एयर फ्राईड इटली

प्रेरणा : केडीभाऊ, स्वादि आणि सास्व तैं व इतर उपकरण : टफ्फल एयर फ्रायर कृती : १) प्रथम नेहेमी प्रमाणे इटल्या कराव्यात. इटली पात्रातून काढून थोड्या गार झाल्यावर इटल्या अर्ध्या कापाव्यात. त्या अर्ध्या भागाचे पुन्हा दोन उभे भाग करावेत. अशा रीतीने एका इटलीचे चार उभे भाग होतील. २) १० इटल्यांचे ४० उभे काप एयर फ्रायर मध्ये टाकावेत. इटल्यांच्या तुकड्यांवर १ चमचा तेल टाकावे. ऑइल स्प्रे असेल तर अत्युत्तम. ३) एयर फ्रायर १५ मिनिटांसाठी चालू करावा. १५ मिनिटांनंतर रागरंग बघून, खरं म्हणजे इटल्यांचा रंग बघून आणखी १० किंवा १५ मिनिटे फ्रायर चालू करावा. आता मात्र जवळपास थांबून बकध्यान किंवा इट्लीध्यान करावे. इटल्यांना अपेक्षित तांबूस सोनेरी रंग चढला कि एयर फ्रायर बंद करावे. ४) फ्राईड इटल्या बाहेर काढून डिश मध्ये मांडाव्यात. टोमॅटो किंवा तत्सम डिपींग सॉस बरोबर असावा. मोबल्याच्या मदतीने १, २ फटू खेचावेत. ५) फ्राईड इटल्यांचा गिल्ट-फ्री फन्ना उडवावा. छान क्रिस्पी होतात. ६) यथावकाश मोबल्या वरचा फटू इथे शेर करावा. तळटीप : माझ्या आधी केलेल्या सगळ्या इटल्या सर्व्हर ने खाल्ल्या मुळे नवीन इटल्या केल्या आहेत. त्या संपण्याआधी आस्वाद घ्यावा, हि विनंती.