होशंगाबादला काय काय बघावे? मिपाकर हैत का तिथे ?

आभार कंजूसराव. भीमबैठिका पूर्वी बघितलेले आहे. मी गेलो होतो त्यावेळी ते फार कमी लोकांना ठाऊक होते. आधी भोपाळपासून ट्रकच्या टपावर बसून प्रवास, मग अनेक मैल जंगलातून दूरवर दिसणार्‍या भीमबैठिकाच्या खडकांच्या दिशेने पायपीट वगैरे करून पहुचलो होतो. रस्ते, वस्ती वगैरे काहीच नव्हते. एका उंच खडकावर एक बैरागी रहायचा (जीएंच्या कथांमधे असतो तसा) त्याला भेटायचे, तर खडकाला टेकवलेल्या वीस-तीस फुटाच्या ओंडक्यावरून चढून जावे लागायचे (तेही केले होते). नंतर पुन्हा एकदा वाकणकर सरांबरोबर एक आठवडा तंबूत राहिलो होतो. आता अनेक टूरिस्ट जातात, पक्के रस्ते, हॉटेल वगैरे झाले असल्याचे ऐकले आहे, त्यामुळे जाण्याची इच्छा नाही. बाकी उन्हात वणवण करणे आता तितकेसे झेपत नाही, त्यामुळे सकाळ-संध्याकाळ जवळपास फिरणे एवढेच शक्य आहे.