वांगे पावटे भाजी

साहित्य .. हिरवी वांगी पाव किलो , पावटे पाव किलो तेल , मोहरी , जिरे , हळद एक कांदा , एक टोमॅटो , लसूण पाकळ्या , कढीपत्ता. कांदा व टोमॅटो किसुन घ्यावे. तिखट , मीठ , गूळ , गरम मसाला / भाजी मसाला दोन चमचे दही. ------------------------------------------- कृती.. पावटे उकडुन बाजुला ठेवावेत. थोड्या तेलात मोहरी व जिर्‍याची फोडणी करावी. त्यात लसूण पाकळ्या व कढीपत्ता घालावा.हळद घालावी. मग कांद्याचा कीस घालुन परतावे. मग टोमॅटो कीस घालुन परतावे. या मसाल्यात वांग्याच्या फोडी थोडे पाणी घालुन शिजवावे. वांगी अर्धवट शिजली की उकडलेले पावटे घालावेत. थोडे पावटे क्रश करुन त्याची पेस्ट करुन घालावी. सर्व शिजले की मीठ , तिखट , गूळ व गरम मसाला घालावा. शेवटी गॅस बंद केला की दोन चमचे दही घालुन मिसळुन घ्यावे. ________________________