बाप्पाचा नैवेद्यः बर्लिनर डोनट्स

स्वाती दिनेश's picture
स्वाती दिनेश in लेखमाला
9 Sep 2016 - 6:52 am

.inwrap
{
background-color: #F7F0ED;
}
.inwrap
{
border: solid transparent;
border-width: 30px;
-moz-border-image: url(https://lh3.googleusercontent.com/Ejo0qm9nwo9Gyq03Q59ESI18nSmxfyofkT7Noi...) 76 79 77 83 repeat;
-webkit-border-image: url(https://lh3.googleusercontent.com/Ejo0qm9nwo9Gyq03Q59ESI18nSmxfyofkT7Noi...) 76 79 77 83 repeat;
-o-border-image: url(https://lh3.googleusercontent.com/Ejo0qm9nwo9Gyq03Q59ESI18nSmxfyofkT7Noi...) 76 79 77 83 repeat;
border-image: url(https://lh3.googleusercontent.com/Ejo0qm9nwo9Gyq03Q59ESI18nSmxfyofkT7Noi...) 76 79 77 83 repeat;
}

ह्या वर्षी बाप्पाच्या प्रसादाला काहीतरी वेगळे करावे असे मनात आले. (बाप्पाने तरी काय दर वर्षी तेच तेच खायचे? त्याला काही व्हरायटी हवी की नको?)
म्हणून मग बर्लिनर डोनटस करायचे ठरले, त्याची एकदम बर्लिनची, आकिम आजोबांच्या आईची पाकृ तुम्हाला माहीत करून दिली आहेच. त्यात काही फेरफार करून, ते त्सेंटाआजीकडून अ‍ॅप्रूव्ह करून घेतले आणि प्रसादायोग्य डोनटस तयार झाले.

साहित्य-
अडीच वाट्या मैदा, १ वाटी भरून साखर, ५ टेबलस्पून बटर, पाऊण ते १ कप कोमट दूध, १ चिमूट मीठ, तळणीसाठी तेल
२ वाट्या पिठीसाखर गार्निशिंगसाठी.
२ क्यूब्ज फ्रेश यीस्ट किवा २ पाकिटे ड्राय यीस्ट
(फ्रेश यीस्टचा ४० ते ४२ ग्रॅमचा क्यूब आमच्याकडे मिळतो. ड्राय यीस्ट घेतले तर छोट्या सॅशेमध्ये येतात.)
प्लम, चेरी, अ‍ॅप्रिकॉट किंवा कोणताही आवडीचा जॅम (४५० ते ५०० ग्रॅमची बाटली.)
पेस्ट्री बॅग, २-३ स्वच्छ फडकी, २-३ मोठे ट्रे किवा ताटे, १ वाटी

कृती -
कोमट दुधात साखर घाला. त्यात यीस्ट घालून रवीने घुसळा. मिश्रण एकजीव झाले पाहिजे.
मैद्यात चिमूटभर मीठ घाला व त्यावर हे मिश्रण ओता. एखादे फडके घालून झाकून उबेशी १५ ते २० मिनिटे ठेवा. बटर पातळ करून ते ह्या मिश्रणावर घाला आणि पोळीच्या कणकेपेक्षा थोडे सैल ठेवा. भरपूर मळावे लागते. गोळा परातीत दोन-चारदा आपटा. (कोणावरचा राग काढायचा असला, तर त्या गोळ्यावर काढा,:) ) मऊसर गोळा झाला पाहिजे. हा गोळा परत फडक्याने झाकून उबेशी १५-२० मिनिटे ठेवा.

पोळपाटावर किवा प्लॅटफॉर्मवर मैदा भुरभुरून घ्या. लाटण्यालाही मैदा चोळून घ्या. मिश्रण फरमेंट होऊन, हलके होऊन जवळपास दुप्पट फुगले की त्यातील एक मोठा गोळा काढून घ्या आणि बाकीचे मिश्रण झाकून उबेशीच ठेवा. हा गोळा परत एकदा पोळपाटावर आपटून जाडसर पोळी लाटा. वाटीने त्याचे गोल आकार कापून घ्या व ते एका ताटात अंतराअंतरावर ठेवून ते ताट फडक्याने झाकून उबेशी ठेवा. दुसरी पोळी लाटा व वाटीने डोनट्स कापा.

एकीकडे तेल तापत ठेवा व एका ताटलीत वाटीभर पिठीसाखर घालून ठेवा. पेस्ट्री बॅगेत जॅम भरून त्यावर लहान टिप बसवा. तेल तापले की मध्यम आचेवर हे डोनट्स तळा. गोल्डन ब्राउन झाले की टिश्यू पेपरवर घाला व गरम असतानाच, लगेच पिठीसाखरेत घोळवा. पेस्ट्री बॅगेची टिप त्यात घुसवून जॅम भरा.

डोनट गरम असतानाच जॅम आत भरला जातो व पिठीसाखरही त्यावर नीट बसते. त्यामुळे ही स्टेप वेळेत करणे महत्त्वाचे आहे.

असे सर्व डोनटस करून पेपरवर पसरून ठेवा. गार झाले की एखाद्या फ्लॅट डब्यात भरून ठेवा.
बाप्पाला नेवैद्य दाखवा आणि आता काय बघता? खा!

1

प्रतिक्रिया

अजया's picture

9 Sep 2016 - 8:16 am | अजया

मस्त पाकृ.

यशोधरा's picture

9 Sep 2016 - 8:26 am | यशोधरा

भारी!

प्रा.डॉ.दिलीप बिरुटे's picture

9 Sep 2016 - 8:30 am | प्रा.डॉ.दिलीप बिरुटे

जबरा हं ! और भी आने दो.

अवांतर : ले गई दिल 'दुनिया' जापानकी..नंतर तुम्ही दीर्घ लेखन केलं नाही, अशी तक्रार करून ठेवतो.

-दिलीप बिरुटे

सामान्य वाचक's picture

9 Sep 2016 - 8:42 am | सामान्य वाचक

I am a berliner आठवले

अनन्न्या's picture

9 Sep 2016 - 11:32 am | अनन्न्या

फक्त ती जॅमवाली स्टेप नाय शिरत डोस्क्यात....जरा विस्कटून सांग त्या स्टेपचा फोटू असता तर कळले असते.

स्वाती दिनेश's picture

9 Sep 2016 - 4:29 pm | स्वाती दिनेश

डोनट तळून पेपरवर टाकला की लगेचच गरम असतानाच त्याच्या पोटात जॅमने भरलेली पेस्ट्री बॅगेची नोझल घुसवायची आणि पिठीसाखरेत घोळवायचा की डोनट तयार झाला. हे काम जरा नाजूकपणे करायला लागते. मग हा डोनट पेपरवर बाजूला ठेवून द्यायचा. असे सगळे डोनट्स भरायचे. पूर्ण गार झाले की पोळ्यांच्या / चपट्या डब्यात भरून ठेवायचे.
गणपतीआधी २-३ दिवस करून ठेवू शकतेस कारण शांतपणा आणि भरपूर वेळ लागतो.
स्वाती

बोका-ए-आझम's picture

9 Sep 2016 - 11:41 am | बोका-ए-आझम

अप्रतिम प्रकार वाटतोय हा! बाप्पा international असल्यामुळे बाप्पाला international नैवेद्य दाखवायलाच पाहिजे.

पद्मावति's picture

9 Sep 2016 - 1:40 pm | पद्मावति

+१

पैसा's picture

9 Sep 2016 - 1:20 pm | पैसा

डोनट्स भारतीय पद्धतीत करून नैवेद्याला करायची तुझी आयडिया भन्नाट!

मस्तच पाकॄ ताई. नक्की करुन बघणार.

लेकर!! दा एरिनंरं इश मिश दिजन बेह्र्युम्टंन डियालोग ज्विशन त्स्वाय बेर्लिनर्न.

berliner

टवाळ कार्टा's picture

9 Sep 2016 - 3:01 pm | टवाळ कार्टा

अरे काय हे, आज डोनट्सचा नैवेद्य उद्य चिकन तंदूरी कराल...श्या संस्क्रुति बुडवणार अश्याने तुम्ही

आहात कुठे ?????

तो ती संस्कृती का कोण बुडायची वाट बघत असेल, म्हण्जे हा लगेच पाण्यात उडी मारेल तिच्या मागोमाग.

नूतन सावंत's picture

9 Sep 2016 - 9:08 pm | नूतन सावंत

हो,माझया माहेरी मटण वडे लागतात गौरीच्या नैवेद्याला.

विशाखा राऊत's picture

9 Sep 2016 - 4:19 pm | विशाखा राऊत

कसले यम्मी दिसते आहेत डोनटस.. मस्तच

मस्त दिसतायत डोनटस! बॉस्टन क्रीम पाय च्या डोनट प्रकारात असेच फिलींग डोनटच्या आत भरतात व वरून चॉकलेट फासतात त्याची आठवण झाली. वरील साहित्यात किती डोनट्स होतात?

स्वाती दिनेश's picture

11 Sep 2016 - 6:40 pm | स्वाती दिनेश

आपल्या जेवणातल्या नेहमीच्या आमटीच्या वाटीने कातले तर साधारण २५ डोनट्स होतात.
स्वाती

रेवती's picture

14 Sep 2016 - 12:12 am | रेवती

ओक्के.

पिलीयन रायडर's picture

9 Sep 2016 - 5:40 pm | पिलीयन रायडर

मला असं नेहमी वाटायचं की काय तेच ते पारंपारिक पदार्थ करायचे. काही वेगळं हवं.. पण इथे बेसिक स्वयंपाकाच धन्यवाद आहे तिथे... असो..

तर आज तू असे खत्रा डोनट्स बनवुन ती इच्छा पुर्ण केलीस! आणि दिसतही अगदी सुंदर आहेत!

नूतन सावंत's picture

9 Sep 2016 - 9:10 pm | नूतन सावंत

स्वाती,मस्त आणि गणपतीला खुश करणारी पाककृती.

कविता१९७८'s picture

9 Sep 2016 - 9:13 pm | कविता१९७८

मस्त ग

सानिकास्वप्निल's picture

10 Sep 2016 - 12:21 am | सानिकास्वप्निल

जॅम-फिल्ड डोनट्स अत्यंत आवडता प्रकार आहे.
मस्त पाकृ व फोटो.

सुंदरच दिसत आहेत डोनट्स एकदम!
डोनट्समध्ये अंडे असल्यामुळे कधीच खाल्ले नाहीत. ही पाकृ पाहून खावेसे वाटत आहेत... पण शांतपणा आणि भरपूर वेळ या दोन्ही गोष्टी मिळणे अवघड आहे.

बॅटमॅन's picture

10 Sep 2016 - 2:27 am | बॅटमॅन

प्रिमा, दाट लाईक्ट अर्ख लेक्कर! वानीर झाल इक नार डाउट्स्लांड वीर खान फोर झेकर झाल हेट ईटन. हील बडांक्ट!!!!

-मेट फ्रिंडलीकं ख्रूटं,

बॅटमॅन. (फ्लीरमाउसमान)

प्रिमो, दाट लाईट आक्खं लेकरु, पनीर झालं, एक नार असलेला वीर खान फोर्जेकर झालं हिला बंडात.
-मेटला फ्रेंड म्हणतेत कुठं,
अभ्या (मीच्माझ्यासमान).
.
अबे काये ते सांगा तरी हे. ;)

वरती सूडपंत लिहितेत ते जर्मण आन आमी लिवल्यालं डच.

प्रिमा, दाट लाईक्ट अर्ख लेक्कर! वानीर झाल इक नार डाउट्स्लांड वीर खान फोर झेकर झाल हेट ईटन. हील बडांक्ट!!!!

-मेट फ्रिंडलीकं ख्रूटं,

बॅटमॅन. (फ्लीरमाउसमान)

भारी, एकदम टेस्टी दिस्तेय. जेव्हा जर्मनीस पुन्हा जाणे होईल तेव्हा हे नक्कीच खाईन. अनेक धन्यवाद.

-आपलाच, बॅटमॅन (वाल्गुदेय).

डच भाषेत वटवाघूळ = फ्लीरमाउस = (शब्दशः) उडणारा उंदीर.

अभ्या..'s picture

10 Sep 2016 - 7:53 pm | अभ्या..

हील बडांक्ट!!!!

उल्का's picture

10 Sep 2016 - 7:06 am | उल्का

मस्त पाकृ. :)

अभिजीत अवलिया's picture

11 Sep 2016 - 6:48 pm | अभिजीत अवलिया

डोनट्स का प्रकार मला खूप आवडतो. पण आपल्या भारतात हे कुठे विकत मिळतात का?

चॉकोलेट फॅक्टरीमध्ये. ह्या नावाचे दुकान आहे.

स्वाती दिनेश's picture

12 Sep 2016 - 11:34 am | स्वाती दिनेश

सर्वांना धन्यवाद.
ह्या वर्षी बाप्पासाठी हे डोनट्स करायचे ठरवले पण भारतात गणपतीसाठी जाणे जमणारे नव्हते. आमचा एक मित्र कामानिमित्त मुंबईला जाणार होता, मग तसेच त्याच्या घरचे गणपती करून येणार असे त्याने सांगितल्यावर त्याला हे डोनट्स घरी नेशील का? असा प्रश्न विचारला. त्यांच्या गणपतीलाही २१ डोनट्सचा नैवेद्य पाहिजे ह्या अटीवर तो कबूल झाला. :) मग काय? डोनट्सचे शतकच केले पूर्ण आणि पाठवले बाप्पासाठी.
आमच्याकडे गणपतीच्या दुसर्‍या दिवशी दरवर्षी सहस्त्रावर्तन असते, ब्रह्मवृंद असतो. त्यावेळी सर्वांना प्रसाद म्हणून हे डोनट्स वाटले. गणपतीसकट सगळ्यांना हा प्रसाद खूप आवडला असा रिपोर्ट आला भारतातून. :)
स्वाती

आवडण्यासारखाच आहे प्रसाद!

रेवती's picture

14 Sep 2016 - 12:12 am | रेवती

शतक?
बापरे! सोपे नाही ते!

पूर्वाविवेक's picture

13 Sep 2016 - 3:03 pm | पूर्वाविवेक

मस्त मस्त. हा आगळा-वेगळा नैवेद्य पाहून बाप्पा नक्कीच खुश होणार. फारच रुचकर दिसतेयेत.

पाटीलभाऊ's picture

13 Sep 2016 - 7:41 pm | पाटीलभाऊ

मस्त दिसतायत डोनट्स...

आमच्या जर्मन ज्ञानाचा उजेड पाडायच्या नादात एक विचारायचं राहून गेलं, जॅमऐवजी क्रीम भरलं तर चालतं का ह्यात?

स्वाती दिनेश's picture

13 Sep 2016 - 10:48 pm | स्वाती दिनेश

म्हणजे व्हिप्ड क्रिम म्हणतो आहेस? काही ठिकाणी चॉकलेट, कस्टर्ड किवा व्हिप्ड क्रिमचे फिलिंग करतात. पण पारंपरिक बर्लिनर फानकुकन म्हणजे बर्लिनर डोनट मध्ये मार्मालाड/ जॅम चे फिलिंग घालतात.
व्हिप्ड क्रिमचे फिलिंग लवकर वितळेल आणि पेस्ट्री बॅगेतून गरम डोनटमध्ये भरताना जास्त काळजी घ्यावी लागते. तसेच
टिकण्याच्या दृष्टीने जॅम/मार्मालाडचे फिलिंग जास्त बरे पडते.
स्वाती

होय, व्हिप्ड क्रिमच म्हणत होतो. पण ते गरम भरायचं म्हटल्यावर उपयोगाचं नाही.

इशा१२३'s picture

14 Sep 2016 - 8:29 am | इशा१२३

मस्तच दिसताहेत डोनट्स!

इशा१२३'s picture

14 Sep 2016 - 8:29 am | इशा१२३

मस्तच दिसताहेत डोनट्स!

दिपक.कुवेत's picture

16 Sep 2016 - 9:21 pm | दिपक.कुवेत

बाप्पा नक्कि खुष झाला असेल.