तुमचे वास्तव्य कुठले ?

मुंबई वेगळी करा :)

मांडू दे वेगळी चूल , एकदाची तड लावा काय ते अन मोकळे व्हा. काय च्यायला घेणे न देणे फुकट कंदील लावणे.

मांडू दे वेगळी चूल , एकदाची तड लावा काय ते अन मोकळे व्हा. काय च्यायला घेणे न देणे फुकट कंदील लावणे.

वेगळे व्हायचे की नाही ते विदर्भवासियांनाच ठरवू देत. आपण त्यावर काथ्याकूट करणे म्हणजे स्वतःचा वेळ वाया घालवणे. महाराष्ट्रात अगोदरच बेळगाव नाहिये. आता विदर्भ वेगळा झाला तर होउ देत. मनाने मात्र सर्व मराठी लोकांनी एकत्र रहा रे. राजकारणी नेत्यांना फाळणी हा प्रिय विषय असतो. त्यात आपले संबंध आणू नका.

वेगळ्या विदर्भाचा मूदा "जांबुवंत राव धोट्यांनी" गाजवला आणि हा मुद्दा १९४७ पासूनच आहे.

आजकाल, "शिळ्या कढीला उत आणणे", ही म्हन लैच फ्याशनमंदी आली म्हनावी की काय ?! ;) :)

विदर्भ वेगळा करावा का नाही हा मुद्दा माझ्या दृष्टीने गौण आहे. पुणे शहर हा स्वतंत्र देश व्हावा अशी माझी इच्छा आहे.

अखंड महाराष्ट्र वेगळ्या विदर्भासह बेळगावसह झालाच पायजे !

जर विदर्भवासीयांना वेगळे विदर्भ राज्य हवे असेल तर काय हरकत आहे वेगळा विदर्भ व्हायला? उत्तरेत नाही का अनेक मोठ्या राज्यांचे विभाजन झाले? काय नुकसान झाले झाले त्यामुळे? किंवा वेगळा विदर्भ झाल्याने काय नुकसान होणार आहे कुणाचे? मात्र उत्तर कर्नाटकातील मराठी भाषिक गावेही मग महाराष्ट्रात आणावीत वेगळा विदर्भ करणाऱ्यानी. जर राज्यकर्ते विदर्भातील जनतेची वेगळ्या विदर्भाची विनंती अंमलात आणणार असतील तर उत्तर कर्नाटकातील मराठी जनतेचा आक्रोशही त्यांनी ऐकला पाहिजे.

आमचे पुण्यराष्ट्र हे स्वतंत्र ग्रह असल्याने इतर भानगडीमधे आम्ही पडत नाही.

चांगलय.. स्वतंत्र कोकण करा. राजधानी चिपलून.

मागच्या वर्षी महाराष्ट्राचे सॉलिसिटर जनरल श्रीहरी अणे यांनी विदर्भ आणि मराठवाडा ही राज्ये वेगळी करावीत असे विधान केले होते. त्यावर लिहिले होते (माझे आजचे मतही तसेच आहे): विदर्भाचे वेगळे राज्य करा, मराठवाड्याचे वेगळे राज्य करा वगैरे मागण्यांवरून गेल्या दोन-तीन दिवसात बरीच धूळ उडलेली दिसली. अशी नवी राज्य बनवावीत का? मला माहित नाही. माझ्या मते राज्ये म्हणजे प्रशासकीय सोयीसाठी देशाच्या नकाशात आखलेल्या कृत्रिम रेषा आहेत.तेव्हा आणि ती राज्ये बनवली किंवा बनवली नाहीत तरी व्यक्तिश: मला अजिबात फरक पडणार नाही. मला वाटते की महाराष्ट्रातून विदर्भ/मराठवाडा वेगळा करून स्वतंत्र राज्य बनविण्याचा (for that matter कुठल्याही राज्यातून कुठल्याही प्रदेशाचे वेगळे राज्य बनविण्याचा-- उदाहरणार्थ बंगालमधून गुरखाभूमी किंवा उत्तर प्रदेशातून हरित प्रदेश इत्यादी) निर्णय केवळ तसे केल्याने प्रशासकीय सोय/ निर्णयप्रक्रीया लवकर होऊन निर्णयांची अंमलबजावणी अधिक कार्यक्षम पध्दतीने होणे/ आर्थिक फायदे इत्यादी गोष्टी साध्य होणार आहेत का एवढाच मापदंड असावा.या प्रश्नांची उत्तरे जर हो अशी असतील तर खुशाल विदर्भ आणि मराठवाड्याचे स्वतंत्र राज्य करावे. श्रीहरी अणे यांनी ती मागणी केल्यानंतर अनेक जण अक्षरश: पिसाळले. जसे काही विदर्भ/मराठवाड्याचे स्वतंत्र राज्य करायची मागणी करणे म्हणजे महंमद अली जीनाने स्वतंत्र पाकिस्तानची मागणी करण्यासारखेच आहे!! जसे काही विदर्भ/मराठवाड्याचे स्वतंत्र राज्य केल्यास जशी काही भारत-पाकिस्तानसारखी फाळणीच होणार आहे आणि १९४७ प्रमाणे कत्तली होणार आहेत तसेच लाखो लोक जीवाच्या आकांताने रेल्वेगाड्या भरून विदर्भ/मराठवाडा सोडून ’महाराष्ट्रात’ पळून येणार आहेत!! बहुसंख्य विरोधकांचा या मागणीला विरोध अशी नवी राज्ये करून आर्थिक/प्रशासकीय वगैरे गैरसोय होईल म्हणून विरोध नव्हताच तर तो विरोध होता ’मराठी बाणा’ दुखावला जाईल म्हणून. एक गोष्ट कळत नाही. अशी नवी राज्ये बनवली किंवा बनविली नाहीत तरी एक सामान्य माणून म्हणून माझ्यात आणि माझ्या फेसबुक फ्रेंडलीस्टमधील अगदी प्रत्येकाला त्यामुळे नक्की काय फरक पडणार आहे? हे असले मराठी बाणे वगैरे अगदी फाट्यावर मारायच्या गोष्टी आहेत. त्या मातोश्री आणि कृष्णकुंजवरील गावगुंडांच्या राजकारणाला साजेशा आहेत. आपल्यासारख्या सामान्यांना या असल्या कोंबड्यांच्या झुंजींमध्ये पडायचे अजिबात काहीही कारण नाही. मागे कोणीतरी फेसबुकवर एक फोटो शेअर केला होता.तो मला भलताच आवडला होता.आपण जन्माला येताक्षणी आपल्याला समाजातील इतर लोक धर्म, जात, देश, भाषा इत्यादी लेबले चिकटवतात.जन्माला येताना त्यापैकी कोणतेही लेबल आपण घेऊन येत नाही.तरीही इतरांनी आपल्याला चिकटविलेल्या या लेबलांना defend करायला आपण आयुष्यभर भांडत राहतो. अर्थातच सध्याच्या जगात हा भाबडा आदर्शवाद झाला--विशेषत: तालिबानी, आयसिसवाले आपल्याला हिंदू आणि भारतीय म्हणून लक्ष्य करत असतील तर.समजा ’हे विश्वची माझे घर’ ही संकल्पना प्रत्यक्षात आली तर मी हिंदू, भारतीय इत्यादी थोडीथोडकी लेबले वागवतो ती एका क्षणात फेकून द्यायला तयार आहे. या दोन लेबलांविषयी आपण काही करावे अशी परिस्थिती सध्या नाही तेव्हा त्याविषयी फार काही करता येणार नाही.पण त्याउपर हे मराठी हे लेबल वागवायचे असेल तरी त्याचा अभिमान धरणे, हमरीतुमरीवर येणे या गोष्टी कशाकरता? आपण अमुक एका जातीत जन्माला आलो यात आपले कर्तुत्व काय--आपण नक्की काय केले होते म्हणून त्या जातीत आपला जन्म झाला असे प्रश्न विचारणारेच परत मराठी बाणे वागवतात हे बघून खरोखरच आश्चर्य वाटते. आपण अमुक एका जातीत जन्माला यावे यासाठी काही केले नसेल त्याचप्रमाणे मराठी घरात जन्माला यावे यासाठी नक्की काय केले होते? मराठी बाणेवाल्यांपैकी कोणी सांगू शकेल का?

गॅरी ट्रुमन, तुमचा वरचा प्रतिसाद वाचला. एकेक मुद्दे विचारात घेऊया. १.

त्याचप्रमाणे मराठी घरात जन्माला यावे यासाठी नक्की काय केले होते?

काहीही केलेलं नव्हतं. येळ्ळूरमधल्या मराठीभाषिकांनीही मराठी घरात जन्मण्यासाठी काहीच केलं नव्हतं. मात्र तरीही कर्नाटकी सरकारने त्यांच्यावर भीषण अत्याचार केलेच ना? ते कोणत्या नियमाखाली? २.

... प्रशासकीय सोय/ निर्णयप्रक्रीया लवकर होऊन निर्णयांची अंमलबजावणी अधिक कार्यक्षम पध्दतीने होणे/ आर्थिक फायदे इत्यादी गोष्टी साध्य होणार आहेत का ...

याबाबत छत्तीसगड झारखंड इत्यादिंचा अनुभव निराशाजनक आहे. नव्या राज्यांनी केवळ नेतेलोकांची आणि नोकरशहांची चरायची आणि चारायची सोय होते. जनतेचा फायदा शून्य. ३.

काही विदर्भ/मराठवाड्याचे स्वतंत्र राज्य केल्यास जशी काही भारत-पाकिस्तानसारखी फाळणीच होणार आहे आणि १९४७ प्रमाणे कत्तली होणार आहेत तसेच लाखो लोक जीवाच्या आकांताने रेल्वेगाड्या भरून विदर्भ/मराठवाडा सोडून ’महाराष्ट्रात’ पळून येणार आहेत!!

तसं काही होणार नाहीये. आता फाळणीचा विषय निघालाच आहे, तर एक निरीक्षण नोंदवतो. इंग्रजी सत्तेविरोधी स्वातंत्र्यलढ्यात पंजाब, बंगाल आणि महाराष्ट्र ही राज्ये अग्रेसर होती. ही राज्ये जरी स्वातंत्र्योत्तर काळी निर्मिली गेलेली असली तरी ते प्रांत आधीपासून अस्तित्वात होते. आज पंजाब आणि बंगाल अर्धे कापले जाऊन पाकिस्तानवासी झालेले आहेत. ज्या मोगलांचा १७ वेळा पराभव केला त्या आसामचीदेखील फाळणी होऊन सिलहाट जिल्हा पाकिस्तानात गेला. परंतु सिंधची फाळणी करून हिंदूबहुल थरपारकर जिल्हा भारतात आणला गेला नाही. अशा परिस्थितीत महाराष्ट्र हे एकमेव राज्य फाळणीपासून मुक्त आहे. एव्हढंच नव्हे तर हैदराबाद या फुटीरतावादी संस्थानाचा मराठवाडा हा भाग सामील करून निर्माण झालेलं आहे. तर, भारताला बलिष्ठ करणारी महाराष्ट्राची ओळख पुसून टाकावी का? समजा जर महाराष्ट्र राज्य विलग केलं तर महाराष्ट्रीय ओळखीची (=आयडेण्टिटीची) पुनर्बांधणी करावी लागेल. ती करण्यासाठी मालोजी, शहाजी, शिवाजी, शंभूराजे या चार पिढ्या खर्ची पडल्या होत्या हे आवर्जून सांगावंसं वाटतं. माझ्या मते जोवर पाकिस्तान अस्तित्वात आहे तोवर महाराष्ट्र राज्य अखंड राहिलंच पाहिजे. ४.

हे असले मराठी बाणे वगैरे अगदी फाट्यावर मारायच्या गोष्टी आहेत. त्या मातोश्री आणि कृष्णकुंजवरील गावगुंडांच्या राजकारणाला साजेशा आहेत.

कृष्णकुंज वा मातोश्री यांनी एखादी संकल्पना स्वत:च्या फायद्यासाठी वापरली तरी ती मुळातून टाकाऊ ठरंत नसते. तुम्हीआम्ही विचारवंत आहोत. नव्या महाराष्ट्रधर्माची व्याप्ती ठरवण्यासाठी आपली नक्कीच मदत होऊ शकेल. तशी आपल्यापैकी कोण्या विचारवंताने केली आहे का? ५.

पण त्याउपर हे मराठी हे लेबल वागवायचे असेल तरी त्याचा अभिमान धरणे, हमरीतुमरीवर येणे या गोष्टी कशाकरता?

नेमकं हेच टाळण्यासाठी मराठी माणसाला मराठी विचारवंतांकडून मार्गदर्शन हवंय. कृष्णकुंज वा मातोश्रीवर टीका खुशाल करावी. फक्त त्यातून मराठी माणसाला काय बघायला आवडेल आणि काय बघायला नकोय याविषयी मंथन व्हावं. आ.न., -गा.पै.