Skip to main content

कधी तरी पुन्हा आपण भेटायला हवं..

लेखक चुकलामाकला यांनी गुरुवार, 22/09/2016 18:10 या दिवशी प्रकाशित केले.
कधी तरी पुन्हा आपण भेटायला हवं.. ओळखीचं हसून बोलायला हवं.. किती ती धूळ गैरसमजांची, मनाला स्वच्छ झाडायला हवं.. कुठंतरी आत सलतंय का काही? समजूतीचं मलम तिथं लावायला हवं.. जे झालं ते झालं, ते होणारच होतं अपराधीपणाचं ओझं फेकायला हवं.. पूलाखालून खूप पाणी वाहून गेलंय आनंदानं जीवन आता जगायला हवं.. अर्ध्यावर सोडू नये, गोष्ट किंवा नातं एकदा वेळ काढून ते संपवायला हवं..
काव्यरस
काहीच्या काही कविता
लेखनविषय:
वाचने 4391
प्रतिक्रिया 17

प्रतिक्रिया

नीलमोहर गुरुवार, 22/09/2016 20:46
'अर्ध्यावर सोडू नये, गोष्ट किंवा नातं एकदा वेळ काढून ते संपवायला हवं..'

पैसा गुरुवार, 22/09/2016 22:40
"चलो एक बार फिरसे अजनबी बन जाए हम दोनो" आठवलं!

शिव कन्या शुक्रवार, 23/09/2016 08:50
हेच म्हणायला आले होते पै तै! साधी पण सोपी नसलेली कविता! आवडली.

राजेंद्र देवी शनिवार, 24/09/2016 08:25
आवडली... छान...