मदत हवी आहे

सध्या कुणालाही धड ड्रायव्हींग येत नसल्याने थोडे दिवस वापरून गाडी चालवण्याचा सराव झाला की ही गाडी विकून नवी घ्यायची आहे.

नवीन गाडी घ्या व शिका. १) गाडी चालवायला शिकणे/चालवणे अगदीच काही रॉकेट सायन्स नाही. २) गाडी चालवायला शिकायला काहीच वेळ लागत नाही. मी स्वतः दोन तासात शिकलो. ३) दीड लाखात गाडी घेऊन ती चालवायला शिकल्यावर विकायला लगेचच काढली तरी सेकंड ओनर कन्सेप्टने तिची मार्केट व्हॅल्यू खूपच कमी होईल म्हणजेच नुकसान. त्यापेक्षा जुनी गाडी घेऊन निवांत वापरा. ४) नवीन गाडी घेतलीत तर १०-१२ वर्षे बघायला नको. अर्थात नीट वापरली तरच! अजून एक... कोल्हापुरात राहून मुंबई पासिंगची गाडी घेणे अतिशय ईललॉजिकल वाटतंय. बाकी तुमची मर्जी! Sandy

ताक फुंकून प्या .. मुंबई समुद्र प्रदेश आहे , दमट हवामान... त्यामुळे गाड्या ५ वर्ष्यापेक्षा जुनी असेल तर गाजली किती ते पहा.. साधारपणे जुने मालक रंगाचा हलका हात मारून ठेवण्याची शक्यता गृहीत धरा ...

का कोणास ठाऊक, पण सेकंड ह्यांड गाडी बद्दल एकदम तिटकारा आहे. कर्ज काढून आल्टो ८०० घ्या .. पण नवीच घ्या...

माझीच गाडी विकायची आहे (इथे झैरात चालेल का?)

तुम्ही नुकतीच गाडी शिकत आहात तर तुम्ही गाडी फारशी नीट तपासून बघू शकाल असे वाटत नाही. माहितीतल्या आणि विश्वासू माणसाकडून गाडी तपासून वगैरे बघणार असाल तर ठीक नाही तर true value (मारुती) वा तत्सम यंत्रणेतून जूनी certified car घ्या.

**गंजली किती ते तपासा** भारी मुद्दा. रैट. नवी मुंबईत /वाशी MH43 - त्यातल्या त्यात बरे. पार्किंग रग्गड असल्याने कमी गंजत असतील.

१.लोकल पासिंगची गाडी घ्या(सातारा,सांगली , कोल्हापुर) २. सेकंड हँड गाडी प्रॅक्टीस साठी घ्यायची तर सँट्रो/अल्टो/वॅगनार मिळाली तर बघा (नॅनो नको, रीसेल किंमत मिळत नाही), ३-४ वर्षांनी विकता येईल ३. खरे सांगयचे तर ड्रायव्हिंग स्कुलमध्ये जाउन शिका आणि नवीनच गाडी घ्या. लोन होइल, इन्शुरन्स होईल, ७-८ वर्षे मस्त जाईल, टेन्शन नको.

कार देखो ह्या वेब साईटवरही पाहून घे ग श्वेते. https://www.cardekho.com/used-car-details/used-Fiat-Linea-2007-2013-T-J… फियाटच्या गाड्या जास्त खपत नाहीत मात्र पत्रा ईतर गाड्यांच्या तुलनेत जाड असतो व इंजिन्,सस्पेशंन वगैरे च्या बाबतीतही मारूतीरावांपेक्षा सरस असतात.

मुंबईतूनच गाडी घ्यायची असेल तर एखाद्या डॉक्टरची गाडी घ्या. डॉक्टर आपल्या गाडीची व्यवस्थित देखभाल घेतात. ठेकेदाराची फुकट मिळाली तरच घ्या.

गाडी घेणार तर ,नवीनच घेणार असा निर्धार करा, संदीप चांदणे यांच्या मताशी एकदम सहमत आणि कोल्हापुरात वापरणार असाल तर चांगल्या पार्किंगची आधी सोय करा. कोल्हापुरात लोक खुप महागड्या गाड्या घेतात अन रस्त्यावर पार्किंग करतात. मग रस्त्यावर खेळणारे खेळाडू ,नविन गाड्याची वाट लावतात. मी तर म्हणेन ज्याची पार्किंगची सोय चांगली आहे त्यांनीच मोठी गाडी घेणे योग्य आहे.

नवीच बघा... शिकणार्‍याला विश्वास वाटला पाहिजे गाडिवर... नैतर काही त्रास झाला तर आपलं चुकलं की गाडीचं चुकलं हेसुद्धा लक्षात येणार नाही शिकत असताना...

जर वापरलेली गाडी (हे दुचाकी/तिचाकी/चारचाकी/इ. इ. प्रत्येक गाडीला लागू आहे. यावरून सदरहू प्रतिसादक पुणेरी असावा हे समजण्यास सूज्ञास तोशीस पडू नये) घ्यायचा विचार करत असाल तर गाडी माहितीतल्या कारमालकाकडून घ्यावी. मारुती ट्रु व्हॅल्यू, महिंद्रा फर्स्ट चॉईस इ. च्या नादी लागू नये. असे एजंट सर्वप्रथम गाडीचे रनिंग कमी करतात. उदा. गाडी एक लाख किमी धावली असेल तर हे लोक आधी ते रिडींग तीस-पस्तीस हजारांपर्यंतही खाली आणायला मागेपुढे पहात नाहीत. दुसरे म्हणजे, ते एकशेआठ चेक्स वगैरे वगैरे सर्व दिखाऊ असतं. निव्वळ धूळफेक. अशा एजंटकडून गाडी घ्यायला जाल तर त्याने सांगितलेल्या किमतीत त्याचा किमान तीस टक्के नफा असणार हे नक्की. गाडी किती चालली असावी हे पाहण्याचा ठोकताळा म्हणजे पहिल्या विक्रीची तारीख ते आजचे वर्ष यात किती वर्षांचा कालावधी लोटला आहे त्याला साधारणतः दहा हजार किमीने गुणायचे. हा आकडा प्रत्यक्षात कमीजास्त असू शकतो, परंतु गाडीची झीज किती झाली असावी ह्याचा अंदाज बांधायला उपयुक्त आहे. अजून एक रूळ ऑफ थंब म्हणजे तीस-चाळीस हजार किमीपेक्षा जास्त जुनी डिझेल गाडी आणि पन्नास-साठ हजार किमीपेक्षा जास्त जुनी पेट्रोल गाडी शक्यतो टाळावी. कारण यानंतरच खरा मेंटेनन्स निघायला सुरुवात होते. आणि सीएनजी लावलेली गाडी जुनी घेऊच नये. इन अ नटशेल, जुनी गाडी घेताना अ) सेकंड हॅन्ड कार डीलर कडून घेऊ नये. घेतलीच तर जोरदार घासाघीस करायला लाजू नये. आ) कुठल्याही मॅकेनिकवर कदापिही विश्वास ठेवू नये. इ) जुनी गाडी आपल्या पाहण्यातली असावी. ई) सर्व्हिस रेकॉर्ड व इन्श्युरन्स हिस्ट्री तपासून घेणे. उ) जुनी गाडी ड्रायव्हिंग शिकून हात साफ करून घेण्यापुरती वापरावी (साधारणतः एक वर्ष जास्तीत जास्त.) ऊ) नंतर ही गाडी विकून नवीन गाडी घ्यावी. ब्रॅण्डबद्दल : जुनी गाडी किंवा स्वतःची नवीन गाडी घ्यायला बरेच जण मारुतीला प्राधान्य देतात. परवडते म्हणून आणि सेकंडहॅण्ड/थर्डहॅण्ड विकली जाते आरामात म्हणूनही. इतर ब्रॅण्डपैकी आय टेन पाहू शकता.

जर कार पहात असाल तर इ'करंजी मधे कार सेल चालु आहे मारुती सुझुकी शोरुम जवळ कोपु रोडवर. भेट देऊ शकता. शक्यतो सॅंट्रो किंवा अल्टो घ्या. वॅगन आर स्पीड मधे हेलकावे खाते. आणि अंतर ही लवकर कापत नाही. सॅंट्रो माझी पहिली पसंती होती. पण सध्या अल्टो वापरतो.

एक वेगळा विचार नवी गाडी विकत घेणे हा सर्वात उत्तम उपाय आहे. नव्या गाडीची सर जुन्या गाडीला कधीही येणार नाही. जुनी गाडी घेतली आणि एक दोन वर्षांनी विकली तर साधारण लाख रुपये नुकसान ( खरेदी आणि विक्री किमतीतील तफावत आणि जुन्या कारच्या दुरुस्ती वर येणारा खर्च) होईल. यात होऊ शकणाऱ्या कटकटीची मानसिक किंमत किती तो प्रश्न अलाहिदा. या एक लाख रुपयात आपल्या घरचे सर्व जण ड्रायव्हिंग स्कुलमध्ये शिकून अतिरिक्त पैसे भरून सराव करून भरपूर तयार होऊ शकतील. पहा विचार करून