मी याआधीच्या अनेक लेखात माझी पार्श्वभुमी लिहीली आहे.नविन लोकांसाठी परत लिहीतो.मी शेतकरी आहे .सातार्यात राहतो.मी अल्पभूधारक शेतकरी आहे.माझ्यापुरतं मी कमावतो.आठवड्यातील पाच दिवस मी रिकामा असतो.एखादी नोकरी व कामधंदा केल्यास वेळ जाईल असे वाटल्याने एक धागा काढला होता.त्यात मी लीहील्याप्रमाणे मला सोशल फोबिया आहे.त्यामुळे सोशली इंटेंन्सीव्ह काम मला जमेल असे वाटत नाही.त्यामुळे रिकामा वेळ जावा व सत्कारणी लागावा यासाठी मी सध्या एखाद्या सामाजिक संस्थेत काम करावे असा विचार करत आहे.जेणेकरुन माझा वेळही जाईल आणि समाजाला काहीतरी मदत होईल.आणि माझा सोशल फोबिया कमी होईल हा आणिक फायदा. तर मला अश्या NGO मध्ये काम करायचे आहे जी धार्मिक नसेल(कारण मी नास्तिक निधर्मी आहे).आठवड्यातले चार दिवस मी असे काम करु शकतो.मधेअधे स्वखर्चाने काम करायची तयारी आहे. मला प्राण्यांसाठी काम करणार्या,जल, पर्यावरणविषयक काम करणार्या NGO's मध्ये काम करायला विशेष आवडेल.त्याच बरोबर मानसिक स्वास्थ,विज्ञान,महीला सबलिकरण,बालविकास या क्षेत्रात काम करणर्या संस्था सूचवल्या तरी चालेल. अपेक्षा १.सामाजिक संस्था सातारा,पुणे या भागात असावी २.सोशल फोबिया असल्याने एकदम पब्लिक रिलेशनमध्ये काम करणे जमेल असे वाटत नाही .एकदम मोठा डोस नकोय .थोडं ॲडज्स्ट होता येईल अश्या NGO सूचवा. धन्यवाद.