Skip to main content

वसुबारसेनिमित्त मी केलेली कविता...

लेखक वैभवदातार यांनी सोमवार, 16/10/2017 11:17 या दिवशी प्रकाशित केले.

वसुबारस आजि असे करुया
प्रेमभरे गाईचे पूजन
सवत्स धेनू दारी आली
सांभाळू आपण आपले गोधन

श्रीकृष्ण सांभाळी गोमातेला
दत्ताचरणी आश्रय दिधला
कामधेनू म्हणती भक्त तिजला
पुरवी सर्वांच्या मनोकामनेला

गोमूत्राची महती वर्णितो
आयुर्वेद घ्यावे पंचगव्य हो
धार्मिक कारणे रोग निवारणे
प्यावे शरीर शुद्धी हो

नैवेद्य दाखवू आरती करुया
गाई वासराचे महत्त्व सांगू
वसुबारसेचे महत्त्व जाणून
गोवत्सांचे रक्षण करु

-- शब्दांकित (वैभव दातार )

लेखनविषय:
वाचने 3177
प्रतिक्रिया 10

प्रतिक्रिया

पगला गजोधर सोमवार, 16/10/2017 12:49

कविता छानच आहे आपली ....

पण प्रशांत दामलेंवरून एकदम वसुबारस ??? त्यामुळे थोडा दचकलो ...
फक्त गोधन ऐवजी, गो म्हैस बकरी इ इ वैगरे सगळ्या प्राण्याच्या उपयुक्ततेविषयी ममत्व वाढायला हवं...

वैभवदातार सोमवार, 16/10/2017 19:19

पगला गजोधर सप्रेम नमस्कार ,
आपल्या प्रतिसादाबद्दल धन्यवाद . हो सर्व प्राणिमात्रांविषयी कृतज्ञतेची भावना ठेवली पाहिजे . माझी आजची कविता फक्त वसुबारसेविषयी लिहिली असल्याने त्यात फक्त गाय आणि वासरू यांचा उल्लेख केला आहे.

ज्ञानोबाचे पैजार सोमवार, 16/10/2017 13:08

दिवाळीच्या प्रत्येक दिवसावर कविता केली आहे का? रोज एक टाका...
तसेच मागचा ब्याललॉगही लवकर भरुन काढा. कमीत कमी अक्टोबर महिन्याचा तरी काढाच. प्रसंग खालील प्रमाणे
दि. १ - मोहरम दि. २ म गांधी जयंती. दि. ५ कोजागिरी पोर्णिमा, दि. ८ संकष्टी चतुर्थी, दि. १२ कालाष्टमी, दि. १५ रमा एकादशी
वरील कवितांच्या प्रतिक्षेत
पैजारबुवा,

वैभवदातार सोमवार, 16/10/2017 19:16

पैजारबुवा सप्रेम नमस्कार ,

बॅक लॉग भरून काढण्यासाठी कविता मी करत नाही. जर एखाद्या विशेष दिवसासाठी सुचली तर मी लिहितो.

सूड सोमवार, 16/10/2017 20:06

पूर्वी एक चतुर चाणक्य नावाचे गृहस्थ होते इथे. तेही तुमच्या कवितांसारख्याच सरस कविता लिहीत असत.