विजयनगर (राजधानी, नवे आंध्रप्रदेश. पुण्यापासुन ९०० किमी) येथे एका मिटींगमध्ये २ प्राध्यापक होते, जे पन्नाशीत असावेत. त्या दोघांनी कानात बाळी घातलेली होती ... अगदी आपल्या पुण्यातील सध्याच्या फॅशनसारखी ! कुतूहल चाळवले व त्यांना नंतर सांगितले की, पुण्यात पेशव्याच्या आभूषणांत अशी बाळी घालण्याची पद्धत होती व सध्या तरुणांत ही फॅशन जोरदार आहे. त्यांनी सांगितले की, "आमचे पुर्वज १०० वर्षांहूनही आधी पुण्यातुनच इकडे आल्याचे आम्हाला सांगितले जाते. आमची नाळ पुणे आणि पेशव्याशीच जोडली गेली आहे व ही बाळी घालणे आमच्याकडे अभिमानाचे व अनिवार्य मानले जाते". साहजिकच ही माहिती अत्यंत रोचक आहे. कुणी अधिक प्रकाश टाकेल का?