Skip to main content

||हुच्चभ्रूंची कैसी लक्षणे ||

लेखक अनन्त्_यात्री यांनी शुक्रवार, 01/12/2017 11:36 या दिवशी प्रकाशित केले.

हुच्चभ्रूंचे कैसे बोलणे | हुच्चभ्रूंचे कैसे चालणे
समानांशीच सलगी करणे | कैसे असे ।।

दुर्बोध वाङमयाचे आधारू | क्लिष्ट व्होकॅबचे भांडारू।
चोखंदळांचे महामेरू | चिवित्रान्न भोगी ||

उठपटांग ज्ञानराशी | उदंड असती जयांपाशी |
गुगलपरिपुष्ट आयक्यूशी । तुळणा कैची ।।

यांसी गमे जे रोचक | त्यावरी कमेंटती टंग-इन-चीक
शष्प न कळोनि निचभ्रू लोक | वाचनमात्र राहती ||

हुच्चभ्रू तितुके मिळवावे । नीचभ्रू अवघे इग्नोरावे ।
समतोलत्वाचे देखावे | परी करावे चातुर्ये ।।

अता नीचभ्रूपणाचा त्याग । करोनि साधावा सुयोग।।
विदग्धतेची लगबग । येरू म्हणतो करावी ||

काव्यरस
वाङ्मयशेती
लेखनविषय:
वाचने 8583
प्रतिक्रिया 34

प्रतिक्रिया

चौथा कोनाडा शुक्रवार, 01/12/2017 14:41

यांसी गमे जे रोचक | त्यावरी कमेंटती टंग-इन-चीक
शष्प न कळोनि निचभ्रू लोक | वाचनमात्र राहती ||

हा.... हा .... अग्दी पर्फे़ट !
टाळ्या, टाळ्या, टाळ्या !

चाबूक ..... तोडलंस .. मित्रा !

पुंबा शुक्रवार, 01/12/2017 19:20

कोणी नवा प्रसवी कथा-कविता, हुच्चभ्रूंना दिसे दवणीयता
नुसते म्हणा सार्त्र-काफ्का, कंपूप्रवेश सत्वर
:प
कविता जब्राच!!

गबाळ्या शुक्रवार, 01/12/2017 23:20

मला खूप आवडले. "कमेंटती", "इग्नोरावे" हे शब्दप्रयोग मस्त आहेत. आणि लक्षणे तर चपखलच आहेत :)

चामुंडराय रविवार, 03/12/2017 01:17

भीषण सुंदोर

व्वा, काय ती काव्य प्रतिभा. लय भारी :)

अनंताचे कैसे विडम्बने | अनंताचे कैसे लिहिणे |
स्तोत्राची जिल्बी पाडणे | हुच्च् असे ।।

या निमित्ताने आमचीपण झैरात

प्रतिसादांचा महामेरू । सकल फेक-आयडीस आधारू ।
अखंड जिल्बीचा निर्धारु । श्रीमंत डूआयडी ।।

https://www.misalpav.com/node/40845

मदनबाण रविवार, 24/12/2017 11:39

जबराट...

मदनबाण.....

आजची स्वाक्षरी :- मुझे कितना प्यार है तुम से, अपने ही दिल से पूछो तुम जिसे दिल दिया है वो तुम हो, मेरी जिंदगी तुम्हारी है :- Dil Tera Deewana [ Mohammed Rafi, Lata Mangeshkar ]

श्वेता२४ गुरुवार, 26/04/2018 16:19

दुर्बोध वाङमयाचे आधारू | क्लिष्ट व्होकॅबचे भांडारू।
चोखंदळांचे महामेरू | चिवित्रान्न भोगी ||गुगलपरिपुष्ट आयक्यूशी । तुळणा कैची ।। खासच . एक नं. मजा आली