मलाही नेहमी हाच प्रश्न पडतो अगम्य दुर्गम न कळणारे लिहिलेले असते त्यामुळे मीही त्याचा अर्थ विचारयला कुणाला जात नाही माझ्यासारखीच इतरही मंडळी आहेत हे पाहन बरे वाटले

थ्यांक्स विशालभाव, अ‍ॅक्चुअली ही कन्सेप्ट (वेगवेगळ्या विषयाच्या शेरांचे सेटस म्हणजे गझल) मला माहीत नव्हते, आता त्याची संगती लावून परत बिटवीन द लाईन म्हणले तर दोनच ओळीत विषय संपणार तेंव्हा त्याच्यामधली लाईन मला समजेल का नाही शंकाच आहे. शिवाय नियम, बंधने, मात्रा, वृत्ते अशा गोष्टीत बांधलेले लिखाण म्हणले की तडजोडी आल्या. सो आता लांबच मराठी गझल ह्या प्रकरणापासून. धन्यवाद.

शार्दुल भाऊ, मनःपूर्वक आभार. तुमची पोस्ट वाचल्यावर पाहीले तेव्हा लक्षात आले की हो असेही होवू शकते, तुम्ही सूचवलेल्या फॉर्ममध्ये लय व्यवस्थीत पकड़ता येतेय. अर्थात वृत्त आता आहे तसेही असले तरी चालतेच, फक्त प्रत्येक ओळीला नवीन वृत्त घेतले नाही म्हणजे मिळवले. धन्यवाद. सध्याचे वृत्त आहे "गागालगा लगागा गागालगा गागागा" तुम्ही सूचवलेल्या सुधारणेत एक गोची आहे. शेराच्या दोन्ही ओळीत दोन वेगळी वृत्ते येताहेत. पहिल्या ओळीत "गागालगा लगागा गागालगा लगागा" तर दुसऱ्या ओळीत "गागालगा लगागा गागालगा गागागा" ! गझलेच्या नियमात हे मात्र बसत नाही, चालत नाही. संपूर्ण गझल एकाच वृत्तात हवी. आयदर धीस ऑर दॅट ! तस्मात सद्ध्याच्या वृत्ता ऐवजी "गागालगा लगागा गागालगा लगागा" केले तर अजुन लयीत येईल. ******************** सुधारीत आवृत्ती रस्त्यास त्या बिचाऱ्या सांगाल काय काही ? पथभ्रष्ट भास्कराला शिकवाल काय काही ? सगळे खरेच आहे खोटे न येथ कोणी, रचल्या चितेस सांगा बोलाल काय काही ? 'योगी' कितीक झाले, होतील लाख मुल्ला ऐन्यास बोल थोडा लावाल काय काही ? झोळी गळ्यात बांधुन दारात वाट पाहे पुत्रास त्या 'बळीच्या' वाढाल काय काही ? पात्रामध्ये नदीच्या प्रेते सडून गेली पाण्यास मार्ग आता दावाल काय काही ? येतील दिवस तेही नांदू पुन्हा सुखाने आशा चुकार वेडी रुजवाल काय काही ? ******************** शार्दूलभाऊ, पुन्हा एकदा मनःपूर्वक आभार