Skip to main content

एक भावगीत

लेखक रामदास यांनी शुक्रवार, 13/02/2009 23:52 या दिवशी प्रकाशित केले.

एक प्रेमगीत लिहीण्याचा प्रयत्न केला आहे.

मला सोसेना उबारा ...मला सोसेना हिवाळा
मी होऊन खारोटी
तुझ्या ओंजळीत
घेईन विसावा.
* * * *
मला सोसेना दुरावा .... मला सोसेना दुरावा
मी होऊन चांदणे
तुझ्या अंगणात
मागेन जोगवा.
* * * *
माझ्या प्रेमाची शपथ ....गळाभरून शपथ
मी रंगून विड्यात
तुझ्या ओठावर
सांगेन ओळख.
* * * *

लेखनविषय:
लेखनप्रकार
वाचने 5874
प्रतिक्रिया 25

प्रतिक्रिया

मदनबाण शुक्रवार, 13/02/2009 23:55

मी रंगून विड्यात
तुझ्या ओठावर
सांगेन ओळख.

लय भारी !!!

मदनबाण.....

Be only positive and pure minded,for in such temples of the mind God loves to come and to stay.
Paramahansa Yogananda.

शशिधर केळकर शनिवार, 14/02/2009 00:26

व्हॅलंटाईन स्पेशल तर खरेच, पण अप्रतिम भावपूर्ण कविता उतरली आहे. तीनही कडव्यातल्या मधल्या ३-३ ओळी विशेष सुरेख!

प्राजु शनिवार, 14/02/2009 05:08

कल्पना खूप छान आहेत. पण एक 'रामदास टच" जो असतो तो नाही जाणवला. तुमच्या लेखणीतून उत्तमच वाचायची सवय लागली आहे.. काय करू?
- (सर्वव्यापी)प्राजु
https://praaju.blogspot.com/

रामदास शनिवार, 14/02/2009 05:29

गाणं चालीसकट मला सुचलं.मी ऑडीओ टाकण्याचा प्रयत्न करून पाहीला. जमलं नाही.त्यामुळे जसं सुचलं त्यात कारागीरी न करता तसंच लिहीलं.
२-३-३
१-३-३
२-४
३-३
अशी रचना त्या चालीत होती. त्यातही बदल केला नाही किंवा यमक जुळवण्याचा प्रयत्न केला नाही.

ता.क.: हा वॅलंटाईन चा साईड इफेक्ट असावा.असेलही. पावसाळ्यात , टोपलीत ठेवलेल्या कांदा बटाट्याला पण कोंब फुटतात. तसंच काहीसं.

दशानन शनिवार, 14/02/2009 07:26

>>हा वॅलंटाईन चा साईड इफेक्ट असावा.असेलही. पावसाळ्यात , टोपलीत ठेवलेल्या कांदा बटाट्याला पण कोंब फुटतात. तसंच काहीसं.

=))

कविता सुंदरच ;)

आवडली.


भिरभिर फिरलो उन्हातानात मी !
चकरा मारल्या अनंत मी !
तुला पाहण्यासाठी...
यमालाही थोपवलं मी !

पण आता बाय-बाय =))

विसोबा खेचर शनिवार, 14/02/2009 07:04

माझ्या प्रेमाची शपथ ....गळाभरून शपथ
मी रंगून विड्यात
तुझ्या ओठावर
सांगेन ओळख.

वा! क्या केहेने रामदासभैय्या!

तात्या.

प्रकाश घाटपांडे शनिवार, 14/02/2009 08:33

मला सोसना उभारा
मला सोसना हिवाळा
.
.
.
वैशाली सामंतच्या कोंबडी पळाली च्या चालीत म्हनुन दाखवा
प्रकाश घाटपांडे

पिवळा डांबिस शनिवार, 14/02/2009 08:54

मी होऊन चांदणे
तुझ्या अंगणात
मागेन जोगवा.

क्या बात है रामदासजी!
मार डाला...

प्रेमात आत्मसमर्पणाशिवाय दुसरं असतंच काय?

सहज रविवार, 15/02/2009 08:51

हेमंतकुमार यांच्या आवाजाची आठवण आली हो.

"मला सोसेना, मला सोसेना" हे आर्त सूर तर अगदी पटण्यासारखे. ;-)