Skip to main content

(बंदीपायी जीवा लागलीसे वाट)

लेखक स्वामी संकेतानंद यांनी सोमवार, 12/12/2016 16:37 या दिवशी प्रकाशित केले.

बंदीपायी जीवा लागलीसे वाट।
उभा रात्रंदिवस रांगेमध्ये।।

गणिताचा तास विना झंडू बाम।
तैसे एटीएम डोकेदुखी।।

खिसा खुळखुळा जीव कासावीस।
झालो कॅशलेस आपोआप।।

भोगतोय भक्त परी हर्ष करी।
नोट आहे भारी गुलाबी जी।।

स्वाम्या म्हणे मज द्यावी एक नोट।
भाजपाला वोट देत नाही।।

- स्वामी संकेतानंद

काव्यरस
अनर्थशास्त्र
सांत्वना
लेखनविषय:
वाचने 3543
प्रतिक्रिया 13

प्रतिक्रिया

पैसा सोमवार, 12/12/2016 16:44

झालो कॅशलेस आपोआप।।

=)) सगळे एका झटक्यात एकसारखे झाले का नाय! =))

महिना झाला, अजून तेच सुरू आहे का? कुठे आहेस तू स्वाम्या? दिल्लीत का दगडांच्या देशात? मला इकडे गोव्यात काय प्रॉब्लेम नाही बघ! ते गुलाबी गांधीजी मासेवाले पण आरामात घेतात. =))

स्वामी संकेतानंद सोमवार, 12/12/2016 16:57

आतापर्यंत झाडुवाल्याच्या देशात होतो, उद्या दगडांच्या देशात असणार. इकडे गुलाबी नोट कोणी घेत नाहीत.

पिलीयन रायडर मंगळवार, 13/12/2016 10:16

मला पण घ्या तुमच्या क्लबात!

माझा विश्वास डळमळाय लागलाय. अर्थात मी नुसत्या चर्चा वाचुन मत बनवतेय, प्रत्यक्ष काय चाललंय हे बघु तर शकत नाही. पण आता मलाही तुम्हा लोकांचे काही काही मुद्दे पटायला लागलेत.

-(कुंपणावरची) पिरा!

प्रीत-मोहर मंगळवार, 13/12/2016 11:01

नोटबंदीचा अज्जीबात त्रास झाला नसला तरीही माझा विश्वास थोडाफार डळमळीत झालाय.

मलापण घ्या तुमच्यात

अत्रुप्त आत्मा बुधवार, 14/12/2016 06:18

@देशद्रोही क्लब आपले स्वागत करतंय रंगास्वामी!!!››› =)) आता नमोरुग्ण तुम्हाला खवळून मारायला येणार! =))