Skip to main content

[शशक' १९] - ग्लास

[शशक' १९] - ग्लास

समीरसूर
Published on 01/02/2019 - 23:31 प्रकाशित मुखपृष्ठ
केशवने चार ग्लास भरले. बाहेर सुंदर चांदणं पडलं होतं. "आज जेवन झाल्यावर कोल्ड्रिंग पिऊ आपन...पोरांना आवडंल बघ. आपल्या गावात पानी नाय भेटत प्यायाला पण कोल्ड्रिंग लगेच भेटतयं! तेच पिऊन पाहू; कळंल तरी नुसतं प्यायासाठी आहे की पिकाला बी चालंल..." केशव किंचित खिन्नपणे गौरीशी बोलत होता. गौरीने केशवकडे नुसतं पाहिलं आणि मुलांना हाक मारली. "आये, शुभमनं माझं सर्टिफिकेट खराब केलं." कल्याणी रडू लागली. "कसलं सर्टिफिकेट?" केशवने विचारले. “शाळेत गनिताची एक स्पर्धा झाली होती. त्याच्यात दुसरा नंबर आला माझा, बाबा!" केशव विचारात गुंतला. "गौरी, काहीतरी गोडधोड कर. ते कोल्ड्रिंग नाय प्यायचं.” गौरीने चमकून केशवकडे पाहिलं. केशव सगळे ग्लास मोरीत रिकामे करत होता.
याद्या 49497
प्रतिक्रिया 83

श्वेता२४ 05/02/2019 - 16:18
मत ग्राह्य धरावे. चिन्ह टंकण्यास अडचण येत आहे.

प्रभाकर पेठकर 07/02/2019 - 12:03
+१ सरबतांचे रहस्य प्रतिसादातून लक्षात आले त्यामुळे परिस्थितीतील दाहकता फार अंगावर आली. कथेतच सरबताचे रहस्य सूचकतेने उलगडले असते तर अधिक आवडले असते.

ऋतुराज चित्रे 07/02/2019 - 13:35
केशवने चार ग्लास भरले. ४ बाहेर सुंदर चांदणं पडलं होतं. ५ "आज जेवन झाल्यावर कोल्ड्रिंग पिऊ आपन ६ पोरांना आवडंल बघ. ३ आपल्या गावात पानी नाय भेटत प्यायाला ६ पण कोल्ड्रिंग लगेच भेटतयं! ४ तेच पिऊन पाहू; ३ कळंल तरी नुसतं प्यायासाठी आहे. ५ की पिकाला बी चालंल..." ४ केशव किंचित खिन्नपणे गौरीशी बोलत होता. ६ गौरीने केशवकडे नुसतं पाहिलं ४ आणि मुलांना हाक मारली. ४ "आये, शुभमनं माझं सर्टिफिकेट खराब केलं.६ कल्याणी रडू लागली. ३ "कसलं सर्टिफिकेट?" केशवने विचारले. ४ “शाळेत गनिताची एक स्पर्धा झाली होती. ६ त्याच्यात दुसरा नंबर आला माझा, बाबा!" ६ केशव विचारात गुंतला. ३ "गौरी, काहीतरी गोडधोड कर. ४ ते कोल्ड्रिंग नाय प्यायचं.” ४ गौरीने चमकून केशवकडे पाहिलं. ४ केशव सगळे ग्लास मोरीत रिकामे करत होता. ७ मी वरीलप्रमाणे मोजले त्याप्रमाणे १०१ शब्द होतात.

संजय पाटिल 08/02/2019 - 18:36
केशव किंचित खिन्नपणे गौरीशी बोलत होता. ६......... यातला " किंचित" काढून टाका आणि... केशव खिन्नपणे गौरीशी बोलत होता...... असे वाचा.... हाका नाका!

शब्दबम्बाळ 21/02/2019 - 23:15
सहमत.. नियमात जरा हुकली! चांगली आहे खरतर पण प्रतिसादातूनच विषय कळाला.. कथेत फारसे क्लु नव्हते विषय कळायला, असे माझे तरी मत...

चोपदार 20/02/2019 - 18:24
शेवट ग्वाड तर समदं ग्वाड

एकविरा 21/02/2019 - 12:57
बापरे , कसली सकस कथा आहे ,

स्वधर्म 21/02/2019 - 14:04
प्रथमवाचनी कथा कळली नाही, प्रतिसाद वाचल्यावरच समजले. केशव ‘किंचित’ खिन्न असल्यामुळे अगदी अात्महत्त्येपर्य़ंत पोहोचलेला होता असे वाटले नसावे. तसेच त्याची मन:स्थिती बदलली, त्यासाठी एक अोळ अाली असती तर कथा पटकन समजली असती.