डीएसके दिवाळखोरी प्रकरण नक्की काय आहे????

पद्धतशीर रित्या बुडवली आहे कंपनी. २५/३० फर्म स्थापन करून. इकडचा पैसे तिकडे .. पद्धतीने. एक मराठी ब्लॉग वाचला यावर. मिळाला तर लिंक टाकेन. कसा याचा मुलगा ट्रम्प tower मध्ये राहतोय. हा कसा पुण्यातल्या पुण्यात हेलिकॉप्टर ने फिरतो. कसा ब्राह्मण लोकांना आवाहन करून लोकवर्गणी मागतोय. इ इ .. याला भीक मागायची लाज कशी वाटत नाही ?

रिअल इस्टेट बूम होती तोपर्यंत झोल झाल बिनदिक्कत चालू होते असं दिसतय. रिअल इस्टेट झोपल्यावर अंगाशी आले हे प्रकार.

अवघड आहे सगळं, सरकारी यंत्रणा, सेबी यांना फाट्यावर मारून हे उद्योजग असे कसे करू शकतात हा प्रश्न पडतो. गेल्या काही दिवस वाचतोय dsk बद्दल, ज्यांचे पैशे अडकलेत त्यांचं दुःख समजू शकतो कारण बहुतांश लोकांचा कष्टाचा पैसा आहे. विजय कुंभार यांना तुम्ही फोन किंवा ई-मेल करून एखाद्या प्रोजेक्ट बद्दल माहिती विचारू शकता. मी जेंव्हा पिंपरी चिंचवड मध्ये फ्लॅट घेण्याचा विचार केलेला त्यावेळी त्यांचा ब्लॉग वाचलेला. त्यावेळी पुण्यातील एका प्रसिद्ध बिल्डर ने इंटरेस्ट फ्री लोन ची योजना काढलेली (जालावर शोधा बिल्डर च नाव सापडेल) आणि मला ती प्रथमदर्शनी छान वाटलेली. म्हणून मी अधिक माहितीसाठी जालावर शोधलं असता विजय कुंभार यांचा ब्लॉग सापडलेला त्यावर योगायोगाने त्यांनी इंटरेस्ट फ्री होम योजनेची काळी बाजू दाखवून दिलेली आणि फसवणूक कशी होऊ शकते हे सांगितलेलं. मी हे वाचून त्या स्पेसिफिक बिल्डर च्या स्पेसिफिक स्कीम मध्ये फ्लॅट बुक केला नाही, काही महिन्यापूर्वी म्हेवण्या तर्फे चौकशी केली असता असे कळले होते कि दोन वर्षे झाली तरी त्या जागेवर बांधकाम सुरु नाही झालेलं. आता हि इंटरेस्ट फ्री घराची योजना किती खरी किती खोटी हे ज्यांना प्रत्यक्ष अनुभव आहे तीच लोक सांगू शकतील.

अवघड आहे सगळं!

रेडिओवर ह्यांचे विविध क्षेत्रातील अनुभव, माहितीचे कार्यक्रम ऐकताना कधी शंकाही आली नव्हती की ही व्यक्ती अशी वागू शकेल. तीन एक महिन्यांपूर्वी व्हा. अॅपवर त्यांच्या ऑफिसमधील आर्थिक वादाचा व्हिडीओ बघितला होता तेव्हा धक्का बसला होता. आता ही बातमी खरी असेल तर काही खरं नाही.

आधीच मराठी माणूस धंद्यात उभा राहणे मुश्किल त्यात अश्या बातम्या कानी आल्या तर त्याच्यावर आणखी विपरीत परिणाम होणार. या संकटातून बाहेर पडण्यासाठी डीएसके ना शुभेच्छा आणि त्यांच्या सर्व गुंतवणूकदारांना त्यांचे पैसे परत मिळो हीच जगन्नियंत्याकडे प्रार्थना. जाजा : मानेबाई या डीएसकेंच्या बोर्डावर आहेत (किंवा होत्या) त्यांच्या कडे गुंतवणूकदारांना दाद मागता येईल काय?

ब्राह्मण एक आहे, एकटा नाही असे काहीतरी लिहिलेय. लबाडपणा आहे सगळा! अरे बाबा, श्रीमंत तर तू एकटाच आहेस.

'घराला घरपण देणारी माणसं' ऐवजी 'लोकांना बेघर करणारी माणसं(?)' हे स्लोगन जास्त योग्य आहे ह्यांना

डिएसकेंच्या भांडवली अडचणींचे विश्लेषणाचा प्रयत्न या लेखात झालेला दिसतो आहे. (फारच वरवरचा आहे पण व्यवसायातील भांडवली अडचंणी बाबतचा उहापोह होतो) डिएसकेंचे http://dskdl.com वेबसाईट आत्ता थातूरमातुर कारण देऊन सध्याची माहिती वापरली जाऊ नये अशा अर्थाची सुचना देणारे डिस्क्लेमर दाखवत होते त्यामुळे त्यातील माहितीवर विसंबून विश्लेषण करणे कठीण होते. मी इतर बातम्या पाहिल्या वाचलेल्या नाहीत. तो ब्लॉग आणि ते भांडवली विश्लेषण पूर्ण मत मांडण्यास पुरेसे निश्चित नाही, पण डिएसकेंचा पाय खोलात असल्यासी शक्यता असल्याचे वाटते आहे. प्रथम दर्शनी वाटणारी शक्यता म्हणजे मागणी अभावी SEZ चा निर्णय चुकला तो वाचवण्यासाठी घर बांधणी प्रकल्प केला तर त्यालाही पुरेशी मागणी आली नसावी. एकदा भांडवल घेतले ते वाचवण्यासाठी अधिक भांडवल उभारण्याचा प्रयत्नात मागणी अभावी अतिरीक्त भांडवलाचे दडपणात व्यवसाय धोक्यात आला असण्याची शक्यता तयार होतात. मुलतः भांडवलाचे जोखीम व्यवस्थापन चुकलेले असण्याची शक्यता नाकारता येत नाही. व्यवसाय संकटात असताना व्यक्तिगत खर्चांवर आळा घालावा हि त्या ब्लॉग लेखकाची अपेक्षा चुकीची दिसत नाही. पण एकुणच कोणत्याही व्यवसायात; व्यवसाय भरभराटीस असताना बढाईखोरीतून होणारी ओव्हरऑल उधळपट्टीची सवय अशावेळी अंगाशी आल्या शिवाय रहात नाहीत. आणि व्यक्तिगत सवयी बदलणे आणि सभोवती गोळा झालेले बढाईखोर उधळपट्टे यांचा प्रभाव कमी होणे प्रत्यक्षात बर्‍याचदा कठीण जात असावे. डिएसकेंच्या बाबतीत सांगायचे झाल्यास अशी उधळपट्टी टाळण्याच्यादृष्टीने प्रशासकीय व्यवस्थापनाच्या बाबतीत क्रॉसचेक कितपत मजबूत होते याचा डिएसके व्यवस्थापनाने विचार करण्याची गरज असावी. आधीच मूळ व्यवसायातले प्रशासन मजबूत नसताना घरातील माणसांचे वेगळ्या व्यवसायात लक्ष घालणे भांडवल आणि वेळ यांच्या गैरव्यवस्थापनास जोड देऊ शकते का . भारतातील बहुतांश कंपन्यांचे व्यवस्थापन कंपनी सेक्रेटरी इंडीपेंडंट डायरेक्टर या रोल्सना पुरेसे महत्व देणे टाळत असावे. बर्‍याच प्रशासकीय गोष्टी त्यांचे क्रॉसचेकींग मधले महत्व लक्षात न घेता सरकारी नियमांची कागदोपत्री विल्हेवाट लावण्याने भविष्यात समस्या उद्भवू शकतात हे बर्‍याच जणांच्या लेखी नसते. भारतीय कंपन्यांचे फायनान्स आधिकारी आणि विशेषतः सिए सर्व स्टेक होल्डरचे इंटरेस्ट जपण्याची नैतीक जबाबदारी कितपत जबाबदारीने पार पाडत असतात या बद्दल फारसा उहापोह आपल्या देशात होताना दिसत नाही. इन एनी केस डिएसकेंनी त्यांची वेबसाईट स्टेक होल्डर्सना विश्वासात घेण्याच्या दृष्टीने वेबसाईट अधिक वेगाने अद्ययावत करावयास हवे होते ते झालेले दिसत नाही. स्टेक होल्डर्सना विश्वासात न घेण्याने संकटे वाढतात कमी होत नसतात. स्टेकहोल्डर्ससाठी प्रार्थनेपलिकडे त्रयस्थांना फारसे करता येत नाही प्रार्थना नक्कीच करू.

एक मायबोलीकराला ईडलीवाल्या कामतने कसा चूना लावला हे आपण पाहीलेच .

ह्याबद्दल वाचायला आवडेल.. कामत लफंगा, झोलर, बदमाश आहे असे माझे मत आहे. त्याला पुष्टी मिळेल असे वाचायला आवडेल. बाकी, डिएस्के बद्दल: कायद्याचा बडगा दाखवून हा प्रॉब्लेम सुटायला हवाय. कुठल्याही दबावाला तपासयंत्रणांनी बळी पडु नये. लोकांनी देखिल शहाणे व्हावे कायदा मोडणार्‍या ४२० माणसाला निव्वळ जातीच्या नावाखाली सपोर्ट करू नये.(अर्थात ब्राह्मण असे करणार नाहीत असेच वाटते.)

कृपया जातीचे उल्लेख टाळा, अतिरेकी / दहशदवादी / आर्थिक हेराफेरी करणारे/ गुन्हेगार यांना जात धर्म नसतो. सदर बिल्डर ने सर्वजातीय लोकांना फसलेले आहे, जात बघून नाही.

म्हणून मी जातीव्यवस्थेचं समर्थन करतो. १. कंपन्या चालवायला प्रचंड दर्जाची बुद्धिमत्ता लागते. जेवढ्या कंपन्या आहेत तेवढे बुद्धीमान लोक (एकीला एकच म्हटला तरी) समाजात नसतात. २. कंपन्या नितिमत्तेने चालवाव्यात हे देखिल अभिप्रेत आहे. इतके सगळे उच्चकोटीची नितिमत्ता असणारे लोक आणणार कुठून? ===================================== मूळात कंपनीप्रणित समाजव्यवस्था हाच एक बेकार प्रकार आहे. वर भर म्हणून "कायदेशीर रित्या" अनैतिक वागणं मान्य आहे. म्हणजे कंपनीने खून केला तर कंपनीच्या मालकांना सजा होत नाही. सजा काय खटलाही होत नाही त्यांच्यावर. खटलाही जौ द्या, त्यांनी त्या घटनेचं संज्ञान नाही घेतलं तरी चालतं.

धक धक गर्ल माधुरी दिक्षीत ही म्हणे एकेकाळी डी.एस.कुलकर्णी डेव्हलपर्स लिमिटेड या कंपनीच्या डायरेक्टर बोर्डावर होती. किमान या कंपनीच्या १९९७ -९८ च्या अहवालात तसा उल्लेख आहे. शासकीय कागदपत्रांध्ये मात्र माधुरी डायरेक्टर असल्याचा उल्लेख आढळून येत नाही . कदाचित गुंतवणुकरांना आकर्षित करण्यासाठी त्यांनी ती पुडी सोडली असावी.

कुंभार साहेब, अजून अभ्यास करून नक्की काय ते सांगा.

या आवाहनात त्यांनी मराठीपेक्षा आपल्या ब्राम्हण असण्यावर जास्त भर दिलेला दिसतो.

अगदी तो कंपनीचा अधिकृत संदेसा मानला तरी असं काही मला दिसत नाही.

आपली जेवढी देणी आहेत त्याच्या दहापट जास्त आपली संपत्ती आहे असे ठणकावून सांगणा-या डीएसकेंवर लोकवर्गणी मागण्याची वेळ का आली असावी?

हे विधान ज्यांना फायनान्स कळतं त्यांच्याकरिता एक जोक आहे. इतरांकरिता - हे विधान ठणकावणारांवर हीच पाळी येते.

या कंपन्यांना ठेवी स्विकारण्याची परवानगी नव्हती. तरीही त्या स्विकारल्या आणि बुडवल्याही !

ज्या डिबेंचर इश्श्यूंना एस बी आय कॅप्स लीड मॅनेजर असेल त्यांबद्दल असं म्हणत असाल तर देशाचं बाँड मार्केटच घरी पाठवलं पाहिजे.

अशी परवानगी मिळालेली असतानाही या जमिनी डीएसकेडीएलने थेट शेतक-यांकडून खरेदी केल्या नाहीत.

कोणतीही कंपनी स्वतः मोठी लँडबँक खरिदत नाही.

एकट्या ड्रीम सीटी प्रकल्पात एवढी रक्कम पळवली

अजिबात चिंता नको. रिलेटेड पार्टी ट्रँझॅक्शनची चौकशी होइल आणि जेलमधे जातील.

नंतर एसईझेड प्रकल्पाऐवजी टाउनशिप करण्यात आली. परंतू स्टॅम्प ड्युटीचे काय ?

२००६ मधे एस इ झेडची स्टँप ड्यूटी एक्झेंप्शन संपले होते. नेमके तेव्हाच यानी जमिन खरेदी केली आहे का? असेल तर ड्यूटी भरून केली असणार.

एकट्या ड्रीम सीटी प्रकल्पात एवढी रक्कम पळवली असेल तर इतर सर्व प्रकल्प लक्षात घेता किती रक्कम अशा रितीने पळवली असेल याचा विचार करा.

यासाठी कुलकर्णींची कंपनीतली मालकि वाढत आहे का (आणि किति फास्ट) हे बघायला पाहिजे.

इतकेच नव्हे तर त्यांनी एकाच वेळी दोन्ही नांवांनी शेअर्स खरेदी केल्याचेही दिसते

प्रचंड धांदली. असं इतकं उघड? दुसरी होल्डिंग ५% पेक्सा कमी असल्याने हे "मॅनेज" झालं असावं. पॅन नंबर इ इ डूप्लिकेट काढले कि काय?

डीएसकेंच्या दुस-या पत्नी ज्योती २०१२ मध्ये कालवश झाल्यांनंतर हेमंती कुलकर्णींचा मुलगा ज्योतींचा मुलगा म्हणून अधिकृतरित्या दाखवण्यात आले.

यात काय घोळ घालायचे काय लॉजिक असू शकते? सावत्र आई, जिवंत वा मृत, आईच ना?

आता सुमारे आठ हजार ठेविदार हवालदिल झाले आहेत.त्यांना मागील अनेक महिने मुद्दल सोडा साधे व्याजदेखील मिळालेले नाही.

व्याजच द्यायचं असतं, लोन मॅच्यूअर झालं तर मुद्द्ल द्यायचं असतं. कि इ एम आय टाईप प्रकार होता डीबेंचर मधे?

आश्चर्य म्हणजे ज्या कंपन्यांमध्ये या ठेवी आहेत . त्यांना ठेवी स्विकारण्याची परवानगी रिझर्व बँकेने कधी दिलीच नव्हती.

मंजे नाकारली होति?

डीसके हे एखाद्या नटसम्राटालाही लाजवतील असे अभिनेते आहे, त्यांचं वक्तृत्व कौशल्य उत्तम आहेत आणि ते उत्तम इव्हेंट मॅनेजर आहेत.

व्यवसायासाठी हे आवश्यक कौशल्य आहे.

मात्र त्या कार्यक्रमांमूळे आकर्षित झालेल्या गुंतवणुकदारांना बेमालूमपणाने आपल्या कुंटुंबियांच्या कंपन्यांमध्ये गुंतवणूक करायला भाग पाडले.

बिझनेस ग्रुपच्चं रेप्यूटेशन वापरणं कायदेशीर आहे.

डीसकेंनी आता पर्यंत किती मराठी माणसांना मदत केली ?

त्यांनी केली असती तरी, अशी भीक मागणं म्हणजे कॉर्पोरेट हद्द्च आहे.

आता प्रश्न असाही आहे की जागेवर दहा टक्के कामही झालेले नसताना वित्तिय संस्थांनी एकूण कर्जाच्या ८०% रक्कम डी.एस. कुलकर्णी अँड कंपनीला वितरीत तरी कशी केली?

बँकांना फसवल्याशिवाय हे अशक्य आहे. १० आणि ८० अतिच फरक आहे.

या तरुणांची अवस्था घर ताब्यात नाही, आताच्या घराचे भाडे भरावे लागत आहे, बँका वसूलीसाठी मागे लागल्या आहेत आणि हप्ते थकल्याने सिबिल रेटींगही खराब झाले आहे.

त्यांना हे सगळं उलटं पाहिजे होतं, त्याची रिस्क भोवली.

डीएसकेंनी आता मराठी माणसाला आवाहन केले असले तरी त्यांच्या अलिशान रहाणीमानात मात्र तसूभरही फरक पडलेला नाही.

व्यक्तिगत संपत्तीवरचा अधिकार मान्य केला तरी मदतीचे आवाहान आणि अलिशान राहणि ये कुछ हजम नही होता.

हा लेख (कुंभारांचा बरं) फार तर फार अत्यंत कळकळीच्या भावनेने (त्या गुंतवणूकदारांबद्दल, आणि ग्राहकांबद्दल) प्रामाणिकपणे लिहिलेला आहे. पण कागदपत्रांचा अभ्यास, संदर्भ, वापरलेली तत्त्वे इ इ च्या आधारांवर अत्यंत अत्यंत सुमार दर्जाचा आहे. किमान इथे मांडला नाही काही अभ्यास.

पुणे भांडवली बाजारात संचालक असणार्‍या एकाने मला २००६ मध्येच सांगितले होते की डीएसके ची कंपनी विश्वासार्ह नाही. त्यामुळे त्या कंपनीत ठेवी ठेवू नका. मी कोणत्याच कंपनीत मुदतठेवी ठेवत नसल्याने मला या माहितीमुळे काहीच फरक पडला नाही. परंतु माझा एक सहकारी (त्याचे नाव सुद्धा कुलकर्णी आहे) नियमितपणे डीसके कंपनीत मुदतठेवींमध्ये गुंतवणूक करीत होता. मी त्याला भांडवली बाजारातील संचालकाने दिलेल्या माहितीबद्दल सांगूनसुद्धा त्याचा डीएसकेवरील विश्वास कमी झाला नाही. आता हे प्रकरण बाहेर आल्यानंतर दोनच दिवसांपूर्वी त्याचा संदेश आला. "डीएसके वर विश्वास ठेवून मी चूक केली" असे त्याने लिहिले होते. बहुतेक त्याचे बरेच पैसे डीएसकेमध्ये अडकले आहेत. डीएसकेने संचालक मंडळावर माधुरी दिक्षीतला केवळ प्रसिद्धीसाठी घेतले होते. अनेक कंपन्या सेलेब्रिटीजना किंवा प्रभावी राजकीय व्यक्तिंना आपल्या संचालक मंडळावर नेमतात. सहाराच्या सुब्रतो रॉयने अमरसिंग, कपिलदेव, अमिताभ बच्चन इ. संचालक मंडळावर घेतले होते. इन्फोसिसने अमेरिकेतील प्रभावी राजकीय व्यक्ती लॅरी प्रेस्लरला संचालक मंडळावर घेतले आहे (१९९० च्या दशकात गाजलेल्या प्रेस्लर अ‍ॅमेंडमेंट मधील प्रेस्लर तो हाच. या अ‍ॅमेंडमेंटमुळे क्लिंटनच्या काळात पाकिस्तानवर आर्थिक निर्बंध आणले गेले होते.). पुण्यात बिबवेवाडी भागातील महेश सोसायटीतील बरेचसे भूगाग सेंटॉर लँड डेव्हलपमेंट कॉर्पोरेशन या बिल्डरने विकसनासाठी घेतल्यावर भूमीपूजन नुकताच खासदार झालेल्या अमिताभ बच्चनच्या हस्ते केले होते. बहुतेक सुरवातीला अमिताभ या कंपनीच्या संचालक मंडळावर होता.

फार पूर्वी जेव्हा सिमेंट चा शोध लागला नव्हता तेव्हा बांधकामात चुना वापरायचे असं म्हणतात. DSK नीं ठेवीधारकांना 'चुना लावण्याऐवजी' बांधकामात वापरला असता तर निदान construction cost तरी कमी झाली असती.

या लिंक वर ही बरीच डिटेल माहिती आहे : http://mr.beingmarathi.in/maharashtra/dsk-बिल्डरची-वाट-कशी-लागली-ते/

डी एस के प्रकरणात जात आणण्याचे काहीच कारण दिसत नाही. मूळ डी एस कुलकर्णीनी ब्राम्हण म्हणून आपल्या जातीकडून काही आर्थिक अपेक्षा ठेवणे चूक आहे. उद्या एखादा मराठा( किंवा कोणत्याही जातीचा बिल्डर) तुम्हाला जातीचा हवाला देऊन गंडवणार असेल तर ती तुमची चूक आहे. सर्रास सगळेच राजकारणी जाती/ धर्माच्या नावावर तरुणांना फसवत आहेत त्याकडे फारसे कोणी लक्ष देत नाही. आणि ज्या ठेवीदारांनी शहानिशा न करता त्यांच्या कडे ठेवी ठेवल्या आहेत( त्यांच्या भूलथापांना बळी पडून) ती त्यांची चूक आहे किंवा हि त्यांच्या लोभापायी( अतिरिक्त व्याजाचे आमिष) द्यावी लागणारी किंमत आहे. डी एस के स्वतः उत्तम नटसम्राट असतील हि पण त्यांच्या साखरेत घोळवलेल्या बोलण्याला फशी पडणे हि ठेवीदारांची चूक आहे( त्यांच्या घामाचे पैसे बुडाले याबद्दल पूर्ण सहानुभूती बाळगून) असेच म्हणावे लागेल. व्यक्तिशः एखादा माणूस माझ्या जातीचा आहे म्हणून मी (त्याच्या बद्दल माहिती नसताना) त्याच्याशी आंधळेपणाने व्यवहार करणार असें तर ते चूक आहे. डी एस के यांनी जर फसवा फसवी केली असेल तर आपल्या जातीचे म्हणून कोणाही ब्राम्हणाने ( किंवा कोणत्याही जातीच्या माणसाने) मदत करू नये. एखादा माणूस खरंच आर्थिक अडचणीत असेल आणि प्रामाणिकपणे सर्व गोष्टी उघड करुन दाखवत असेल तर त्याला मदत करणे वेगळी गोष्ट आहे.

डी स के सध्या कंपनी चालू आहे कि बंद पडलीये ?