Skip to main content

यारहो ...

लेखक विशाल कुलकर्णी यांनी गुरुवार, 15/03/2018 09:35 या दिवशी प्रकाशित केले.
दुष्मनांचा जोर आहे वाढलेला यारहो जीव माझा आरशावर भाळलेला यारहो बोर जिथल्या गावची तिथलीच बाभळ अंगणी संग काट्यांचा मलाही भावलेला यारहो पिंड कुठल्या वासनांचा राहिला मागे इथे? कावळ्यांनी दंभ माझा टाळलेला यारहो ती म्हणाली सोड तू जमणार नाही आपले मी दुरावा मस्तकावर माळलेला यारहो कोण तो वेडा भिकारी रोज हाका मारतो प्राक्तनाने आरसा मज दावलेला यारहो एकदा केसात वेडे वीज तू माळून बघ बोल मग श्रृंगार मीही टाळलेला यारहो ! हंस कुठला? कोण कागा? वाद भलते वाढले मी पुरावा सुज्ञतेचा जाळलेला यारहो एकट्याने झुंजताना कैफ चढतो आगळा दोर परतीचा तसाही कापलेला यारहो © विशाल वि. कुलकर्णी
काव्यरस
मराठी गझल
लेखनविषय:
वाचने 11049
प्रतिक्रिया 19

प्रतिक्रिया

ज्ञानोबाचे पैजार गुरुवार, 15/03/2018 13:01
आवडली पैजारबुवा,

गवि गुरुवार, 22/03/2018 10:39
विकुशेठ, मस्त ग़ज़ल. इथे पहा:
एकट्याने झुंजताना कैफ चढतो आगळा दोर परतीचा तसाही कापलेला यारहो
एकट्याने झुंजताना कैफ चढतो आगळा दोर परतीचा तसाही मी कापलेला यारहो हा "मी" घातल्यास मीटरपूरक वाटेल का? आगाव सूचनेबद्दल क्षमस्व..

प्रचेतस गुरुवार, 22/03/2018 10:55
:(

गवि गुरुवार, 22/03/2018 11:04
जाहीर माफी मागत आहे. माझ्या म्हणण्याचा प्रसारमाध्यमांनी विपर्यास केला आहे. माझ्या म्हणण्याचा उद्देश असा होता की नवनवीन लेण्याना भेटी देऊन अधिकाधिक नवनवे अभ्यासपूर्ण लेख वाचकांस मिळत राहावेत. आय अपोलोगाईझ. -ग.वि. केजरीवाल

विशाल कुलकर्णी शुक्रवार, 23/03/2018 08:09
धन्यवाद गवि ! तुम्ही सांगितलेला बदल केलास वृतभंग होइल, कारण मग दोन मात्रा वाढतील आणि अक्षरगणाची रचना बदलेल> एकट्याने झुंजताना कैफ चढतो आगळा दोर परतीचा तसाही कापलेला यारहो गालगागा गालगागा गालगागा गालगा यात अजुन एक मी जोडायचा म्हणजे 'गालगागा गालगागागा गालगागा गालगा' असे होइल, त्यामुळे वृत्तभंग होतो, लयही चुकते कारण मात्रा चुकताहेत. हवे तर असे करता येइल.. एकट्याने झुंजताना कैफ चढतो आगळा दोर परतीचा स्वतः मी कापलेला यारहो मनःपूर्वक आभार !

नाखु बुधवार, 21/03/2018 22:57
जबराट दोरायनी नाखु

पिवळा डांबिस बुधवार, 21/03/2018 23:29
अतिशय आवडली. सगळीच कडवी (शेर) मस्त आहेत त्यामुळे कुणा एकाचा उल्लेख करत नाही. सौ साल जियो!