काय करावे!!! तिच्याशी नाते जोडावे की नको???

वेगवेगळ्या मासिकांमध्ये 'ताईचा सल्ला' असे काहीसे सदर असते. त्या ताईला विचारा :)

Contd.... रात्री तिचा नवरा तिला जवळ घेत म्हणाला, " जमतय की तुला. पुढच्या आठवड्यात प्रकरण अजून थोडे पुढे ने'' यावर ती फक्त मंद हसली...................................................................................................

एक त्रिपक्षीय मिटींग घ्या, ती तुम्ही आणि तिचे पतिदेव . भारतात द्वीभार्या प्रतिबंधक कायदा असला तरी द्वीपतीला प्रॉब्लम नाही . तुमचं प्रकरण एकदम वॅलीड होईल . तिलाही काही चोरी राहणार नाही आणि डबल मजा येईल . पती सूज्ञ असेल तर विभागलेली जवाबदारी प्लस तिच्या प्रेमाखातर केलेला अभूतपूर्व त्याग यामुळे त्याचं ही नांव प्रेमिकांच्या इतिहासात अजरामर होईल . तुमची अधूनमधून येणाऱ्या नैराश्याच्या झटक्यातून कायमची मोकळीक होईल प्लस संजय भंसाळीला पिक्चरची नवी स्टोरी मिळेल . तुम्ही सेन्सेशनल रायटर आहातच त्यात तुमचा फर्स्ट हँड अनुभव असल्यानं स्टोरीला ज्याम वजन येईल . दरम्यानच्या काळात मिपावर तुम्हाला एक उत्कंठावर्धक लेखमाला सुरू करता येईल . कल्पनेतच इतका बारुद आहे तर प्रत्यक्षात काय कहर होईल , जस्ट इमॅजीन !

उगाचच नसलेल्या प्रश्नांना उत्तर देण्यात वेळ घालवू नका. दाणे टाकून कोंबडी झुंझवायची आवड असलेला हा आयडी इकडे "टर्बोचार्जड फिलॉसॉफर" नावाने आणि माबोवर "सिंथेटिक जिनियस" नावाने पिंका मारतात. इकडच्या प्रतिक्रिया तिकडे स्वतःच्या म्हणून लिहितात आणि तिकडच्या इकडे. आपल्या वाचनातला क्वालीटी टाइम यांच्यामागे घालवू नका. __/\__

आलात का? या या या. नै, म्हंजे काये, बरेच दिवसात भेंड्या खेळायचा योग आला नव्हता. तुम्ही हंटरररर नावाचा शिनेमा पाह्यलाय का?

मचाक वर कथा लिहायचात का हो तुम्ही?

१.विवाहीत स्त्रीशी प्रेमसंबंध ठेवने योग्य आहे काय? तिच्या पतीनं तक्रार केली तर पोलीस तुम्हाला असा काही इंगा दाखवतील की नंतर प्रत्येक स्त्री मातेसमान वाटायला लागेल. २.तिच्या देखनेपणात मि गुंतलो आहे ,पुढे जावे असे वाटत आहे,काय करावे? पहिल्या पहिल्यादानुसार फुल स्पीडनं पुढे जा. ३. विवाहबाह्य संबंध adultery मध्ये येतात का? यातून पुढे काही कायदेशीर अडचण येईल काय? नं. १ चं उत्तर वाचा. ४.तिच्याशी मला लग्न करायचे नाही आहे ,फक्त casual relationship ठेवायची आहे,हे तिला मान्य होईल काअसे थेट विचारावे का तिला? `घडीभरचा खेळ अन तडीपारीची वेळ' ही म्हण कायम लक्षात ठेवा. `माल किसका और कमाल किसका' असे प्रत्येकाचे सितारे बुलंद असत नाहीत आणि एखादे वेळी असले तरी ग्रहदशा केंव्हा बदलेल आणि प्रकरण अंगलट येईल नेम नाही. रितसर लग्न करा. फ्लशच्या खेळात तिघांना एकावेळी ट्रायो लागल्याची अभूतपूर्व किमया होईल.

नक्की नाते जोडा. जमल्यास नाते जुळल्यानंतरचे अनुभव देखील इथे लिहा. काही प्रश्न असल्यास मिपा तुमच्यासाठी तत्पर आहेच ! प्रश्न मांडण्यासाठी तुम्हाला कोणाच्या निमंत्रणाची गरज नाहीये हे आत्तापर्यंतच्या तुम्ही काढलेल्या धाग्यांवरुन सिद्ध झालेच असेल. आता तुमच्या प्रश्नांची उत्तरे : १.विवाहीत स्त्रीशी प्रेमसंबंध ठेवने योग्य आहे काय? होय. आता तुम्ही असा धागा काढलाय म्हणजे नक्कीच योग्य असणार. अपने दिलकी सुनो ! संक्षींचा सल्ला मनावर घेऊ नका ! त्यांच्या क्रेडीट कार्ड विषयावरचे प्रतिसाद बघीतले ना सगळ्यांनी कसे इग्नोर केलेत ते ! २.तिच्या देखनेपणात मि गुंतलो आहे ,पुढे जावे असे वाटत आहे,काय करावे? पुढे जा. मराठी माणसाने किती दिवस मागे रहायचे ? मात्र पुढे जाताना कोणी पाठीत खंजीर खुपसणार नाही याची काळजी घ्या. मी निवडणूकीनंतर या शस्त्रावर बंदी घालण्यासाठी निवेदन देणारच आहे. तोपर्यंत सावधगिरी बाळगा. ३. विवाहबाह्य संबंध adultery मध्ये येतात का? यातून पुढे काही कायदेशीर अडचण येईल काय? काही कल्पना नाही ब्वॉ ! पुढील अडचणींचा विचार करु नका. आजच्या, आत्ताच्या क्षणाचा उत्सव साजरा करा. भविष्याचा विचार करुन वर्तमानकाळातील आनंदाकडे दुर्लक्ष केले तर तुमच्यात आणि २५ वर्षे ईएमाआय बोडक्यावर घेऊन जगणार्‍यामधे काय फरक राहिला ? कायद्याचेच म्हणाल तर कायदा माणसासाठी आहे. माणूस कायद्यासाठी नाही. तिच्या नवर्‍याचा फारसा विचार करु नका. तो तिचा नवरा आहे की तुमचा आहे ? त्याचा स्वभाव चांगला असो की वाईट त्याच्याशी तुम्हाला काय देणेघेणे आहे ? ४.तिच्याशी मला लग्न करायचे नाही आहे ,फक्त casual relationship ठेवायची आहे,हे तिला मान्य होईल काअसे थेट विचारावे का तिला? नक्कीच मान्य होईल. अधिक मार्गदर्शनासाठी हंटर हा चित्रपट पाहा. तुमच्यासारख्या स्पेशल लोकांसाठीच बनवला आहे. हा घ्या दुवा. उगाच शोधाशोध नको. अवांतर : ते केसांचे काय झाले ? जमल्यास पुढचा धागा टर्बोचार्जड वासु या नावाने काढाल काय ? अतिअवांतर : ( संक्षी सर कृपया टेक इट लाईटली !)

मुटके साहेब धन्यवाद. केस अजून सहा इंचच आहेत.न कापण्याचे मनावर घेतले आहे.

मी निवडणूकीनंतर या शस्त्रावर बंदी घालण्यासाठी निवेदन देणारच आहे. तोपर्यंत सावधगिरी बाळगा. वाक्याचा अर्थ विपरित होतो आहे. तिच्या नवर्‍याचा फारसा विचार करु नका. तो तिचा नवरा आहे की तुमचा आहे ? शस्त्र शास्त्रानुसारच वापरायला हवे. अधिक मार्गदर्शनासाठी हंटर हा चित्रपट पाहा. काय बोलता ? हंटरमुळेच तर हा प्रसंग ओढवला आहे . संक्षी सर कृपया टेक इट लाईटली ! येस ! लाईटली घेण्याचा विषय आहे कारण द सबजेक्ट इज सो लाईट दॅट इव्हन अ थॉट कॅन लिफ्ट इट.

टफि, माझ्या जवळच्या माहितीतल्या एकाचा खराखुरा अनुभव सांगतो. ते प्रकरण बरेचसे तुमच्यासारखेच आहे, पण थोडेसे वेगळे आहे. पुण्याच्या एका २६ वर्षीय अविवाहीत तरूणाला मुंबईत चाकरी मिळाली. तो तसा लहानपणापासून थोडा वाह्यात प्रकारातलाच होता. काही कारणाने कोणाच्या तरी ओळखीने एका ३७ वर्षीय घटस्फोटित सापत्य महिलेची ओळख झाली. तिला एक मुलगी होती. जोपर्यंत आपण अविवाहीत आहोत तोपर्यंत थोडी गंमत करावी या उद्देशाने त्याचे तिच्याशी ओळख वाढविली. काही महिन्यांतच त्यांचे संबंध सुरू झाले. तिला घेऊन तो वेगवेगळ्या लॉजवर जायचा. त्याच्या घरच्यांना अर्थातच त्याच्या वाह्यातपणाची अजिबात माहिती नव्हती. १-२ वर्षांनी घरच्यांनी त्याचे लग्न जमवायला सुरूवात केली. आता आपण लग्न करून संसार थाटावा व अधूनमधून या बाईबरोबरही गंमत सुरू ठेवावी असे त्याने ठरविले. हा लग्नासाठी मुली बघतोय हे समजताच ती बाई बिथरली. तिने प्राणपणाने विरोध केला. आपण पुण्यात तुझ्या घरी येऊन तमाशा करू, तुझ्या लग्नात येऊन तमाशा करू, आपण ज्या ज्या लॉजवर गेलो होतो त्याचे पुरावे मी लिहून ठेवले आहेत असे सांगून तिने त्याला घाबरवले. तू तिच्या ऐवजी माझ्याशीच लग्न कर असा तिने धोशा लावला. माझ्याशी लग्न केले नाहीस तर मी जीव देऊन व जाताना चिठ्ठीत तुझे नाव लिहून सर्व पुरावे देईन असे सांगितल्यावर तो घाबरला. त्याच्या घरच्यांनाही त्या दोघांचा अत्यंत संताप आला होता, त्यामुळे त्यांनी या प्रकरणात लक्ष न घालण्याचे ठरविले. कालांतराने त्याने तिच्याशीच लग्न केले. ती त्याच्यापेआ ११ वर्षांनी मोठी होती व आपल्या पहिल्या अपत्यानंतर तिने नसबंदीची शस्त्रक्रिया करून घेतली होती. त्यामुळे त्याला नाईलाजाने पडाव्या लागलेल्या या विजोड संसारात स्वत:चे अपत्य नाही, आयुष्यात काहीही ध्येय/उमेद राहिलेली नाही. त्याच्या संसारात काहीही चार्म राहिलेला नाही. आला दिवस ढकलणे एवढेच तो करतो. त्यांची आर्थिक परिस्थिती यथातथाच आहे. त्याच्या आईवडीलांनी संतापून मृत्युपत्रात त्याचे नाव न घालता त्यांची सर्व इस्टेट त्यांनी त्याच्या भावाच्या नावावर केली. स्वतःच्या वाह्यातपणाची मोठी किंमत तो मोजत आहे. तुमची केस थोडीशी वेगळी असली तरी क्षणिक सुखाकरता भविष्यात मोठी किंमत द्यावी लागू शकेल. तेव्हा वेळीच सावध व्हा. एखादी सुयोग्य वधू बघून दोनाचे चार पाय करून मोकळे व्हा. वाटल्यास माईसाहेबचा सल्ला घ्या. (बादवे, लग्नाला बोलवायला विसरू नका).

धन्यवाद गुरुजी.तुमचा सल्लाही योग्य आहे. पण माझे प्रकरण वेगळे आहे.ति घरंदाज श्रीमंत आहे व मी मध्यमवर्गीय.तिच्या दारात स्कोडा वगैरे गाड्या उभ्या असतात.तिचा पति श्रीमंत आहे त्यामुळे ति त्याला सोडून माझ्या गळ्यात माळ घालेल याची सुतराम शक्यता नाही.तिलाही माझ्याशी नावापुरते नाते जोडाय्चे आहे हे माझ्या लक्षात आल्यानंतरच मी पुढे गेलो.पण एक आहे ,जर सापडलो तर निदान माझा सैराटमधला परश्या व्हायला वेळ लागणार नाही हे खरेच.