सारखं सारखं त्याच झाडावर का ?

आता अनुभवाने आपल्याला असले धागे कोणते हे कळतेच. त्यामुळे असे धागे आपण वाचून नये. मिपावर अजुनही इतर विषयांवर लेखन येतेच आहे. आपण त्याचाच आस्वाद घ्यावा व अशा ठिकाणी व्यक्तही व्हावे.

'जनातलं मनातलं' किंवा काव्य विभागात किंवा पाककृती विभागात कोणी राजकीय धागे काढलेत का?

मालकांनी त्या चर्चांसाठी 'काथ्याकूट' अन 'राजकारण' हे दोन विभाग काढून दिलेत अन त्यातच चर्चा निघते, मिपाच्या नव्या ले आऊट नुसार पाहिजे त्या विभागात एका टिचकीत जाता येते, कश्याला पाहता राजकीय विभाग इतका कंटाळा येतो तर? ,सरळ लेख-कविता इत्यादी टॅब वर जावा अन तुम्हाला आवडते ते वाचा, लोकांच्या अवडीनिवडीवर शंका घेणे बरे नव्हे, दोष मिपाचा नाहीये तर तुम्हाला नीट नॅव्हीगेशन जमत नाहीये हा असे असे वाटते.

अगदी १००% सहमत.
चर्चा विकृती...!!

थोडंसं काव्यात्मक आहे,म्हणजे काही धाग्यांवर संधीप्रकाश असतो तर काही पहाटेची लाली अता रात्र कुठे आणि सकाळ कुठे ते वाचकांनी ठरवायचे.

राजकीय विम्बल्डन (टेनिस) सामन्यांच्या लढती पाहीलेला नाखु वाचकांची पत्रेवाला

सतिशा, अरे अनेक अ-राजकीय धागे आहेत ना वाचायला. मेथीचे ठेपले आहेत,कोल्हापूरी भेळ आहे,पुणे-ते लेह लेखमाला वाचनीय आहे..चार्ली चॅप्लिनवर लेख आहे...
सध्या निवडणूकीचा मोसम असल्याने जरा जास्त राजकीय धागे येणार . १५ ते २० मे दरम्यान तर राजकीय चर्चांना जास्तच जोर येणार. "बघा ,मी सांगतच होतो.ते "सामान्य मतदारच नालायक... हा तर मोदींचा विजय्/पराभव.." असे सर्व काही तेव्हा असणार.
कर्नाटकात मुख्यमंत्री निवडला गेला की मग आपसूक राजकीय धाग्यांची संख्या/चर्चा तात्पुरती कमी होईल असे ह्यांचे मत.

पाटील साहेब ,
उत्तर भारतीय सगळे न्यूज चॅनेल 24 तास राजकीय निरर्थक बातम्या ब्रेकिंग न्यूज च्या नावाखाली दाखवत असतात , आपण त्या बघत बसायचे नसते . मी स्वतः गेली चार पाच वर्षे कुठलेही न्यूज चॅनेल बघत नाही . टी व्ही वर इतर भरपूर मनोरंजक व ज्ञानवर्धक चॅनेल्स आहेत , आपल्या आवडी नुसार ती निवडायची असतात . तसच मिपा वर भरपूर वाचनाचा आनंद देणारे भरपूर पर्याय आहेत .

सहमत आहे.
राजकीय धुराळा नावाचा विभाग सुरू करावा त्यात ज्याना रडायचे/ लढायचे त्यानी ते ते करावे.
सध्या लेख या विभागात इतके लिखान होते की कधीकधी आपण वाचायच्या आतच ते लेखन दिसेनासे होते.
सम्पादक दादानु यावर काही करता येईल का

तुम्ही जे म्हणताय तो वैताग बऱ्याच लोकांना आलाय, पण वरती जेम्स वांड यांनी म्हंटल्याप्रमाणे त्या धाग्यांवरती जाताच नाही, नळावरची भांडण बरी त्यापेक्षा. हा धागा शिफारस मध्ये का दिसतोय देव जाणे.