे लागेल. संपूर्ण स़कूलाच्या मधोमध गोल्फ मैदान आहे. गोल्फ मैदानाच्या देखभालीचा खर्च अफाट असतो. पण संकूलातील रहीवासी कधी गोल्फ मैदानात दिसले नाहीत. शाळा जवळ आहे. चालत जाउ शकतो एवढ्या जवळ. लीफ्ट कोने कंपनीची आहे. सुरक्षा उच्च दर्जाची आहे. सुरक्षारक्षक बायोमेट्रीक प्रणालीने दरवाजा उघडून देतात. सदनीका प्रशस्त आहेत. मुंबईच्या विकासकांसारखी कंजूषी करुन खूराडी बांधलेली नाहीत. बाजूलाच बारमाही पाणी असलेली नदी आहे. त्या नदीवर अवलंबून असलेली बागायती शेती आहे. संकूलातील रस्ते आणि बाकीचे इन्फ्रस्ट्रक्चर उच्च दर्जाचे आहे. बाकी तुम्ही प्रत्यक्ष पहालच... राहता राहीला प्रश्न मेंटेनन्स चार्जेसचा, ते मी विचारुन सांगतो. अधिक माहीतीसाठी आपला भ्रमणध्वनी मल व्यनी करा..

खोल्या छोट्या आहेत. मी गेलो होतो बघायला. दोन वर्षापूर्वी. नाही आवडलं.

मलाही ब्लू रिजबद्दल वाचायला आवडेल. जालावरून घरांच्या किमतीची कल्पना आली आहे. खटपट्या यांचा प्रतिसाद वाचून काय ते समजले. खोल्यांचे आकार जरा लहान वाटले, तरी बाकी गोष्टी आवडल्यात पण किंमत बघून गप्प बसण्यात आले आहे. उगीच फ्ल्याट घ्यायचा नाही तरी कशाला चौकश्या करतेस असे नवरा म्हणेलच! ;) पण आता बाकी माहिती झालीये तर मेंटेनन्सचा आकडा समजला तर बरे होईल. आमच्या आत्ताच्या सोसायटीचा मेंटेनन्स एकदम दुप्पट केलाय, यावर्षीपासून.

मी काही काळ राजीव गांधी इन्फोटेक पार्क फेज १ मध्ये काम केले आहे. माझ्या हापिसच्या बाल्कनीवजा ब्रेक घेण्याच्या जागेतून काढलेला हा ब्लू रिज प्रकल्पाचा फोटो (नोव्हे २००७). त्या काळात सरकारी प्रकल्पाला लाजवेल इतक्या कूर्मगतीने काम सुरू होते. तेव्हा ऐकलेली किमान किंमत ₹५५ लक्ष होती. म्हणजे आता कदाचित ₹१.२५ कोटी वगैरे असावी (अंदाज) माझे दोन प्रश्न

1. ब्लू रिजमध्ये राहणार्‍या रहिवाशांना राजीव गांधी इन्फोटेक पार्कातून बाहेर पडण्यासाठी व परत येण्यासाठी वेगळा रस्ता आहे का? की जो रस्ता तिथे काम करणारे वापरतात तोच वापरावा लागतो?
2. इथे शाळा असली तरी नव्याने सुरु झालेल्या शाळेत (प्राथमिक शिक्षण वगळता) शिक्षणाच्या दर्जाबाबत काय परिस्थिती आहे.

ही टाउनशीप आहे पुर्ण.९५% आयटी जणता...हिंजवडी अजुणहि गावच आहे.अजूण ५ वर्ष लागतील पुर्ण विकसीत व्हायला मी १ वर्षापासून जातो हपीसला....

नवीन मुम्बै सोडुन पुण्यात कशाला जायचे ?

हिंजेवाडी (हिंजवडी त्याला कूणीसुद्धा म्हणत नाही) मध्ये येताय, तर काही गोष्टींचा विचार नक्की करा. १) हे पुणे नाही, नदीपलीकडेच पि.चि. सुरू होते.. :) २) या रस्त्याने घरी जाणे त्रासदायकच राहणार आहे. रोडवर नेहमीच कोंडी असते, शनीवार - रवीवार सोडून. ३) घरातच राहणार असाल तर ठिक, कारण आजूबाजुचा परीसर एकदम भकास आहे तसा, म्हणजे पाच दिवस लोक असतात आजुबाजुला, पण विकांतला फक्त आजुबाजुची गुण्ठामंत्रीच. काही खरेदी करायची असल्यास औंध, पिंपरी हेच पर्याय आहेत, अर्थात डी-मार्ट व तत्सम दुकाने आहे या भागात. ४) घरे बघितली होती सुरवातीला, नुसते रेल्वेचे डबे आहेत. छोट्या खोल्या आणि लम्बुळके डिझाईन.. विशेष आवडले नव्हते. फक्त उंच टावर आहेत, आणि दोन बिल्डींगनधली जागा कमी वाटली. ५) एकीव माहितीनुसार शाळा फक्त ब्लू रिजपुरती नाही, म्हणजे तुम्ही तिथे राहता, म्हणून मिळेलच याची शाश्वती नाही. रात्रभर लाईन लावून फार्म मिळतो, मग दाखला, एकदा तपासून बघा.. ६) जायचा रस्ता छोटा आहे, जो मोठा रस्ता बनवलाय, तो थोडा वळुन जातो. ७) अजून एका मिळालेल्या माहीतीनुसार, हिंजेवाडी ते बालेवाडी हा एक प्रकल्प रखडला आहे. बालेवाडीला जाणारा रस्ता हा ब्लू रिज ने जो आपला म्हंटलाय तोच रस्ता आहे, असे असेल तर पुढे हा आम रस्ता होणार, मग तर मज्जाच बघा... :) ८) नदीच्या चित्रावर जाऊ नका.. एव्हढी निळी नाहीये ती... :) ९) बाकी बांधकाम उच्च दर्जाचे आहे...व सुरक्षा छान आहे. पण एव्हढा मोठा परीसर म्हणजे खर्च असनारच...

तुम्ही जर बोटीवर असणार असाल आणि बायको/आई वडिल घरातच असणार असतील तर कोथरुड/बाणेर परीसरात जागा चांगल्या मिळतील. आणि माणसात रहातो आहोत असे वाटेल. ब्ल्यु रीज ला घरातुन सोसायटीच्या गेट पर्यंत चालत पोचायलाच १० मिनीटे लागतात. तुमच्या घरच्यांना आठवड्याची भाजी ( महीन्याचा किराणा ) एका दिवशी आणुन ठेवण्याची सवय आहे का? मी नक्की सांगतो, तुमचे आईवडीलांना नैराश्य येइल अश्या सोसायटीत रहायला जावुन. जुल्या बिल्डींग मधल्या खोल्या मोठ्या आहेत. नविन बिल्डींग मधे खुराडी आहेत.

भाडे किती असेल? इंटरनेटवर २० हजारापासून ते ३६ हजारापर्यंत भाडे दाखवित आहे.

पुण्यात घर घेण्याआधी अस्मादिकांचा खालील लेख जरूर वाचवा http://www.misalpav.com/node/29925 प्रस्तुत लेख लोकप्रभा मध्ये प्रकाशित झाला आहे. http://epaper.lokprabha.com/528943/Lokprabha/03-07-2015#dual/46/1

परांजपे पूर्वी मध्यमवर्गाला परवडतील अशी घरे बांधण्याबद्दल प्रसिद्ध होते.पण सध्याची परिस्थिती खूपच बदललेली दिसतेय. आसपसच कुमार बिल्डर्सचे बांधकाम चालु आहे असेही वाचले होते.

मामो ऑन "अरे चिनार्‍या बराच लब्बाड आहेस की मासीकात लेख बि़ख छापून आले, तसे घर घ्यायचे म्हणजे खायची गोष्ट नाही असं आमचे हे श्री गुरुजी भावजींना म्हणताना ग्रेट्थिंकर्नी ऐकले असे हितेसभाई दादरकरला सांगत होता अशी कुजबुज कुमठेकर आणि सचिन मध्ये चालली होती असा आप्ला दमामीला वाटते खरे खोटे टक्याला माहीती असेल" मामो ऑफ

ते हितेस 'द'रेकर हायेत

डोंबिवलीत पलावा सिटीचा विचार करु शकता. २ बी. एच. के. ६० ते ७० लाखांपर्यन्त जातो. मेंटेनन्स साधारणतः ३००० आहे. गोल्फ क्लब मेंबरशिप ऑप्शनल आहे. महत्वाचे फ्लॅट घेणार असाल तर रिसेल घ्या. लोढा वेळेवर पझेशन देत नाही. (मी ब्रोकर नाही.) अजुन माहिती हवी असल्यास व्य. नि. करा