नुसते चांगली मिसळ मिळणारया हाटेलांची नामावळी काय उपयोगी? नुसतं अनिवासी लोकांना जळवायचं लक्षण! रेसिपी द्या म्हणजे घरी ट्राय तरी करू!

वरदा, प्रत्येकाने आपापली मिसळ-पाककृती येथे द्यावी ही तुझी कल्पना छानच आहे. परंतु प्रथम तुझी मिसळीची पाककृती येथे देऊन याची सुरवात तूच करावीस असे वाटते! :) तात्या.

वरदा.. स्वातीने रेसिपी दिली आहे कोल्हापूरी मिसळीची. बघ एकदा नीट. भन्नाट आहे. नक्की करून बघ. आपण अनिवासी आहोत हे लक्षातच नाही रहात. (मिसळप्रेमी) प्राजु

नुसती ठिकाणं सांगतात्..आम्ही इथे अमेरिकेत बसून काय करायचं त्यांचं प्राजु बरं झालं सांगितंलंस्...बरीच मागे गेल्याने पाहिली नाही मी रेसिपी..झकास आहे एकदम्...आता ह्या विकएन्ड ला करतेच ट्राय... तात्या मला येत असती तर दिली असती रेसिपी ...मी झणझणीत उसळ बनवून वर कांदा टॉमॅटो, फरसाण टाकते की झाली माझी मिसळ तयार.....जास्तीत जास्त म्हणजे गोड आणि तिखट चटणी टाकते त्यावर असेल तर... पण लोक खूप वेगवेगळे प्रकार करतात्..माझ्या एका मैत्रीणीकडे साबुदाणा, खारे शेंगदाणे वगैरे घालायचे त्यावर.. म्हणून म्हटंलं विचारून पहावं सगळ्यांना...

ठाण्याचा सांस्कृतिक ठेवा असलेल्या मामलेदार च्या मिसळीची कृती: साहित्य - कांदे ४/५ + वरुन घालण्यासाठी २ ,बटाटे ४/५,लसुण १ मोठा गड्डा,१ बोटभर आल्याचा तुकडा तेल १.५वाट्या,तिखट १.५वाटी,गरम मसाला ४ चमचे १०० ग्राम पापडी,२५०ग्राम हिरवे वाटाणे,५००ग्राम फरसाण चवीनुसार मीठ कृती - हिरवे वाटाणे ५/६ तास भिजत घालावेत. नंतर कुकर मधुन ३/४ शिट्ट्या देऊन शिजवावे.बटाटे उकडून घ्यावे.४/५ कांद्यातील ३ कांदे वाटून घ्यावे. लसुण व आले वाटून पेस्ट करावी,उरलेले २ कांदे बारीक चिरुन घ्यावे. पापडी कुटून घ्यावी व पाण्यात भिजत घालावी. एका जाड बुडाच्या पातेल्यात १ वाटी तेल तापत ठेवावे. चांगले तापले की त्यात वाटलेला कांदा घालुन परतावे,मग वाटलेला लसुण घालून परतावे. १.५ वाटी तिखटातील ३/४ वाटी त्यात घालावे व भरपुर परतावे,गरम मसाला घालुन परतावे.इतके परतावे की तेल सुटले पाहिजे.मग त्यात उकडलेले वाटाणे घालावे,पाण्यात भिजवलेली पापडी घालावी,मीठ घालावे.पाणी घालून उकळू द्यावे. उरलेले १/२ वाटी तेल एका कढईत तापत ठेवावे.त्यात बारीक चिरलेले २ कांदे घालून परतावे,उरलेले तिखट घालून परतावे,थोडे मीठ घालावे.व हे मिश्रण वेगळे ठेवावे. वरुन घालायसाठी कांदे बारीक चिरावे,उकडलेले बटाटे चिरावे. खोलगट ताटलीत आधी फरसाण,त्यावर बटाटे ,त्यावर रस्सा,आणि त्यावर कांदा घालून द्यावा. "जादा तिखा"- ३नं हवे असेल तर वेगळी तर्री वरुन घ्यावी. वि.सू. १.ह्या मिसळी बरोबर पाव चांगला लागतो ,पण दही ह्या मिसळी बरोबर खाऊन तिचा अपमान करू नये.नंतर ताक प्यावे. अतिशय महत्त्वाचे: २.दुकानातून फरसाण घेताना त्यात गोडसर पदार्थ उदा.बेदाणे,मक्याचा चिवडा इ. न घालण्यास सांगावे.

स्वाती, तुमची ही मिसळ झक्कास्स्स्स्स्स्च आहे. माझ्याकडून मी ह्यात काही (माझ्या तिखट चवीशी सुसंगत असे..) बदल केले आहेत. १) आले-लसूण बरोबर काही हिरव्या मिरच्या वाटून घेणे. २) रंग आणि तिखटपणा ह्यांचा सुंदर प्रितीसंगम व्हावा म्हणून 'काश्मीरी मिरच्या' + 'गुंटूर मिरच्या' असे १:१ असे किंवा अधिक तिखट हवे असेल तर १:३ असे प्रमाण घ्यावे. खाताना मात्र फरसाणपेक्षा 'सँपल-पाव'च जास्त आवडतो. तेजतर्राट गरमाग्रम रश्शात बुडवून बाहेर काढलेला पावाचा लालबुंद तुकडा मिसळीच्या चवीची आठवण म्हणून म्युझियममध्येच ठेवावा असा दिसतो पण हात तोंडापर्यंत जातोच आणि नाही गेला तर तोंड स्वत्व विसरुन खाली हातापर्यंत वाकते आणि पावाचा लालबुंद रमणिय तुकडा आमच्या तोंडात देहभान विसरून सामावून जातो. उरते ती फक्त त्याची आठवण आणि अवर्णनिय उन्मुक्त अवस्था........ हाय्! आजपर्यंत कुठल्याच पाककृतीचे मानले नाहीत इतके ह्या मिसळ पाककृतीचे अगणित धन्यवाद.

खाताना मात्र फरसाणपेक्षा 'सँपल-पाव'च जास्त आवडतो. तेजतर्राट गरमाग्रम रश्शात बुडवून बाहेर काढलेला पावाचा लालबुंद तुकडा मिसळीच्या चवीची आठवण म्हणून म्युझियममध्येच ठेवावा असा दिसतो पण हात तोंडापर्यंत जातोच आणि नाही गेला तर तोंड स्वत्व विसरुन खाली हातापर्यंत वाकते आणि पावाचा लालबुंद रमणिय तुकडा आमच्या तोंडात देहभान विसरून सामावून जातो. उरते ती फक्त त्याची आठवण आणि अवर्णनिय उन्मुक्त अवस्था........ हाय्! वाचुनच तोंडाला पाणी सुटले. :)

मस्तंच्.... थॅन्क्यू स्वाती..आता ही पण करुन पाहीन...

खाताना मात्र फरसाणपेक्षा 'सँपल-पाव'च जास्त आवडतो. तेजतर्राट गरमाग्रम रश्शात बुडवून बाहेर काढलेला पावाचा लालबुंद तुकडा मिसळीच्या चवीची आठवण म्हणून म्युझियममध्येच ठेवावा असा दिसतो पण हात तोंडापर्यंत जातोच आणि नाही गेला तर तोंड स्वत्व विसरुन खाली हातापर्यंत वाकते आणि पावाचा लालबुंद रमणिय तुकडा आमच्या तोंडात देहभान विसरून सामावून जातो. उरते ती फक्त त्याची आठवण आणि अवर्णनिय उन्मुक्त अवस्था........ हाय्! काय पण झ्याक लिवलय राव!! तोंडाला पाणी सुटलं.. बाकी स्वतीताई रेसिपि बी झ्याक :) -(झ्याकप्याक)ऋषिकेश

खाताना मात्र फरसाणपेक्षा 'सँपल-पाव'च जास्त आवडतो. तेजतर्राट गरमाग्रम रश्शात बुडवून बाहेर काढलेला पावाचा लालबुंद तुकडा मिसळीच्या चवीची आठवण म्हणून म्युझियममध्येच ठेवावा असा दिसतो पण हात तोंडापर्यंत जातोच आणि नाही गेला तर तोंड स्वत्व विसरुन खाली हातापर्यंत वाकते आणि पावाचा लालबुंद रमणिय तुकडा आमच्या तोंडात देहभान विसरून सामावून जातो. उरते ती फक्त त्याची आठवण आणि अवर्णनिय उन्मुक्त अवस्था........ हाय्! प्रभाकररव, वेळ जात नाहिये का? कशाला असं झक्क्क्क्कास वर्णन लिहायचं.. आणि आम्हांला जळवायचं? असो.. वर्णन बाकी एक्दमच.. भन्नाट..! - प्राजु

खाताना मात्र फरसाणपेक्षा 'सँपल-पाव'च जास्त आवडतो. तेजतर्राट गरमाग्रम रश्शात बुडवून बाहेर काढलेला पावाचा लालबुंद तुकडा मिसळीच्या चवीची आठवण म्हणून म्युझियममध्येच ठेवावा असा दिसतो पण हात तोंडापर्यंत जातोच आणि नाही गेला तर तोंड स्वत्व विसरुन खाली हातापर्यंत वाकते आणि पावाचा लालबुंद रमणिय तुकडा आमच्या तोंडात देहभान विसरून सामावून जातो. उरते ती फक्त त्याची आठवण आणि अवर्णनिय उन्मुक्त अवस्था........ हाय्! असं उन्मनी अवस्थेत नेणारं लिहू नका हो आणि ते ही सकाळी, सकाळी! अहो हे वाचून मी आज माझ्या प्रेझेंटेशनला गेलो आणि इंट्रोडक्शन मधे 'सँपल्-पाव' असं काहीतरी बरळलो! माझा मॅनेजर मराठी नसला तरी भारतीय आहे, काय "सँपल" माणूस आहे असा चेहरा करुन तो बघायलाच लागला!! अवांतर - हलकेच घ्या, हे सगळं उन्मनी अवस्थेत वाटून गेलं असावं - खरं खोटं "सॅंपल्-पाव"च जाणे!! चतुरंग

श्री. केशवसुमार, ही डिश माझ्या (सिंबॉयसिस) कॅन्टीनच्या मेन्यू मध्ये डिसेंबर २००७ पासूनच ऍड केली आहे. भारतात आलात की जरूर भेट द्या. श्री. सुनील, गुंटूरचा 'दणका' काही औरच आहे. प्रेमातच पडाल. श्री. मनिष, खवैय्या त्यालाच म्हणतात. श्री. ऋषिकेश, ह्यात माझं श्रेय काही नाही. हा सर्व त्या प्रतिभा चेतविणार्‍या तेजतर्राट लालबुंद उकळत्या सँपलचा महिमा आहे. हा: हा: प्राजु, तुमच्या 'जळण्यात' मला पुनःप्रत्ययाचा आनंद मिळतो आहे. श्री. चतुरंग, सँपल-पावचेच प्रेझेंटेशन द्या.......सर्वांचे मन जिंकून घ्याल. माझ्या प्रतिसादावरील सर्वांच्या प्रतिक्रियांचे मनःपूर्वक आभार.

मि.पा वरील.. मिसळप्रेमींना माझे आमंत्रण.. रविवार दि. ३ फेब्रु. २००८ रोजी मी घरी मिसळपाव करणार आहे. अस्सल कोल्हापूरी..! तेव्हा इथे मँचेस्टर मध्ये मिसळ कट्टा (बर्फात) करू. आपण सर्वांनी जरूर यावे. आपापल्या भाडे खर्चाने यावे ही विनंती... आपली स्नेहांकित, प्राजु.

स्वाती, मामिची पाककृती येथे दिल्याबद्दल तुझे आभार मानून परके करत नाही! इथे केव्हा येते आहेस? तू इथे आल्यावर आपली मामिची एक डेट नक्की! :) तुझा, (शाळूसोबती) तात्या. प्रभाकरशेठ, आपण मिपाचे सभासदत्व घेऊन मिपाच्या टपरीवर नव्या जोमाने कार्यरत झालात याचे बरे वाटले. आपलीही मिसळीची पाककृती झक्कासच आहे! अर्थात, अहो बोलूनचालून पट्टीचे बल्लवाचार्य तुम्ही! त्यामुळे आपली पाककृती झकासच असणार हे ओघानेच आले. आपल्या हातची खाल्लेली बिर्याणी आणि सुकामटण आजही आम्हाला याद आहे. आता आपल्या हातचं सुग्रास भोजन चापायला पुन्हा पुण्याला केव्हा येऊ तेवढं सांगा! :) बाय द वे, आपण, आपल्या सौ, आणि आपले चिरंजीव ठाण्याला एकदा आमच्यासोबत मिपा खायला आला होतात ते आम्हाला अजूनही याद आहे! पुन्हा केव्हा येता तेवढं सांगा! आम्ही वाट पाहात आहोत! अवांतर - बाय द वे, वहिनींना भेटून तेव्हा खूप बरं वाटलं होतं. एवढ्या साध्या, सोज्वळ बायकोला इतका डांबीस नवरा कसा काय मिळाला, देव जाणे! :) असो..! मंडळी, इथे दिवसेंदिवस मिपाच्या अधिकाधिक पाककृती येत आहेत हे पाहून संतोष वाटला. प्राजूच्या घरीही मिपा खायला जायची माझी इच्छा आहे, परंतु अमेरिकेचे विमान भाडे आमच्यासारख्या गरीबाला कसे परवडणार? त्यामुळे प्राजूकडे जायचं सध्या रहीत केलं आहे! :) असो, सगळ्यांनी मिळून मिपाधर्म वाढवावा हीच सदिच्छा! आपला, (मिसळवेडा) तात्या. -- न लगे मुक्ति आणि संपदा, मिसळसंग देई सदा! तिन्ही लोक आनंदाने भरून गाऊ दे | तुझे गीत गाण्यासाठी मिसळ खाऊ दे ! :)

प्राजु खरच येईन बरंका....पत्ता दे बरं तुला काय वाटंलं सगळेच भारतातले आहेत? एखादं ट्रेनिंग शोधते तिथे आणि येते तुझ्याकडे....

अगदी खरंच ये... - प्राजु

आता बाकी सगळ्यांना टुकटुक.....

या वीकएंडला मी मिसळ करून पाहीन. जर चव बराब्बर जमली तर माझ्या कातड्याचे जोडे करून तुमच्या पायांत घालीन!! अहो, गेली एकवीस वर्षे मी या मिसळीसाठी तळमळतोय हो! :((( कॉलेजात असतांना ती आमचे मुख्य अन्न होती!! .. .. आधी प्रत्येक ट्रीपला ठाण्याला जायचं जमायचंच असं नाही, आणि नंतरनंतर बाधण्याची (मिसळ नाही हो, तिथलं पाणी)भिती वाटे. आजवर हताश असलेला,:( पण आता हुरूप आलेला,:) पिवळा डांबिस

स्वातीजी धन्यवाद! आता पर्यंत हजारदा ठाण्यास गेलो असेन. मा.मि.ची किर्ती लहानपणा पासुन ऐकतोय. परंतु, त्याचा पत्ता नेमका सापडत नाही. जेव्हां वेळ असतो तेव्हा हातात भलि मोठी टूलबॅग असते, ती घेउन पत्ताही शोधता येत नाही. त्यामुळे मा.मि.ची तल्लफ त्या कुंजविहारीचा वडा खाउन भागवतो. आता मात्र ठरलं. शेंडी तुटो वा पारंबी! मा.मि.चा पत्ता शोधणारच. संजय अभ्यंकर http://smabhyan.blogspot.com/

सजय, कुंजविहारीच्या समोरचा मार्ग आपल्याला मिसळकडे घेऊन जाईल...

साला इथे ..च्या मारी. ह्या युकेच्या फुल्या फुल्य फुल्या फुल्या..चांगले फरसाण, पापडी मिळतील तर शप्पथ केशवकुमार तुम्ही यु,के. मधे कुठे राहता माहीत नाही. पण इथे "साया" मधे फरसाण मिळतात( चांगल्या प्रकारचे).शिवाय हलदीरामचे सर्व प्रॉडक्ट मिळतात. साया ची दुकाने खूप ठिकाणी आहेत. माझ्या घरी जवळजवळ आठवड्याला मिसळ बनतेच. अगदी "कोल्हापूरी". आता जेव्हा कधी यु.के. मधे याल तेव्हा साया ला भेट द्या. माझ्याघरी मिसळ खायलासुध्दा....

http://www.misalpav.com/node/526 इथे भेट द्या. कोल्हापुरी मिसळी ला.

साला इथे ..च्या मारी. ह्या युकेच्या फुल्या फुल्य फुल्या फुल्या..चांगले फरसाण, पापडी मिळतील तर शप्पथ केशवसुमार, अगदी सहमत! फक्त युके ऐवजी जर्मनी वाचा... स्वाती अवांतरः येता का युकेतून जर्मनीला एखाद्या विकेंडला,मिसळ कट्टा करू,:) आम्हालाही मिसळ खायला बोलवा...

यु.के. मधील आणि यु.के.बाहेरील सर्व लोकांना मी मिसळ पाव खाण्यासाठी आमंत्रण देते. मी ग्रेटर लंडन मधे राहते. मला इथून खूप इंडियन दुकाने जवळ आहेत. तसेच वेम्बली , साऊथ हॉल (छोटे इंडिया) ३० मिनिटावर (कारने) आहेत. साया वरील २ ठिकाणी, तसेच अल्पटन,वुड्फर्ड ही मला माहीत असलेली ठिकाणे.

म्हणजे आता आपले यु.के. आणि यु. एस. मधे दोन नविन मि. पा. कट्टे तयार झाले म्हणायचे....आता आपल्याला ठाणे आणि कोल्हापुरच्या मिसळीच्या ठिकाणांची नुसती नावं ऐकून गप्पं बसायला नको...स्वाती ती रेसिपि करून पाहिली ह्या विकएन्ड्ला...एकदम झकास...थँक्यू गं...

तात्याराम महाराज, नका हो अस॑ निर्वाणीच॑ बोलू... तुम्ही जर वैकु॑ठाची भाषा करायला लागलात तर आम्हा बालका॑चे कस॑ होणार. हे असल॑ हृदयाला घर॑ पाडणारे बोल सोडा तात्याबा ! अहो, तुम्ही वैकु॑ठाला गेलात तर आम्हाला तर्रीदार लेखन कुठुन नशीबी व्हावे? तिखटजाळ प्रतिक्रिया कुठे वाचायला जायच॑ आम्ही पामरा॑नी? (आयला हे लै म्ह॑जी लैच स्वार्थी होतय काय?) हा॑...कस॑ होणार त्या मामलेदाराच॑? तुमच्याशिवाय त्याच्या मिसळीची खुमारी काय रहाणार? ---- बाकी हे एकदम झक्कास हा॑... यु.के. आणि यु.एस. मध्ये मिपाकट्टे !!! येकदम ज॑क्शन वाटल॑ बॉ :) आपला - (तात्याबा॑चा भक्त, अजाण लेकरु) ध मा ल.

अहो आत्ता कुठे आम्ही तुमच्याकडून शिकायला सुरुवात केलेय्... ही काय निर्वाणिची भाषा....आपला ठाण्याचा कट्टा कोण सांभाळणार मग? ते काही नाही सगळे मिळून धमाल करूया असं लिहा....हे सोपवून मोकळं होणं काही चालणार नाही.....

मी येतो आहे ठाण्याला या महिन्यात - नौपाडा भागात. ही मामलेदार मिसळ कुठे आहे जरा पत्ता देता का? हजेरी लावलीच पाहिजे!! :)

मामलेदार मिसळ माहित नाही? ठाणे स्टेशन ला कुणाला पण विचारा.... धमाल दादा आचरटपणा नाही काही....माफी कसली मागता..साधा जोक तर केलात....

आनी ती झक्कास झाली रं झाली!!!!! ही रेशेपी वापरून आमी मिसळ केली. आनी तिच्यायला आमच्या जिभेनं येकदम जंक्शन दाद दिली! :) आता जगाच्या पाठीवर कुठंही रहायला मोकळा झालो. अर्थात, जिथे गुजुभाय फरसाण विकत असेल तिथे...म्हणजे जगात कुठेही!!! :) मन फार, फार म्हणजे अगदी तुडुंब प्रसन्न झालंय! पोटही तुडुंब भरलंय!! स्वाती आणि प्रभाकर, माझ्या कातड्याचे जोडे करायला टाकले आहेत, तयार झाले की फेड्-एक्सने पाठवून देईन. आपला, (उन्मनी अवस्थेतला) पिवळा डांबिस

कालच केली होती. कसली मस्त झाली होती. थोडावेळ तिच्याकडे विविध कोनातून बघतच राहीलो. शेवटी राहवेना. फडशाच पाडला. आणि नुकतीच 'शिकार' चट्टामट्टा केलेल्या 'वनराजा'सारखी मस्त ताणून दिली.

श्री. केशवसुमार, तुमच्या सर्व फुल्या-फुल्यांना मी 'फुले' समजून स्विकारले आहे. मिसळीच्या तिखट तर्री इतकेच आपले मिसळीवरील प्रेम मनस्वी आहे ह्याची खात्री पटली. श्री. विसोबा खेचर, पुण्यात कट्टा जमवाच. सर्व उपस्थितांना स्वखर्चात मिसळ खाऊ घालेन. श्री. चतुरंग (आणि इतर मिसळप्रेमी) कधीही या. एकत्र बसून मिसळ चापू. सर्वांना मनःपूर्वक धन्यवाद.

जळवायचं लक्षण मी नेमकं लंच च्या वेळि फोटो पाहीले..भूक लागली..आणि खावी लागतेय घासफूस....