डिस्क्लेमरः पाकृत टिन्ड मँगो पल्प/प्युरे वापरलाय. हापुस आंब्याचा सीजन निदान आता तरी संपलाय. वेल खरं तर बाप्पाच्या आगमनाआधी हि पाकॄ द्यायची होती पण राहून गेली. पण हरकत नाय...एकदा ट्रायल बेसीस वर करुन बघा. जमली/आवडली तर पुढल्या वेळेस करुन दणक्यात पेश करा. वेल हे लाडू म्हणुन छान तर लागतातच पण हेच सारण मोदकात भरुन मँगो मलई मोदक करुन बाप्पाला जरा वेगळ्या पद्धतीचे मोदक पेश करा. साहित्यः १. पनीर - ४०० ग्रॅम २. आंब्याचा रस/पल्प - १ बाउल ३. बदाम स्लाईस/पिस्ता काप/पिस्ता पावडर - २ चमचे प्रत्येकि ४. नेस्ले मिल्कमेड - आवडिनुसार कमी/जास्त ५. खायचा कलर - २ ते ३ थेंब ६. केवडा किंवा रोझ ईसेन्स - १/२ चमचा (ते हि नसेल तर आपली वेलची पुड) ७. साजुक तुप - २ चमचे (पनीर पॅन मधे लागु नये म्हणुन) कॄती: १. फ्रोजन पनीर क्युब्स वापरणार असाल तर थोडया वेळ गरम पाण्यात घालुन ठेवा जेणेकरुन मउ होतील. आता हलक्या हाताने एक साधारण ८-१० मि. पनीर मळुन घ्या जेणेकरुन त्यात असणार्‍या सगळ्या गुठळ्या मोडल्या जातील २. आता मंद आचेवर एका नॉन्स्टिक पॅन/वोक/कढईत साजुक तुप तापलं कि पनीर, मँगो पल्प आणि मिल्कमेड एकत्र करुन हळुवार सतत ढवळत रहा. एक ७-८ मि. त्यात खायचा रंग, केवडा ईसेन्स, बदाम-पिस्ता काप घाला. बदामाचे काप हलकेच हाताने चुरडून घ्या. ३. आता कडेने तुप सुटुन मिश्रणाचा गोळा झाला कि ताटात काढुन गार करत ठेवा. ४. एक ५ मि. मिश्रणावरुन १ चमचा पिस्ता पुड घाला ५. गोळा पुर्ण थंड झाला कि हव्या त्या आकारात लाडू वळा ६. वरुन चिमुट चिमुट पिस्ता पावडर घालुन मँगो मलई लड्डू पेश करा टिपः पनीर असल्यामुळे हे लाडू सतत फ्रिज मधेच ठेवा आणि खायला द्यायच्या आधी एक १५-२० मि. बाहेर काढुन, रुम टेम्परेचरला येउन द्या. माओ मधे हलके गरम करुन देणार असाल तर उरलेले लाडू परत फ्रिज मधे शक्यतो ठेवु नका. कदाचीत चव उतरेल. (अर्थात ह्या सगळ्या शक्यता लाडू उरले तर :D