✍ मराठी साहित्य, संस्कृती आणि लेखनाचे व्यासपीठ

खिलजीचा माफीनामा

खिलजि यांनी
 ·  लेख
लेख
लेखनविषय (Tags)
मांडणी
लेखनप्रकार (Writing Type)
अनुभव
खिलजी एक असे पात्र जे इतिहासात त्याच्या कुकर्मामुळे प्रसिद्ध झाले . प्रत्येक पटावर ते पात्र जन्माला येतच असते . नियतीचा अलिखित नियम आहे . मी देखील परत आलोय . पण माझ्या परतीचे कारण मात्र वेगळे आहे . मी परत आलोय ते फक्त माफी मागण्यासाठी. मी माफी मागणारही होतो पण त्यावेळेला मला संधीच मिळाली नाही . मी कैक धडका दिल्या , पण जेव्हा जेव्हा मी माझे नाव किंवा आडनाव टंकले त्या वेळेस माझ्या हाती अपयशच आले . असो ... जिच्यासाठी उपवास व्रत वैकल्ये केली , ती माझी आई ६ जानेवारीला देवाघरी गेली. जाईपर्यंत चूल आणि मुलांची काळजी करणारी बाई, अशीच निघून गेली ... चितेवर पहुडली असताना , नातेवाईक तिच्या अंगावरचे दागिने काढत होते तेव्हा विरक्तीची पुसट कल्पना माझ्या मनाला शिवू लागली होती . ह्या मोहपाशात अडकून पडण्यापेक्षा , जे जे आधी घडलेले आहे , कुणी दुखावले गेले असेल कळत नकळत , त्यांची माफी मागणे क्रमप्राप्त आहे. म्हणून मी माझी पूर्वीची ओळख लपवून , या मंडळात पुन्हा प्रवेश केला . शक्य झाल्यास मला माफ करा .. आपला नम्र सिद्धेश्वर विलास पाटणकर C
4514 वाचन
💬 प्रतिसाद (17)

प्रतिक्रिया

पैसा
Tue, 02/06/2018 - 15:15 नवीन
तुमच्या आईच्या आत्म्यास शांती मिळो. सध्या चुका माफी वगैरे बाजूला टाका. आम्ही तुमच्या दु:खात सहभागी आहोत. इतकेच.

डॉ सुहास म्हात्रे
Tue, 02/06/2018 - 16:08 नवीन
तुमच्या आईच्या आत्म्यास शांती मिळो. आम्ही तुमच्या दु:खात सहभागी आहोत. चुकले असो नसो, पण माफी मागण्याइतका स्वभावातला उदारपणा दाखवला आहात यातच सगळे काही आले. इतका मनाचा मोठेपणा दाखवण्याचे धैर्य फार थोड्या लोकांत असते. मिपा आपलेच आहे. आता खेळीमेळीने मिपाकरांशी सुसंवाद सुरु करा. सुस्वागतम् !

दुर्गविहारी
Tue, 02/06/2018 - 18:27 नवीन
मि.पा. गडबडल्यामुळे प्रतिसाद अर्धवट आलेला दिसतो. तुमच्याबध्दल खरचं वाईट वाटते. या वैयक्तिक दु:खातून बाहेर येण्यास परमेश्वर तुम्हाला बळ देवो. शक्य झाल्यास पुन्हा कविता लिहा, मात्र आठवड्याला एक, दोन आणि मि.पा. सारख्या प्रगल्भ मंचाला योग्य अशाच कविता पोस्ट करा. चांगल्याचे ईथे नेहमीच कौतुक होते, तेव्हा आपणच आपली मर्यादा सांभाळायची हे लक्षात ठेवा.
↩ प्रतिसाद: दुर्गविहारी

सस्नेह
Tue, 02/06/2018 - 16:16 नवीन
दु:खद घटनेबद्दल खेद आहे. तुमच्या आईस श्रद्धांजली. माफी मागण्याची आवश्यकता नाही. त्यापेक्षा इथले रीतीरिवाज समजून घ्या आणि सर्वांशी हसून खेळून रहा, असे सुचवते. स्नेहा.

नाखु
Tue, 02/06/2018 - 18:30 नवीन
आपल्या आईंना विनम्र श्रद्धांजली मिपाकर वाचनकट्टा मंडळी
↩ प्रतिसाद: मुक्त विहारि

पुंबा
Tue, 02/06/2018 - 16:25 नवीन
मातृवियोगाचे दु:ख सोसायचे बळ तुम्हास मिळो. आमच्या सर्वांच्या सहवेदना आपल्यासोबत आहेतच. मिपासारख्या दिलदार व्यासपिठावर जेवढा विधायक, सकारात्मक सहभाग नोंदवता येईल तेवढा नोंदवा. लोक आपलेच आहेत.

पगला गजोधर
Tue, 02/06/2018 - 16:28 नवीन
मातृवियोगाचे दु:ख सोसायचे बळ तुम्हास मिळो. सहवेदना आपल्यासोबत आहेतच. तरीही माफ करा, परंतु एक प्रश्न विचारतो. तुम्हाला "खजीलजी" असं नावं धारण करायचे होते का मिपावर ? परंतु टंकनचुकीमुळे ते "खिलजी" असे झाले ?

manguu@mail.com
Tue, 02/06/2018 - 23:04 नवीन
सद्गती मिळो. मिपासोबत रहा.