Skip to main content

Cashless

लेखक निओ१ यांनी शनिवार, 19/11/2016 01:32 या दिवशी प्रकाशित केले.
नोटबंदी जाहीर झाली व ९ ला सकाळी सगळीकडे आहाकार माजला की काय असे वातावरण निर्माण झाले होते. माझ्याकडे रोख रक्कम फक्त ३४० रु होती. तर.. घरी आम्ही चार लोक आहोत. १. महिण्याचा किराणा - कार्ड पेमेंट २. गाडीसाठी पेट्रोल - कार्ड पेमेंट ३. औषधे - कार्ड पेमेंट ४. नेट बील - कार्ड पेमेंट ५. फोन बील - कार्ड पेमेंट ६. लाईट बील - कार्ड पेमेंट ७. सिलेण्डर - कार्ड पेमेंट ८. टिव्ही रिचार्ज - कार्ड पेमेंट ९. ड्रिक्स - कार्ड पेमेंट * यातील कित्येक लोकांना कार्ड मशीन घेण्यास मी गेल्या दोन वर्षापासून सांगत होतो व सकारण, उदाहरण देऊन पटवून दिले होते. त्यांनी ती घेतली होती. आम्ही हॉटेल व इतर जागी जात नाही, पण तेथे पण आता सरास कार्ड पेमेंट घेतात. प्रश्न होता रोजच्या खर्चाचा, म्हणजे भाजी, फळे इत्यादी. नियमित असलेली २-३ दुकाने निवडली त्यांना माझे काम व माझे पैसे कसे रोख नसतात हे समजवले व त्यांना नेट बॅन्कीग शिकवले, त्यांच्या खात्यात त्यांच्यासमोर पैसे मोबाईलद्वारे (IMPS payment) कसे येतात व तुम्हाला लगेच कसे मिळतात हे शिकवले. अगदी पान टपरीवाल्याला देखील व त्यांनी ते मान्य देखील केले कारण नवीन पध्दतीने खात्यात पैसे जमा झाल्याचा मोबाईल मासेज लगेच येतो व त्यांना कळते की ह्या व्यक्तीने पैसे दिले. दुसर्‍याला पैसे कसे द्यावे हे शिकवले, आपले पैसे, आपला पासर्वड आपला OTP कसा जपावा व का हे समजवले. हे झाले आमचे रामायण! पण गल्लीमध्ये अनेक असे होते की त्यांना हे समजणे अवघड होते. १. गेली अनेक महिने मी एक रु. देखील जास्त न घेता सर्वांची लाईट बील्स ऑनलाईन भरत होतो. त्यांना त्याचा फायदा आता पण झाला या १० दिवसामध्ये व इतर काही गोष्टीमध्ये देखील. २. गॅस बुकिंग देखील करत होतो. पण आता रक्क्म जमा करताना अडचण येत होती, कारण माझा व्यवसाय, माझे उत्त्पन व मी भरत असलेली रक्क्म यात ताळमेळ करणे अवघड गेले असते. ९ तारखे पासून मी किमान माझ्या जवळपास असलेल्या व ऑनलाईन व्यवहार करत नसलेल्या अनेकांना नेट बॅकिंग व कार्ड वापरण्याचे फायदे शिकवले, काही शिकले काही धडपडत आहेत, पण शिकत आहेत. माझ्या माहितीमध्ये असलेला एकही व्यक्ती एक ही दिवस एटीमच्या बाहेर उभा राहिला नाही गेल्या दहा दिवसात, मला वाटते हे माझे यश असावे. माझ्या हाती एवढे होते, तर एवढीच समाजसेवा करु शकलो. पुढील काही दिवस ही असेच निघून जातील. काही तासापुर्वीच एके ठिकाणी वाचले होते, तिरुपतीला १ मिनिटच्या दर्शनासाठी २४ तासाची किम्वा कधी कधी त्यापेक्शा मोठी रांग असते....! माझ्याकडे अजून ही ३४० रु आहेत. दिनांक १९-११-१६
लेखनविषय:
लेखनप्रकार
वाचने 17288
प्रतिक्रिया 112

प्रतिक्रिया

विवेकपटाईत शनिवार, 19/11/2016 09:16
मला काहीच फरक पडला नहीं. फ़क्त पिटीएम् फोन मध्ये टाकले. आमचा बनिया कार्ड आधीच घेत होतो. (त्याचे म्हांने थोडाफार कर सरकारला दिला तर काही जास्त नुकसान होत नाही. आजकाल त्याची विक्री वाढलेली आहे. आजूबाजूचे दुकानदार हि बहुतेक लवकरच कार्ड घेणे सुरु करतील. या वर्षी नक्कीच कर देणार्यांची संख्या वाढेल.

कंजूस शनिवार, 19/11/2016 10:32
चांगले काम केलेत. इकडे काय कोणी न विचारता त्याला सांगायला गेलो की त्यांना संशय असतो यामध्ये याचा काहितरी डाव असणार.सावध राहावे लागते.

निनाद शनिवार, 19/11/2016 11:25
छान केले आहे काम! आवडले. प्राप्त परिस्थितीला दोष देत बसण्यापेक्षा त्यावर मार्ग शोधणे जास्त चांगले. तेच तुम्ही केल्याने लिखाणात एक प्रकारची पॉझिटिव्हिटी वाटली. व्यवसाय करणार्‍यांना साधारणपणे पैसे 'येतात' हे लक्षात आले की पैसे येण्याचा अजुन एक मार्ग उघडायला ते नेहमीच तयार असले पाहिजेत. उत्तम व्यावसायिकाने तर पैसे येण्याचे जितके जास्त मार्ग उघडता येतील तेव्हढे उघडले पाहिजेत.

शलभ सोमवार, 21/11/2016 18:22
छान केले आहे काम! आवडले. प्राप्त परिस्थितीला दोष देत बसण्यापेक्षा त्यावर मार्ग शोधणे जास्त चांगले. तेच तुम्ही केल्याने लिखाणात एक प्रकारची पॉझिटिव्हिटी वाटली.
+१११११११

पैसा शनिवार, 19/11/2016 12:55
प्रचंड कौतुक आहे! शक्य तेवढ्या लोकांना नेट साक्षर आणि अर्थसाक्षर केले पाहिजे. निनादच्या धाग्यावर मी आयएमपीएस बद्दल (नेट बँकिंग मोबाईल अ‍ॅपवरून) लिहिले होते. http://www.misalpav.com/comment/899677#comment-899677 लोकाना समजावण्यासाठी याचा काही उपयोग झाला तर बघा.

सुबोध खरे शनिवार, 19/11/2016 13:08
माझ्याकडे येणाऱ्या रुग्णांकडून मी चेक घेतो, payTM हि आहे, एका रूग्णाने chillr म्हणून aap वरून पैसे दिले. माझे स्वतःचे HDFC बँकेचे PAYZAPP म्हणून अँप आहेच. यातील काहीच करण्याची तयारी नसणाऱ्या रुग्णांना मी रोख रक्कम घेऊन या म्हणून सांगतो. जुन्या नोटा खपवायचा प्रयत्न करणारे लोक रोज येतात. स्पष्ट शब्दात "नकार" माझी स्वागत सहायिकाच देते. माझे रिपोर्ट मी लगेच देतो हे माहित नसलेल्या काही लोकांकडे पैसे नसतात पण ते नंतर चेक आणून देतात आणि रिपोर्ट घेऊन जातात. रोज चेक भरायला बँकेत जावे लागते जी माझ्या घरापासून २०० मीटर वर आहे. १६ तारखेला एकदा जाऊन माझ्या जुन्या आणि नव्या नोटा भरून आलो. एक तास रांगेत बसलो होतो मासिक आणि व्हाट्स अँप घेऊन. अन्यथा काही त्रास नाही. महानगर गॅस, वीज, पाणी, एम टी एन एल, मोबाईल इ सर्व बिले जालावरच्या भरत असल्याने रांगेत उभे राहणे कधीच बंद केले आहे. एकदा "त्रास होतो" म्हटलं कि मनाला त्रास होतो आणि "नाही होत" म्हटलं मानसिक शांतता असते.

निनाद शनिवार, 19/11/2016 16:51
तुमच्याकडे कार्ड स्वाईप मशिन का घेतले नाही? कार्डाने पैसे देणे घेणे सोपे होईल. शिवाय कार्ड आहे म्हंटल्यावर पैसे नाहीत चेक घ्या वगैरे सबबी आपोआपच कमी होऊ शकतील.

निनाद शनिवार, 19/11/2016 16:53
प्रश्न फार आगाऊ किंवा वैयक्तिक होत असेल तर क्षमस्व!. उत्तर दिले नाही तरी चालेल.

सुबोध खरे शनिवार, 19/11/2016 19:32
कार्ड स्वाईप मशिन घेण्यासाठी एच डी एफ सी बँकेत गेलो होतो परंतु त्यांनी त्याला ८ दिवस लागतील असे सांगितले परत तुम्हाला करंट अकाउंट उघडायला लागेल असे सांगितले. माझा लष्करात असल्यापासूनचे पगाराचे खाते आहे. शिवाय एन के जी एस बी बँकेत करंट अकाउंट आहे. ते सोडून अजून एक खाते उघडायचे आणि त्याची उस्तवार करायची आली. . शिवाय २. २५ % टक्के कमिशन लागेल सांगितले आहे. मशीनचे ४५० रुपये महिना अधिक. पूर्वी बरेच ग्राहक २. २५ टक्के देण्यास तयार होत नसत.(१००० रुपयावर २५ रुपये देण्यापेक्षा ते माझ्या दवाखान्याच्या इमारतीतच ए टी एम आहे तेथून रोख रक्कम काढणे पसंत करत हे आमच्या खालीच असलेला सौंदर्य प्रसाधनांचा घाऊक विक्रेत्याने सांगितले). मर्सिडीझ घेतली तरी ऍव्हरेज किती देते विचारणे हि भारतीय मनोवृत्ती आहे. सरकारने हे २- २.२५% कमिशन रद्द केले तर कार्डाची स्वीकृती बरीच वाढेल असे तो म्हणाला. त्यातून बँकेतील कर्मचार्याना "घरचं झालं थोडं आणि व्याह्यांनी धाडलं घोडं" अशी परिस्थिती झाली आहे. मशीन स्वाईप करण्याबद्दल प्रात्यक्षिक देण्यासाठी माणूस येईल त्याला अधिक वेळ लागेल. माझ्या दोन्ही स्वागत सहायिकाना प्रशिक्षण देणे आवश्यक आहे आणि मी चेक घेतो किंवा रोख घेतो तेंव्हाही पावती देतोच. माझे फारसे काही अजून तरी अडलेले नाही. बहुसंख्य रुग्ण "माझ्याकडेच" येणारे असतात. एखादा त्यातल्या त्यात स्वस्त कुठे असा बाजारहाट करणारा असतो असा रुग्ण गेला तरी मी फार चिंता करीत नाही. स्वस्तात सेवा मिळेल हे माझे ब्रीद नाहीच. उत्तम सेवा मिळेल हेच ब्रीद आहे. त्यामुळे मी थोडे दिवस थांबायचं ठरवलं आहे.

अप्पा जोगळेकर सोमवार, 28/11/2016 12:02
सरकारने हे २- २.२५% कमिशन रद्द केले तर कार्डाची स्वीकृती बरीच वाढेल असे तो म्हणाला. हे २ टक्के सरकारला मिळत नाहीत. अ‍ॅक्वयरर बँक (म्हणजे ज्यांचे मशीन आहे ती कंपनी), व्हिसा (नेटवर्क कंपनी) आणि बँक हे सगळे त्यांच्या त्यांच्या कमिशनचे पैसे कापून घेतात. हे पैसे मर्चंट (म्हणजे व्यापारी - या केसमधे तुम्ही स्वतः मर्चंट आहात) यानेच भरणे अपेक्षित आहे. अर्थात व्यापारी ते अप्रत्यक्षपणे ( म्हणजे ओव्हर ऑल किमत किंवा फीमधे वाढ करुन) वसूल करु शकतात. आणि त्यात काही गैर नाही. व्हिसा/मास्टरकार्ड, अक्वायरर कंपनी यांनी सुद्धा कमिशन घेणे गैर नाही. नाहीतर त्यांचा धंदाच बंद होईल.

अप्पा जोगळेकर सोमवार, 28/11/2016 12:13
फक्त ४५० रुपये महिन्याचे कसे काय लावले ते कळत नाही. कमिशन पण त्यांनाच मिळणार आणि मशीनचे भाडे सुद्धा तेच घेणार हा उफराटा प्रकार आहे. फारतर मशिनचे दीपॉझिट घेणे ठीक आहे.

संदीप डांगे शनिवार, 19/11/2016 13:14
आयकर विभागाची काम करायची काय पद्धत असते? म्हणजे निनावी तक्रार वगैरे करता येते काय? कारवाई च्या वेळेस मांडवली होत नसते ना? सात आठ जणांना 'फस्ट ह्यांड' अनुभव द्यायची फार इच्छा आहे! ;)

निओ१ रविवार, 20/11/2016 00:58
हो करता येते, व करावी देखील. देशाची फसवणूक म्हणजे पुर्ण १२५ कोटी लोकांची फसवणूक असे मी मानतो. जे सरळ मार्गाने जात नाही आहेत त्यांना सरळ मार्गावर घेऊन येणे हे तर पुण्य झाले ना?

टीपीके रविवार, 20/11/2016 00:35
सध्या आमचेही हेच प्रयत्न चालू आहेत पण तुमच्या इतके यश नाही मिळाले. पण लवकरच मिळेल अशी अशा आहे

डॉ सुहास म्हात्रे रविवार, 20/11/2016 00:43
अतिशय स्पृहणिय काम केले आहे तुम्ही !! कठीण काळात इतरांकडे बोटे न दाखवता उलट दुसर्‍यांना मदत करण्यात तुम्ही दाखवलेली सकारात्मकता खूपच भावली.

निओ१ रविवार, 20/11/2016 00:52
माझे मराठी (ऑनलाईन) जरा वाईट आहे, पण मी ऑनलाईन कसे पैसे देवाण-घेवाण करावेत या बद्दल लिहतो आहे. निनाद यांनी पण लिहलेला लेख वाचला. त्यातून प्रेरणा मिळाली आहे.

कंजूस सोमवार, 21/11/2016 10:20
निओ१, प्रश्न पैसे घेणार्रच मशीन लावायला तयार नाहीत. मुळात ब्यान्क व्यवहारच दाखवायला तयार नाहीत. क्याशच द्या म्हणतात.

निओ१ रविवार, 27/11/2016 17:41
माझ्या माहितीनूसार Bank रोख रक्क्म घेणे जास्त खर्चिक आहे, कारण रकमेची हताळणी आहे. उलट कॅशलेस मध्ये त्यांना फायदा आहे म्हणूण तर अनेक जागी तुम्हाला कॅशलेससाठी सुट मिळत असते.

पैसा रविवार, 27/11/2016 23:33
कॅशलेस व्हायला बॅकांना प्रॉब्लेम नाही तर लहान धंदेवाले, दुकानदार, हॉटेलवाले यांच्याशी आपला रोजचा संबंध येतो ते लोक आपली सगळी ट्रॅन्झॅक्शन्स बँकेत येऊ द्यायला तयार नाहीत असे ते म्हणत आहेत. (कारण अर्थातच त्याना त्यांचे खरे उत्पन्न उघड व्हायला नको आहे.)

अनुप ढेरे सोमवार, 05/12/2016 15:37
कॅशलेस होणं सोपं नाही. ब्यांका त्या POSच भाडं घेतात. (हजार रु महिना बहुधा), वर इंटरनेटचा खर्च, २% चार्ज. छोट्या दुकानदारांना हे तोट्याचं आहे. यापुढे ग्रिवंस रिड्रेसल ढिसाळ आहे. एखादं ट्रांझॅक्षन अडकलं/ अर्धवट झालं तर दाद मिळेलच याची हमी नाही.

पैसा शनिवार, 03/12/2016 14:53
आमच्याकडे भांडी घासायला बाई येते ती नेपाळी आहे. पण तिच्याकडे आधार कार्ड आहे. (नेपाळी लोकांबाबत नागरिकत्वाचे काय नियम आहेत माहीत नाही. कारण गुरखे सर्रास सगळ्या भारतभर दिसतात.) तिचा बँक अकाउंट उघडून देण्यासाठी फॉर्म वगैरे आणला आहे. आता जन धन मधे खाते उघडून देईन. तिच्या घरात फक्त मुलाचा बॅंक अकाउंट आहे म्हणे.

पुष्कर जोशी शनिवार, 03/12/2016 15:13
त्या अमेरीकन विसा / मास्टर कार्ड च्या बोडख्यावर इतके पैसे नका वाहू .तर जमेल तिथे नेट बॅंकीग / IMPS / UPI वापरा .. !

संजय क्षीरसागर सोमवार, 05/12/2016 12:48
(१) ९ ला सकाळी सगळीकडे आहाकार माजला की काय असे वातावरण निर्माण झाले होते. माझ्याकडे रोख रक्कम फक्त ३४० रु होती. प्रश्न होता रोजच्या खर्चाचा, म्हणजे भाजी, फळे इत्यादी. आम्ही हॉटेल व इतर जागी जात नाही माझ्याकडे अजून ही ३४० रु आहेत. दिनांक १९-११-१६ म्हणजे दहा दिवस घरच्यांनी काही खाल्लंच नाही ? (२) १. महिण्याचा किराणा - कार्ड पेमेंट २. गाडीसाठी पेट्रोल - कार्ड पेमेंट......९. ड्रिक्स - कार्ड पेमेंट यातल्या एकाही व्यावहारात कार्ड चार्जेस लागत नाहीत ? का कार्ड चार्जेस हा प्रकारच तुम्हाला माहिती नाही ? (३) १. गेली अनेक महिने मी एक रु. देखील जास्त न घेता सर्वांची लाईट बील्स ऑनलाईन भरत होतो. NEFT तुमच्याकडे फ्री आहे ? का NEFT ला बँक चार्जेस पडतात याची तुम्हाला कल्पनाच नाही? २. गॅस बुकिंग देखील करत होतो गॅस बुकींगला, ऑन लाईन पेमंट चार्जेस न लावणारी ही कंपनी कोणती आहे ? (४) माझ्या माहितीमध्ये असलेला एकही व्यक्ती एक ही दिवस एटीमच्या बाहेर उभा राहिला नाही गेल्या दहा दिवसात, मला वाटते हे माझे यश असावे. याचा अर्थ, दहा दिवस तुमच्या ओळखीत कुणी एक रुपया सुद्धा रोखीत दिला नाही ? कुठल्या भ्रमात आणि काय लिहीता आहात ? तुमच्या जनजागृतीबद्दल बाकीच्यांनी कौतुक केले आहेच! पण डोळे उघडे ठेवून व्यावहार केलेत आणि लिहीलेत तर बरे.

पैसा सोमवार, 05/12/2016 13:26
(२) १. महिण्याचा किराणा - कार्ड पेमेंट २. गाडीसाठी पेट्रोल - कार्ड पेमेंट......९. ड्रिक्स - कार्ड पेमेंट यातल्या एकाही व्यावहारात कार्ड चार्जेस लागत नाहीत ? का कार्ड चार्जेस हा प्रकारच तुम्हाला माहिती नाही ?
आमच्याकडे तरी को ऑप स्टोअर किंवा तत्सम मोठ्या स्टोअरमधे स्वतंत्र कार्ड पेमेंट चार्जेस लागत नाहीत. एमारपी मार्जिनमधे अ‍ॅडजस्ट करत असावेत. रोजचे मासे वगळता इतर कोणतीही वस्तू डेबिट क्रेडिट कार्डाने घेता येते.
(३) १. गेली अनेक महिने मी एक रु. देखील जास्त न घेता सर्वांची लाईट बील्स ऑनलाईन भरत होतो. NEFT तुमच्याकडे फ्री आहे ? का NEFT ला बँक चार्जेस पडतात याची तुम्हाला कल्पनाच नाही?
आमच्या सिंडिकेट बँकेत सेव्हिंग अकाउंटमधून एनईएफटी फुकट आहे. तसेही लाईट बिल एनईएफटीने नव्हे तर डेबिट्/क्रेडिट कार्ड किंवा इंटरनेट बँकिंग असलेल्या अकाउंटमधून होते. क्रेडिट कार्डाला एका ठराविक रकमेपर्यंत चार्ज नसतो. डेबिट कार्ड्/इंटरनेट बँकिंगला कोणताही चार्ज नसतो.
२. गॅस बुकिंग देखील करत होतो गॅस बुकींगला, ऑन लाईन पेमंट चार्जेस न लावणारी ही कंपनी कोणती आहे ?
भारत गॅसच्या पोर्टलवर ऑनलाईन पेमेंट करून सिलेंडर प्रीपेड मागवता येतो. स्वतंत्र चार्जेस नाहीत. इतर गोष्टींना आपला पास. पण दुकानदार वगैरे लोक इतकेही अडाणी नसतात. कालच आमच्या दूधवाल्या दुकानदाराला विचारले की जेव्हा सुटे पैसे नसतील तर आयएमपीएस ने पैसे ट्रान्सफर केले तर चालेल का. तो हो म्हाणाला.

मराठी कथालेखक सोमवार, 05/12/2016 13:35
भारत गॅसच्या पोर्टलवर ऑनलाईन पेमेंट करून सिलेंडर प्रीपेड मागवता येतो. स्वतंत्र चार्जेस नाहीत.
भारत गॅसला ऑनलाईन पेमेंट करताना चार्जेस लागतात. अर्थात कार्डवर मिळणार्‍या रिवॉर्ड पॉईंट मुळे बरोबरी होते , त्यामुळे तोटा होत नाही (निदान माझ्या कार्डवर तरी) शिवाय डिलिवरी करणारा जास्त मला (म्हणजे माझ्यावतीने जे सिलिंडर स्वीकारतात त्यांना) जास्त पैसे मागू शकत नाही हा फायदा.

मराठी कथालेखक सोमवार, 05/12/2016 14:48
ऑनलाईन ? मग सध्या हे चार्जेस काढून घेतले असतील.

संजय क्षीरसागर सोमवार, 05/12/2016 15:05
7.The transaction charges for opting online payment would be borne by you over and above the cost of the refill (Currently it is Rs 7/- per transaction). 8.In case the refill could not be delivered at the residence of the consumer due to various reasons or booking cancelled by the consumer, the amount paid would be refunded/adjusted against next booking after deducting the online payment transaction charges.

मराठी कथालेखक सोमवार, 05/12/2016 15:09
:)

पैसा सोमवार, 05/12/2016 15:55
क्रेडिट कार्डला ५ ₹ ४१ पैसे transaction चार्जेस आहेत आणि डेबिट कार्डला nil.

संजय क्षीरसागर सोमवार, 05/12/2016 14:15
आमच्याकडे तरी को ऑप स्टोअर किंवा तत्सम मोठ्या स्टोअरमधे स्वतंत्र कार्ड पेमेंट चार्जेस लागत नाहीत. एमारपी मार्जिनमधे अ‍ॅडजस्ट करत असावेत. हे सर्वज्ञात आहे. रोजचे मासे वगळता.... तोच तर प्रश्न आहे. त्यांचे ३४० रुपये १० दिवस तसेच राहीलेत ! आमच्या सिंडिकेट बँकेत सेव्हिंग अकाउंटमधून एनईएफटी फुकट आहे. लकी आहात. तसेही लाईट बिल एनईएफटीने नव्हे तर डेबिट्/क्रेडिट कार्ड किंवा इंटरनेट बँकिंग असलेल्या अकाउंटमधून होते. त्यांनी गल्लीच्या बिलांचं `ऑनलाईन' पेमंट केलं आहे, याकडे लक्ष वेधतो. क्रेडिट कार्डाला एका ठराविक रकमेपर्यंत चार्ज नसतो. डेबिट कार्ड्/इंटरनेट बँकिंगला कोणताही चार्ज नसतो. तपासून पाहा. BOI प्रत्येक NEFT ला चार्जेस लावते. टिडीएस रिटर्नच्या प्रत्येक ५४ रुपयांसाठी NEFT ला २.८५ चार्जेस लागतात. कार्ड चार्जेसवर जोगळेकरांनी स्वतंत्र धागा काढला आहे. तुम्ही वाचला असेलच. भारत गॅसच्या पोर्टलवर ऑनलाईन पेमेंट करून सिलेंडर प्रीपेड मागवता येतो. स्वतंत्र चार्जेस नाहीत. पुन्हा तुमचं नशीब ! HP Gas On-line बुकींगला ६ रुपये चार्ज आहे. इतर गोष्टींना आपला पास माझं नशीब ! पण दुकानदार वगैरे लोक इतकेही अडाणी नसतात. कालच आमच्या दूधवाल्या दुकानदाराला विचारले की जेव्हा सुटे पैसे नसतील तर आयएमपीएस ने पैसे ट्रान्सफर केले तर चालेल का. तो हो म्हाणाला. माझा दुधवाला चेक घेतो. बहुतेक दुकानदारांनी कार्ड पेमंटला चार्जेस लागतील असे बोर्ड लावलेले दिसतात.

पैसा सोमवार, 05/12/2016 14:36
तोच तर प्रश्न आहे. त्यांचे ३४० रुपये १० दिवस तसेच राहीलेत !
अहो ते जैन आहेत ना! त्याना मासे बिसे काय लागत नाय!
त्यांनी गल्लीच्या बिलांचं `ऑनलाईन' पेमंट केलं आहे, याकडे लक्ष वेधतो.
मी गल्लीचे नाही, पण एकूण चार बिले दरमहा ऑनलाईन भरते. २ गोव्यातली आणि दोन महाराष्ट्रातली. कधीच एक्स्ट्रा पैसे लागले नाहीत.
तपासून पाहा. BOI प्रत्येक NEFT ला चार्जेस लावते. टिडीएस रिटर्नच्या प्रत्येक ५४ रुपयांसाठी NEFT ला २.८५ चार्जेस
टीडीएस रिटर्न बद्दल काय माहीत नाही बुवा, आमच्या बँकेत एक लाख पर्यंत एनईएफटीला णो चार्जेस. पण मी काय म्हन्ते, लाईट बिलासाठी एनईएफटी करावी लागतच नाही ना! तुम्ही सगळ्यांनी सिंडिकेट बँकेत खाती ट्रान्सफर करा बघू असं म्हटलं असतं, पण ती झैरात होईल म्हणून नकोच ते!

रॉजरमूर सोमवार, 05/12/2016 18:37
तुम्ही BOI चं नेट बँकिंग वापरता काय ? गेल्या ८ दिवसापासून BOI च्या साईटवर लॉगिन केल्यावर संगणकावर ह्या Application security error संदेशाचा पडदा झळकतोय त्यामुळे अजिबात ट्रँजॅक्शन करता येत नाहीये . त्यात उल्लेख केलेल्या पाचही गोष्टी मी करत नाहीये त्या आधी व्यवस्थित सुरु होते नेटबँकिंग. डोक्याला ताप झालाय , त्यामुळे १ दिवसाआड बँकेत चकरा मारायला लागतायत. सगळे ब्राउजर वापरले पण उपयोग नाही. बँकवाले पण व्यवस्थित माहिती देत नाहीत. नसून अडचण असून खोळंबा .

असंका सोमवार, 05/12/2016 18:39
इतर कुणा ग्राहकाला हा असा मेसेज येतोय का ते बघितलंत का? का ही समस्या आपल्यापुरती मर्यादित आहे?

रॉजरमूर बुधवार, 07/12/2016 10:59
इतर कुणा ग्राहकाला हा असा मेसेज येतोय का ते बघितलंत का? का ही समस्या आपल्यापुरती मर्यादित आहे?
माझ्यापुरतीच मर्यादित असावी . एवढे दिवस गैरसोय कोण सहन करील ?

निओ१ सोमवार, 05/12/2016 22:22
तुम्ही स्वतः सीए आहात असे तुमच्या प्रोफाईल मध्ये लिहले आहे, ते पाहूनच विचारतो आहे. >म्हणजे दहा दिवस घरच्यांनी काही खाल्लंच नाही ? आम्ही जेवण करतो ते पण अन्न असलेले, पैसे, रोख रक्क्म खात नाही. >यातल्या एकाही व्यावहारात कार्ड चार्जेस लागत नाहीत ? का कार्ड चार्जेस हा प्रकारच तुम्हाला माहिती नाही ? >NEFT तुमच्याकडे फ्री आहे ? का NEFT ला बँक चार्जेस पडतात याची तुम्हाला कल्पनाच नाही? तुम्ही खरच सीए आहात? >गॅस बुकींगला, ऑन लाईन पेमंट चार्जेस न लावणारी ही कंपनी कोणती आहे ? माहिती नसेल तर कसे करता हे विचारा तुम्हाला ही सांगेन. >याचा अर्थ, दहा दिवस तुमच्या ओळखीत कुणी एक रुपया सुद्धा रोखीत दिला नाही ? भ्रमात तुम्ही आहात. की रोख रक्कमे शिवाय व्यवहार होऊच शकत नाही आहे असे समजत आहे. किंवा तुमचे वय खूप जास्त झाले आहे, थोडी मदत हवी असेल तर स्प्श्ट लिहा. मी नक्की मदत करेन.

संजय क्षीरसागर सोमवार, 05/12/2016 23:16
आम्ही जेवण करतो ते पण अन्न असलेले, पैसे, रोख रक्क्म खात नाही. बँकांच्या रांगेत उभे राहिलेले लोक, काढलेली रक्कम खातात का? दहा दिवसात भाजीपला वगैरेवर एकही रुपया रोखीनं खर्च न करायला संथारा धरली होती का? यातल्या एकाही व्यावहारात कार्ड चार्जेस लागत नाहीत ? का कार्ड चार्जेस हा प्रकारच तुम्हाला माहिती नाही ? NEFT तुमच्याकडे फ्री आहे ? का NEFT ला बँक चार्जेस पडतात याची तुम्हाला कल्पनाच नाही? याचं तुमच्याकडे उत्तर नाही. >गॅस बुकींगला, ऑन लाईन पेमंट चार्जेस न लावणारी ही कंपनी कोणती आहे ? माहिती नसेल तर कसे करता हे विचारा तुम्हाला ही सांगेन. तेच विचारतोयं. लक्षात नाही आलं का? याचा अर्थ, दहा दिवस तुमच्या ओळखीत कुणी एक रुपया सुद्धा रोखीत दिला नाही ? याचं ही उत्तर तुमच्याकडे नाही. भ्रमात तुम्ही आहात. की रोख रक्कमे शिवाय व्यवहार होऊच शकत नाही आहे असे समजत आहे. किंवा तुमचे वय खूप जास्त झाले आहे, थोडी मदत हवी असेल तर स्प्श्ट लिहा. मी नक्की मदत करेन. तुमच्या प्रतिसादावरुन तुमची विचारशक्ती लयाला गेलेली दिसतेय. असंच विचित्र आणि असंबद्ध लिहीणारा एक आयडी पूर्वी इथे होता. अशीच चमत्कारिक टोपण नांव घेऊन तो इथे वावरत असे. कंप्लीट हुकलेली केस होती. तोच प्रकट झाला असावा. यावर घालवायला माझ्याकडे वेळ नाही. इथून पुढे तुम्ही काहीही लिहा. अर्थात, संपूर्ण पोस्टच बोगस आहे हे प्रतिसादातून दाखवून दिल्याबद्दल आभार.

मराठी कथालेखक सोमवार, 05/12/2016 13:29
कालच पिंपरीच्या मोठ्या बाजारात एका मोठ्या दुकानात नविन मोबाईल साठी कव्हर, स्क्रीन गार्ड खरेदी केले. पण दुकानदार कार्डने वा पेटीएम ने पैसे स्वीकारण्यास तयार नव्हता. कार रस्त्यातच उभी केली असल्याने चार दुकाने फिरण्याचा वेळ नव्ह्ता. तसेही पिंपरी बाजारातील सर्व दुकानदारांची कार्यपद्धती (आणि आडमुठेपणाही) सहसा सारखाच असतो. त्यामुळे नाईलाजाने ३५० रुपये रोख खर्च करावे लागलेत. आता कुणी म्हणेल की ह्य वस्तू ऑनलाईन का नाही घेतल्या तर १) मला कव्हर हाताळून बघायचे होते, जे आवाडेल ते घ्यायचे होते. तसेही कव्हर ऑनलाईनपेक्षा निदान ५० रुपयांनी तरी स्वस्त मिळाले आहे असे मला वाटते २) मोबाईल कालच घेतला होता , स्क्रीनगार्ड लगेच लावायचा होता (म्हणजे वापरायला सुरु करण्या आधी). जिथे मोबाईल घेतला तिथे स्क्रीनगार्ड मिळाला नाही. ऑनलाईन मागवला तरी दोन-तीन दिवसानी येणार, शिवाय मला तो नीट लावता येईल याची खात्री नाही.

मराठी कथालेखक सोमवार, 05/12/2016 15:08
मी एका IT कंपनीत काम करतो (स्थळ हिंजवडी) , इथे कॅन्टीनमध्ये ३ विक्रेते (vendors) आहेत. ते रोख वा सोडेक्सो कुपनांद्वारेच पैसे स्वीकारतात (त्यातही काही बाहेरील सिलबंद पदार्थांकरिता -जसे वेफर्स ई. सोडेक्सो कुपनही स्वीकारत नाहीत). सोडेक्सो कुपनची पुस्तके बाळगण्याची कटकट वाटते म्हणून मी सोडेक्सोचा पर्याय स्वीकारला नव्ह्ता (आता एप्रिलपर्यंत त्यात बदल करता येणार नाही). त्यामुळे केन्टीनमध्ये नाष्टा, किंवा ऑफिसबाहेरील टपरीवर वडापाव, चहा, सिगारेट ई साठी रोख रक्कम द्यावी लागते. दिवसाचा सुमारे ३०-४० रुपये तरी खर्च होतो.

मराठी कथालेखक मंगळवार, 06/12/2016 11:50
इथे कुणी 'उपाय' सांगितला नाही अजून !! बाकी कंपनीत अ‍ॅडमिन ग्रुपला मागच्या आठवड्यात मी याबद्दल लिहिले. त्यांनी "पेटीएम साठी विक्रेत्यांसोबत प्रयत्न करु" असे उत्तर दिलेय. पण अजून तरी या विक्रेत्यांनी काही सकारात्मक प्रतिसाद दिलाय असं दिसत नाही !!

हतोळकरांचा प्रसाद मंगळवार, 06/12/2016 22:05
आमच्या इथेही सेम प्रॉब्लेम होता. फॅसिलिटी मॅनेजमेंटशी लोकांनी फॉलोअप करून सगळ्या वेंडरकडे स्वाईप मशीन आणि पेटीएम QR कोड लावून घेतले. खूप सोपं झालंय, कॅश लागतच नाही ऑफिसमध्ये, चहालासुद्धा! मी पेटीएमने करतो सहसा, एकूण 5 सेकंद लागतात :)

मराठी कथालेखक बुधवार, 07/12/2016 13:22
सोपं आहे हे मला माहितीये हो.. पण काही विक्रेत्यांना कॅशच हवी असते त्याला काय करणार. याबाबत मला काही शक्यता वाटतात त्या अशा १) सगळ्यांनीच पेटीएम ने पैसे दिलेत तर विक्रेत्यांकडे इतरांना (मुख्यतः त्यांच्या पुरवठादारांना) द्यायला रोख रक्कम मिळणार नाही अशी भिती वाटत असावी. (काही पुरवठादार पेटीएम ने पैसे स्वीकारत नसतील कदाचित) २) पेटीएम मध्ये मिळालेले पैसे बँक खात्यात ट्रान्सफर करायला पेटीएम कडून १% चार्ज आकारला जातो. नफ्याचे प्रमाण आधीच कमी असेल तर हा १% चा भुर्दंड नको वाटू शकतो. ३) हे विक्रेते कदाचित जमा झालेल्या रोख रकमेतून रोख रकमेचा काळा बाजार करत असण्याची शक्यता आहे. म्हणजे एखाद्याला दहा हजार रुपये रोख तातडीने हवे असल्यास त्याला ते द्यायचे आणि बदल्यात थोड्या अधिक रकमेचा चेक घ्यायचा. बाकी तांत्रिक अडचणी किंवा कौशल्याचा अभाव हे कारण या विक्रेत्यांच्या बाबतीत वाटत नाही...सगळे स्मार्टफोन वापरणारे आणि बर्‍यापैकी तंत्रकुशल आहेत

संजय क्षीरसागर बुधवार, 07/12/2016 14:16
दहा हजाराचा धंदा करून एखादा पाचशे मिळवत असेल तर त्याला १०० रुपये जड नाहीत का ? शिवाय इंटरनेट चार्जसचा खर्च ही वाढतो . सरकार आपली नामुष्की , लोकांना व्यावहार लपवता येणार नाही या सबबीवर दामटतेयं, ते गैर आहे .

मराठी कथालेखक बुधवार, 07/12/2016 14:45
बरोबर आहे. UPI based payment system चा प्रचार आणि प्रसार फारसा झालाच नाही , त्यामुळे पेटीएम कंपनी पैसे कमवत आहे..

संजय क्षीरसागर सोमवार, 05/12/2016 15:38
पण हा ज्योक भारीये! त्यांच्यासमोर पैसे मोबाईलद्वारे (IMPS payment) कसे येतात व तुम्हाला लगेच कसे मिळतात हे शिकवले. अगदी पान टपरीवाल्याला देखील व त्यांनी ते मान्य देखील केले

असंका सोमवार, 05/12/2016 16:04
पानवाल्याला आय एम पी एस मधली पुर्ण कॉमेडी मिसली हो सर...!!! पान खाउन झालं तरी पेमेंट प्रोसेस चालुच!! आणि दहा रुपयाचं पान आणि पाच रुपये अधिक सर्विस टॅक्स असे आय एम पी एस चार्जेस!!!

असंका सोमवार, 05/12/2016 16:20
ह्म्म..बघतो. आहे माझं अकाउंट. ऑनलाइन साठी रीक्वेस्ट केलेली एक नोवेंबरच्या सुमाराला. पण बहुतेक व्हायचंय अजून चालू- फॉर ओब्व्ह्युअस रीझन्स...