Skip to main content

शतशब्दकथा स्पर्धा २०१७: वर्तुळाचा एक कोन

लेखक मृत्युन्जय यांनी सोमवार, 30/01/2017 22:05 या दिवशी प्रकाशित केले.

a

"चवचाल आहे झालं" श्यामल काकू करवादल्या

"खरेच सासरच्यांनी बळजबरी केली की हीच गेली होती मागे राम जाणे" शांता मावशी उद्गारली

"देहाची भूक चुकत नाही श्यामल. तरुण आहे आपली कुसुम अजुन" दुर्गा आज्जी मुलीला समजावु लागल्या.

"भोळी आहे गं कुसुम" वसंतराव कळवळुन म्हणाले.

"भोळी कसली? प्रत्येक वेळेस् नोटा बर्या सापडतात तिच्या हातात?" इति श्यामल काकू.

इकडे लग्नाच्या रात्रीच विधवा झालेली कुसुम मात्र हातातल्या बाहुलीशी बोलत होती "बाटलीचा आकार कसा वाढत जातो ना ठमे? मला तर बाई गंमतच वाटते. आपल्याकडे नाहित नाही असल्या बाटल्या? रमेश भाऊजी, मामंजी आणि सुरेश काका दुष्ट जादूगार असतील का गं? म्हणूनच सगळे जण इतके चिडले असतील का?"

लेखनविषय:
लेखनप्रकार
वाचने 4466
प्रतिक्रिया 13

प्रतिक्रिया

अॅस्ट्रोनाट विनय मंगळवार, 31/01/2017 10:16

देहाची भूक भागत नाही वगैरे वाक्यांवरुन कुसुम मोठी आहे असं सूचित होतंय. तरीपण ती बाहुलीशी खेळते आणि तिला ते ज्ञान नाही?!
हा बालविवाह होता असं स्पष्ट झालं असतं तर ही नक्कीच चांगली कथा बनली असती.

जव्हेरगंज मंगळवार, 31/01/2017 11:02


बाटलीचा आकार कसा वाढत जातो ना ठमे?

सासं, हे वाक्य आप्य निय्मवलीत ( Rule no.9) madhye बसते वाटतं.

सूड मंगळवार, 31/01/2017 12:14

शेवटचा परिच्छेद बालविधवा असेल तर समजू शकतो अन्यथा बळजबरीने शॉकिंग शेवट करायचा म्हणून केल्यासारखं वाटतं.

पिलीयन रायडर मंगळवार, 31/01/2017 20:25

खुपच शंका आहेत.. ती मुलगी लहान आहे की नाहीये? बरं धक्का बसुन डोक्यावर परिणाम झालाय म्हणावं तर बाकीच्यांच्या बोलण्यातुन तर तसं वाटत नाही.

बाटलीचा अर्थ मला वाटतोय तोच असेल तर मग ती मुलगी ज्या परिस्थितीतुन गेली आहे, ते पहाता ती इतकं बालीश बोलणार नाही हे नक्की.

शिवाय पैशाचं काय नक्की? कुठुन आलेल्या नोटा?

सॉरी.. पण नाही जमली कथा..

चिनार बुधवार, 29/03/2017 14:17

कृपया लेखकाने या कथेचा अर्थ उलगडून सांगावा. मला वाटतोय तोच अर्थ असेल तर, ही कथा माझ्या मते एक मास्टरपीस आहे.