(वंचनांचे खर्चही पडताळणे आता नव्याने)

विशाल भौंची नेहेमीप्रमाणेच सुरेख गजल वाचली 'वंचनांचे खर्चही पडताळणे आता नव्याने' आणि आमच्या काही वंचनांचा बांध फुटला! ;) शोधतो मौनात बागा, निरखणे आता नव्याने पेठ गल्लीबोळ फिरुनी शोधणे आता नव्याने! कोणत्या त्या बंगली वसते परी सांगा गड्यांनो? फाटकांच्या अंतरी डोकावणे आता नव्याने! 'भारती' अन 'वाडिया'ही वाटती का क्षुद्र आता? फर्ग्युसनच्या मृगजळी धुंडाळणे आता नव्याने! 'सीसिडी'ला पडिकणे मी सोडले आहे अताशा वंचनांचे खर्चही पडताळणे आता नव्याने! कन्यकांना शोधतो मी बापसांची कोण गर्दी 'लष्करा'च्या 'गांधि'मार्गी चालणे आता नव्याने! मोल कवडी हाय! उरलो, येच तू बघते घरी रे विघ्नकर्त्या हात जोडुन विनवणे आता नव्याने!! - चतुरंग