साहित्य - १) अंडे - एक २) चीज स्लाइसेस - दोन ३) झाकण असलेली मायक्रोवेव्-सेफ प्लेट वा बाऊल ४) मायक्रोवेव ओवन ५) मीठ आणि मीरपूड - चवीपुरते कृती - १) प्लेट वर एक चीजची स्लाइस घ्या. २) त्यावर अंडे फोडून घाला. ३) त्यावर चीजची दुसरी स्लाइस ठेवा. ४) प्लेटवर झाकण ठेवा. ५) प्लेट मायक्रोवेवमध्ये ठेऊन ४०-४५ सेकंद शिजवा. वितळलेल्या चीजमध्ये नखशिखांत भिजलेले अंडे तयार आहे. त्यावर चवीपुरते मीठ आणि मीरपूड भुरभुरवा आणि आस्वाद घ्या! टीपा - १) अंडे मायक्रोवेवमध्ये फुटते तेव्हा उघड्या प्लेट अथवा बाऊलमध्ये हा पदार्थ करू नये. हलके झाकण ठेवावे. २) चीजच्या स्लाइसला थोडे बटर लावून "चीजा-तुपाळलेले अंडे" असा पाठभेददेखिल करता येईल. ३) एक मिनिटापेक्षाही कमी वेळ लागणारे हे आम्लेट, इतर कुठल्याही आम्लेट-प्रकारापेक्षा झटपट होते.