मला भेटलेले रुग्ण - ६

https://www.misalpav.com/node/40524

डॉक्टर बासरी वाजवता येईल का मला ? असं विचारलं मला पेशंटनी ..... मला लक्षात आलं कि काय गडबड झालीये ती !!

मी : कोण म्हणालं नका वाजवू ?

पे. : एके ठिकाणी वाचलं होतं कि दमा असलेल्यानी बासरी वाजवू नये म्हणून ..

मी : साफ चुक लिहीलंय ....

पे. : म्हणजे मला बासरी वाजवायला काहीच हरकत नाही
(चेहेरा खुलायला सुरू झाला )

मी : अगदी काहीच हरकत नाही , उलट बासरीवादनाचा फायदा असा आहे की तुमच्या श्वासाची क्षमता किती वाढली आहे ह्यॅचा अंदाजा येईल आणि श्वासाच्या स्नायूंचा व्यायाम होईल नियमीत ...

पे. : मी ऊगीच वर्ष घालवलं मग ...

मी : हो .... एकदा जरा विचारलं असतं तरी सगळं स्पष्ट झालं असतं... असो आता रोज रियाज करा आणि मला पुढल्या भेटीत सांगा की किती फरक पडला 'बासरी वादनात' !!

पेशंट धन्यवाद म्हणतांना कुठला तरी सुर आळवत होता आणि मी स्वत:वर खुपच खुश होतो .... एका कलाकाराला त्याच्या कलेशी परत नाळ जोडतांना बघून :))

________________•________________

'डॉक्टर मेरी पोस्टींग लगने वाली है और दौडते वक्त बहोत सास फुल रही है। ' असं म्हणतांना तिच्या चेहेऱ्यावर काळजी दाटून आलेली होती....

मी तपासलं आणि टेस्ट सांगतांना विचारलं की 'कहा पोस्टींग है और आप exactly क्या करती हो ?'

'सर BSF मे सिलेक्शन हुआ है और पहले दिल्ली जाना है और वहांसे फायनल पोस्टींग होगी' अस म्हणली ती आणि मी क्षणभर स्तब्धच झालो .... मनातल्या मनात त्या पेशंटाला सॅल्युट केला आणि आभार मानले मी _/\_.

टेस्ट झाल्यावर औषधांमध्ये बदल करून दिला आणि एवढच म्हणू शकलो की 'आप बस्स तयारी करीये बिना टेन्शन की , अस्थमा की चिंता मुझपर छोड दिजीए .... '

त्या पेशंटच्या चेहेऱ्यावरचा ताण विरघळतांना बघीतला आणि पुढचा संपुर्ण दिवस भारलेला होता .......

_________________________________